Како израз на „неизмерна љубов“ кон своите миленичиња, прифатени како дел од семејството, естрадни и спортски ѕвезди во Америка не жалат пари за да ги клонираат. Освен што овој процес е грд, етички спорен и скап, процедурата опфаќа болки и малтретирање на животните, а плодовите, ако воопшто преживеат, обично не се идентични копии на оригиналите.

Кога се соочени со нови факти, спротивни на нивните претходни ставови, шимпанзата повеќе им веруваат на поцврстите докази и ќе си го променат мислењето. Уште од Аристотел се сметаше дека само луѓето се способни за рационална промена на убедувањето. И додека се плашиме дека ќе изгубиме од вештачката интелигенција, ние уште мајмуните ги немаме победено во сите сфери.

Решена е мистеријата на модрите кучиња од Чернобил, чии фотографии го обиколија светот и повторно поттикнаа расправи за ефектите од радијација врз генетиката четири децении по нуклеарната хаварија. На модрите кучиња навистина побрзо им мутираат гените, но не повеќе отколку и на другите од чопорот. Тоа што си го смениле влакното е од тркалање по лепешки.

Еволуцијата на животните тргнала во две спротивставени насоки токму во периодот на големата експанзија на земјоделството и урбанизацијата. Домашните животни почнале да набиваат маса и големина, а дивите да оситнуваат. Нова студија потврдува дека човекот е главниот фактор зошто пилињата станале речиси поголеми од лисиците. Последиците од човекот се чувствуваат и во морињата.

Научниците не се изненадени од откритието дека кучињата што останале да живеат околу стопените реактори на нуклеарната централа Чернобил еволуираат побрзо од сродните. Но не очекувале дека генетските мутации не се директна последица на радијацијата. По 30 генерации, кучињата од Чернобил се прилагодиле на озрачена околина, а и не им пречи отсуството на човекот.

Научници тврдат дека ја откриле причината за масовното угинување на пчелите низ САД што достигна алармантно ниво. Утврдено е загрижувачко високо ниво на инфекции, предизвикани од генетските мутации кај малите крлежи што ги пренесуваат вирусите. Паразитите станале отпорни на најчесто користената хемикалија со која пчеларите ги заштитуваат колониите.

Речиаси за половина е скокната смртноста на златните орли во Америка а мапите покажуваат дека тие најчесто гинат кадешто се најгусти инвестициите за електрична енергија добиена од ветар. Иако „нето нула“ хистеријата е на пауза после Трамп, за орлите нема добри вести. Допрва ќе се градат ветерници чии перки стануваат големи речиси колку Ајфеловата кула.

Нешто се има случено пред 20-тина години бидејќи оттогаш почнува вртоглаво да расте угинувањето на пчелите. Пред 2005-та година, во Америка годишно се губеле 10% до 20% пчелни колонии за последнитее години тоа да стане меѓу 40 и 50 проценти. А најлошата година е во тек. Штетите се милионски но не се изразуваат само во долари.

Колонија дабари во заштитеното подрачје на планината Брди во близина на Прага во Чешка, неповикани и доброволно завршиле еден клучен државен проект за ревитализација на мочуриштата. Со својата акција, на локалните власти им заштедиле околу 1,2 милиони евра.

Над 40 камили биле дисквалификувани од натпреварот за убавина во Саудиска Арабија. Главно поради примање ботокс инекции и други козметички додатоци. Натпреварот за МИС Камила е врв на фестивалот на камили на кралот Абдулазиз, каде во игра се 66 милиони американски долари парична награда.

Данска ќе биде првата држава во светот која ќе воведе „данок на прдеж“, објави Њујорк Тајмс. Локалната власт ќе им наплаќа на земјоделците околу 45 евра по тон емисија на јаглерод диоксид (лесно се смета по бројот на грла), со намера до 2035 година таа сума да ја зголеми на 120 евра. Засега е нејасно дали во пресметката за данокот ќе влегува и ждригот. 

Животните многу повеќе претпочитаат ферментирани овошја отколку што досега се претпоставуваше, што значи дека им е јасно какви ефекти врз нивното расположение предизвикува етанолот во нив. Не е најпаметно пијани да се пентарат по дрвја со куп предатори околу нив, ама па алкохолот и паметта никогаш не оделе заедно.

