„Што сработив минатата недела?“ е насловот на домашната задача која федералните службеници треба да напишат и да ја предадат до понеделник во 23:59 часот. Класниот, Илон Маск, им даде насоки тоа да биде опишанo приближно во пет точки и им напомна дека кој нема да ја предаде домашната, може да се смета за отпуштен од работа.

Со фокусирање кон миграцијата, главните кандидати за канцелар на Германија самите ја префрлија предизборната дебата на теренот на екстремната десница и така ѝ го билдаа рејтингот. Но, и тоа е подобро отколку на гласачите да им ја откријат скриената економска темпирана бомба поврзана со воените трошоци кои допрва може да им затребаат.

Русија или Кина да пробаа да инсталираат ракетни системи на јужната граница на САД кои би можеле да го погодат Вашингтон или да организираа државен удар за да инсталираат марионетски водач во Мексико Сити, американската војска веднаш ќе испратеше Б-52 да спржи сè од Тихуана до Теотихуакан. А токму тоа се очекуваше да го прифати Русија. Еретичката изјава на Трамп им ги отвори очите на Американците.

Спротивно на приоритети на граѓаните и учесниците на протестите, Заев почна да спроведува сосема поинаква агенда, да преговара со Алексис Ципрас за името. На Мартин Нешковски повеќе никој не се сети. Западните дипломати го изгубија интересот, бидејќи тоа за што беа испратени беше успешно завршено: Македонија стана членка на НАТО. Памет во глава, Срби, учете од нашето искуство за да не го гледате и вие истиот цртан филм.

На патот до нулта емисија („нет зеро“) на јаглеродни гасови, Германија заглави во ќорсокак. Затворањето на сите свои нуклеарни централи, најавено како потег што ќе ја спаси природата, како бумеранг ѝ се врати со енергетска криза, поскапување на струјата, празна државна каса и колапс на владата. Се разбира, и со враќање кон јагленот и тројно поголеми емисии на штетни гасови.

Доналд Трамп и Илон Маск се запалија за идејата да им вратат на Американците една петтина од парите што ќе ги заштеди одделението за владина ефикасност од кратењето непотребни владини трошоци. Тоа би значело поврат на десетици, можеби и стотици милијарди долари на граѓаните. Оние 40 отсто што не плаќаат данок, да не чекаат поштарот да им заѕвони ни еднаш ни двапати.

Европската политичка елита што своевремено во Обединетите нации им се смееше на критиките од Трамп, сега плаче и остана без збор кога во Минхен го слушна Џеј Ди Венс дека Европа, фонтаната на креативноста до раниот 20 век, се задушува во пререгулација, го ограничува говорот и не издвојува доволно пари за одбрана. Одамна завршија трите славни децении по Маршаловиот план. Америка се сврте кон Азија.

На Вашингтон му се брза да склучи договор за украинските ретки руди. Од мисијата на специјалниот пратеник Кит Келог во Киев зависи дали Трамп ќе ја продолжи воената помош за Украина или мировните преговори со Русија. Сосема друго прашање е дали Украина воопшто поседува ретки руди од 500 милијарди долари. Главните рудници се окупирани од Русија.

Што и да издвоиш од некој говор на Трамп, ќе ти биде криво за она другото што го пропушташ. Кај него нема дипломатски финеси и дриблинзи, префинетост на пораките, потреба од читање меѓу редови. Кај него сè е отворено, брутално и без целофан. Крајно несофистициран грубијан, само што, видовме каде тераат „софистицираните.“

Подкастот на Џо Роган по долго време повеќе не е прв на топ-листата. На врвот сега се некои нови дечки што објавуваат продемократски вести и вирални видеа против Трамп. Со 48,6 милиони прегледи „Joe Rogan Experience“ останува неверојатно влијателен, но подкастот „MeidasTouch“ на браќата Бен, Брет и Џорди стигна до 56 милиони.

Социјално непоткованите жители на Северен Јоркшир добија прирачник што им помага како со достоинство, почит и емпатија да им се обраќаат на трансродовите и бинарните лица, но и на разни видови подгрупи, како оние што чекорат на сите четири зашто се чувствуваат како животни. И можеби никој не би имал ништо против прирачникот, ако не бил финансиран од Министерството за финансии на Британија.

Соочена со непланираниот товар самата да се грижи за сопствената одбрана, Европа бара начини како да најде доволно пари за оружје и војска, а притоа да не ги загрози социјалната и здравствената политика, кои ги смета за свои фундаментални вредности. Есапот вели дека за новиот таргет од 5% за одбрана, потребни се нови 875 милијарди годишно. Оди објасни им на гласачите дека руската опасност е поголема од нивните секојдевни гајлиња.

Кој порано, кој подоцна, осудени на смрт се сите енергетски проекти што не се рентабилни, а добиваат големи субвенции само поради тоа што се „зелени“. Инвеститори се откажуваат од американски проекти за генерирање струја од ветер и сонце, на задоволство на домаќинствата и бизнисите, чии сметки нема да поскапат до 15 отсто. И на уште поголемо задоволство на птиците.

„Споредбата е толку апсурдна што практично самата се обезвреднува“, кажа уредникот на Спајкд, Том Слејтер, во говорот на Кембриџ Унион. Вели дека му е жал за оние кои во сè сакаат да видат фашизам и секој кој не се согласува со нив да го споредуваат со Хитлер. Како ли ноќе заспиваат тие луѓе?

Доналд Трамп нема ништо против украинскиот претседател да учествува на мировните преговори со Русија, но тоа не мора да биде Володимир Зеленски, чиј мандат заврши пред речиси една година. Зеленски сега е соочен со предизвик на неочекуван фронт: Како да се избори за нов мандат, кога рејтингот меѓу украинските гласачи му е „едвај 4 отсто“?

Старата гарда сицилијански босови се жалат дека на мафијашите од новата генерација не им е света заклетвата и веднаш се пријавуваат за заштитени сведоци ако бидат приведени. Полиција се фали со рации и апсења, но предупредува дека Коза ностра се реорганизира, купува оружје преку даркнет и регрутира нови војници. А во Палермо се враќаат и старите волци осудени на доживотни робии, но ослободени поради „примерно однесување“. Имало значи надеж.

Иако европските квази-либерални елити главно се шокирани од дрскоста на американскиот потретседател да им каже дека слободата не се брани со замолчување на оние кои мислат поинаку или пак со ставање во карантин на идеите кои некому не одговараат, не се малку и оние кои отворено се гордеат со ограничувањето на слободата како добра работа. Патем се доволно неуки да потегнат и плашење со Хитлер.

За речиси 5 билиони долари исплатени од федералниот буџет на САД не може да се открие дали завршиле каде што биле наменети, бидејќи Министерството за финансии случајно или намерно не им ја бележело трагата, утврдило одделението за кастрење трошоци на Илон Маск. ДОГЕ бара и целосно укинување на застарените хартиени чекови, за чие чување во сефови се троши по 750 милиони долари годишно.

Мексиканската претседателка Клаудија Шајнбаум ја сврти наопаку тезата на Доналд Трамп дека наркокартелите од нејзината земја прават пуздер низ Соединетите Држави. Напротив, таа вели дека Америка им дава и засолниште и оружје на картелите да го тероризираат Мексико. 74 проценти од оружјето со кое тие се требат меѓусебно е „Made in US.“

Пред руската инвазија, западните лидери преку НАТО ефективно провоцираа војна, која не сакаа да ја водат. А, откако војната почна, ѝ помагаа на Украина да се бори за иднина што тие одбиваат да ѝ ја обезбедат. Тоа беше најлошиот од сите можни светови за Украина. Трамп сега го пресече овој Гордиев јазол на најбрутален начин, но само гласно го кажа она што молчешкум беше пристап на Запад кон Украина подолго време.

Американските демократи и друг пат губеле претседателски трки, но на овие избори ги изгубиле и идентитетот и идеологијата, тврди нивна долгогодишна донаторка. „Тие се маѓепсани од транс-воук лудоста“, тврди Линди Ли. Нејзините бивши сопартијци, пак, потсетуваат дека до пред некој месец „ѝ пукало срцето“ по Џо Бајден.

Метлата на Одделението за владина ефикасност ги подбра и инженерите од агенцијата за нуклеарна безбедност, за на одделот на Илон Маск отпосле да му стане јасно дека без нив нема кој да се грижи за нуклеарниот арсенал. Сега ги молат инженерите да се вратат на работните места, ама имаат мал проблем: не можат да ги најдат.

Во големата шаховска партија што со години во Србија трае меѓу претседателот Александар Вучиќ и оние кои се против него, досега предводени од српската опозиција а веќе неколку месеци од  студентите, последната одлука на бизнисменот Драган Шолак да продаде поголем дел од своите бизниси во Србија може да се протолкува како „мат“ на Вучиќ за неговите политички и медиумски противници.

Поранешната потпретседателка и неуспешна демократска кандидатка за претседател, наскоро би можела да го најави својот политички камбек во нејзината родна држава Калифорнија, во трката за гувернер на најбогатата американска сојузна држава. „Ако таа влегува, и јас би влегол“, вели долгогодишниот близок соработник на Трамп, кој ѝ е важен и на Македонија, Ричард Гренел.