Интернетите на Хрватска, Словенија, Австрија... деновиве беа полни со фотографии од птици кои се туткаат во поголеми групи по балкони и симсови. Не е тоа подготовка за преселба туку снаоѓање во потребата да преживеат бидејќи температурите се спуштија преку ноќ  а тие не успеаја да емигрираат во потоплите краеви.  

Тестирајќи дузина ајкули од повеќе видови покрај бразилскиот брег, научници кај нив утврдиле екстремни нивоа на кокаин во црниот дроб и мускулите. Поморски биолози сугерираат дека кокаинот кај нив дошол преку канализационите одводи и остатоци од конзументите или пак и протекувања од илегалните лаборатории за производство на кокаин. Ајкуливе немаат малку повеќе кокаин во себе, туку многу повеќе.

Украина била стандардно место за прелет и одмор на орли, сè до започнување на војната која ги принудила да ги сменат научените рути и да летаат по заобиколен пат. Само еден од орлите кои биле следени со ГПС се одважил да лета директно над линиите на фронтот, другите одбрале да летаат одоколу. Бидејќи новите рути се подолги, кога ќе стигнат, малку се папсани па не им е одма до парење.

Козите и луѓето долго време живеле хармонично на вулканскиот остров Аликуди покрај северниот брег на Сицилија но бројот на козите во последно време толку се зголемил а тие станале бељаџии, што градоначалникот дошол на идеја да ги ангажира жителите да ја припитомат ситуацијата. Не сакаат да ги убиваат па ќе пробаат со посвојување.

Во настојување да се замени омразената нафта од која се добиваат секакви производи, меѓу другото и изолациони материјали, во автомобилите во последно време се ставаат еколошки прифатливи изолации на кабли, најчесто на база на соја и кикирики. Англиските лисици си рекле, ние глупи ли сме гладни да остануваме на толку вкусни грицки наоколу?

Испитување на 18 наводно „транс животни“ ги негира тврдењата на активистите дека сите ние живееме во небинарен родов „спектар“. Да, постојат фасцинантни механизми и адаптации кои некои суштества ги развиле во текот на еволуцијата (ниту едно од нив не е цицач), но на крајот, и кај нив постојат само два пола. На менито на природата има само М и Ж. А се разбира, секој има право да се идентификуви и како ѕиден часовник, ако сака.

Транзицијата кон обновливи извори на енергија е од централно значење за иднина со ниска потрошувачка на јаглерод., но, тоа не оди без негативни еколошки страни. За дивиот свет, од птици до цицачи, ветерниците се она што варварите беа за старите Римјани. Притоа, директната смрт од ротирачките перки е само дел од приказната.

Има доста простор за критики како денес се третираат домашните животни кои на разни начини се сè повеќе „наши“ отколку свои. Она кога им зборат ко на деца, кога им слават родендени, „денеска какавме зелено“ и слични глупости. Но, во еден текст во Гардијан се додава и една многу „ин“ загриженост: многу месо јаделе а тоа не е добро за климата.   

Ако некој од ваша околина кој е технолошки индиспониран ви се пожали дека има проблеми да сфати „како функционира тоа Фејсбукот’, не се мачете многу околу него. Покажете му еднаш како тоа оди и потоа речете му папагалски да повторува после вас. Ќе научи.

Нова студија која долго време следела пчели во еден национален парк излезе со два депримирачки заклучока во врска со нив: дека имаме изгубено преку 60 проценти од пчелната популација но и дека пчелите угинуваат со иста стапка и кога се далеку од луѓе и нивните индустриијализации и  модернизации.

Жестоката разлика меѓу цената онаму каде што егзотичните птици се фаќаат (Африка) и онаму каде што завршуваат (Западна Европа) ги прави попрофитабилни и од дрога. Некои од загрозените видови коштаат и по неколку десетици илјади евра а една од битните рути минува преку Балканот.  

Американската влада ја одобри за употреба првата вакцина во светот за пчели. Таа ги зголемува надежите дека имаме ефикасно оружје против една смртоносна болест која ги опустошува пчелните колонии и го пореметува опрашувањето од кое зависи храната на нашите трпези.