Кошаркарот на ХКК Широки Даниел Луис се нашол во необична ситуација на еден утрински тренинг во Кочерин, селце покрај Широки Бријег каде што живее. Додека трчал пред натпреварот против Црвена звезда во регионалната АБА лига, некој наводно помислил дека е мигрант па го пријавил во полиција, пишува Херцеговина.инфо.

Тајрон „Магси“ Богз, роден во Балтимор, Мериленд на 9-ти јануари 1965-та година беше најнискиот кошаркар кој некогаш играл во НБА лигата. И уште е до ден-денешен. Богз бил избран на драфтот 1987-ма како 12-ти пик во 1. рунда од Вашингтон Булетс. Играше од 1987 до 2001. Настапуваше уште и за Шарлот Хорнетс, Голден Стејт Вориорс и Торонто Репторс. Во 1986-та освои златен медал на Светско првенство во Шпанија со САД.

Интересна сцена на „Меси Купот“, кој втора година по ред се одржува во Мајами. Фудбалерите на Бока Јуниорс У-16, чекаа во ред еден по еден за да се сликаат со легендата. Обезбедувањето сакаше да им го скрати задоволството, но Лео ги пресече и покажа трпение до крај. Дури и фотографот дојде на ред.

Конечно една убава вест за рускиот спорт: Спортскиот арбитражен суд (CAS) од Женева ја прифатил жалбата на Руската хокеарска федерација и им допушти на сите возрасни категории на руската репрезентација да учествуваат во меѓународните натпреварувања.

Стадионот „Луиџи Ферарис“ во Џенова ја има една од најубавите атмосфери во Италија, без разлика дали Сампдорија и Џенова играат во прва, во втора лига, во еврокупови, без разлика дали се борат за опстанок или се борат за горниот дел од табелата.

Росонерите и нераѕурите пред нивното големо градско дерби во сабота од 20:45 часот, во четвртокот вечерта заедно со играчите, тренерите и управата го претставија планот за новиот проект на стадионот кој ќе се вика „Џенерали Стадион“, до местото каде што се наоѓа култниот и можеби најлегендарен светски стадион „Сан Сиро“.

Покрај мајчиниот, сме го слушале како течно зборува англиски, италијански, француски и шпански. Ете го сега и со германски на кој им се обрати на турнирот во Базел. Го научил како тинејџер, кога од својата 12-та до 16-та година тренирал на тениската академија на Никола Пилиќ во Минхен. Во некои интервјуа знае да каже дека малку го заборава бидејќи слабо го вежба.

Големото македонско ракометно дерби меѓу Вардар и Еурофарм Пелистер е закажано за во недела, со почеток во 17:45 часот. Домаќините најавуваат гигантска кореографија низ цела сала.

Српскиот тенисер Новак Ѓоковиќ доживеа неочекувана елиминација во осминафиналето на АТП турнирот во Базел, откако по голема драма загуби од Германот Јан-Ленард Штруф со 1-2 во сетови (6-7, 7-5, 7-6).

Повеќе од 12.000 навивачи на Магдебург отпатуваа на гостувањето во Минхен во Купот на Германија кое Баерн го доби со 6:1. Гостите направија инцидент со нова и прилично бизарна димензија. Ги гаѓаа домашните навивачи се чаши и пакувања полни со сенф.

Ал-Наср го совлада Ал-Холуд со 5-3 и се израмни на врвот на табелата со Ал-Кадсија, која исто така има 28 бода на своето салдо. Роналдо даде четири комада, но три му признаа во 66`, 72` и 81`. Сега вкупно 985 погодоци во кариерата. На 9 меча сезонава има 8 првенствени гола.

Фудбалерите на Реал Мадрид, оние на теренот и оние од клупата гушнати пред навивачката трибина на Барса го славеа победничкиот гол на Килијан Мбапе во финишот од големото Ел Класико (1-2). Од страна на навивачите долетаа разни предмети а еден навивач на Барса со мотката од големото знаме го удрил неколку пати во глава Едуардо Камавинга кој во тој момент се најде најблизу до нив.

Романо Флориани Мусолини го постигна деби голот за Лацио на гостувањето против Сасуоло кое римјаните го добија со 2:6. Инаку Романо е правнук на диктаторот Бенито Мусолини. Фотографијата на големо се коментира на социјалните мрежи.

Во Баерн Минхен се е на идеално ниво - Баварците се први во Бундеслига, со ист број бодови како Борусија Дортмунд, во Купот одат понатаму, добро им оди во Лига на шампиони а Хари Кејн ја доби наградата „Златна Топка“ за најдобар фудбалер на светот минатата сезона. Големи заслуги за тоа носи 53-годишниот спортски директор на Баерн Минхен, харизматичниот Макс Еберл.

По пет дена во болница, Винсент Компани е пуштен дома. Но, тој и натаму нема да го води својот клуб и ќе отсуствува уште неколку недели.

Второлигашот Нирнберг му даде два гола на Баер Леверкузен на гости во првите 30 минути во рамките на германскиот Куп. Ама само го разлути, па прими пет. Точка на мечот стави легендарниот бек на Реал Мадрид, Лукас Васкез, кој ја опали домаќински на волеј, за конечни 5:2.

Сон Хјунг Мин и Хари Кејн осум години беа нераздвоен тандем во Тотенхем. Погледнете ја оваа искрена, детска радост на Кореецот. Се радуваше за Златната топка на Кејн како за себе.

Препознатлив по елегантниот еднорачен бекхенд, непоколебливата одлучност и скромност, Станислас Вавринка во вторникот вечер го одигра последниот натпревар во професионалната кариера. Прошталниот дуел го имаше во Швајцарија пред својата публика на турнирот во Базел.

Во гостување на француска емисија, го прашаа Мбапе на кое меме најмногу се смее, а тој одговори на познатата шега во која неговото лице е монтирано на телото на поранешниот кинески лидер Мао Це Тунг. Но, проблемот е што го нарече кинески диктатор и толку требаше.

Интер Мајами одигра 2:2 против Синсинати во МЛС лигата. Меси беше тивок на овој натпревар, но истото не може да се каже за Луис Суарез кој во свој стил, со убиствен финиш ја смести атрактивно во агол. Уругваецот сезонава има 16 голови 7 асистенции. Годините му се само бројка.

Антоан Гризман игра во топ форма со своите 35 години во МЛС лигата. На дуелот Орландо Сити - Чикаго Фајр кој заврши 2:2, прво запиша асистенција, а потоа даде прекрасен гол од далечина. Поранешната ѕвезда на Атлетико Мадрид и Барселона стрела на пет натпревари по ред и има учинок од 14 гола и 7 асистенции на 16 средби.

Погодоците од пола терен како да станаа рутина во НБА. Како никогаш досега, во една иста вечер дури ЧЕТИРИ тројки беа уфрлени од половина или преку пола терен. 21-годишниот Еџкомб од Филаделфија '76 во победата против Индијана Пејсерс 114-109 погоди луда тројка. Интересно тој имал 1/6 за три поени на натпреварот.  Луди тројки погодија уште и: Китон Ваглер од ЛА Клиперс против Лејкерс, Никола Јовиќ од Мајами против Атланта Хокс и Тре Џонс од Чикаго Булс против Њујорк Никс.

Во 4. рунда од англискиот Лига Куп, Ливерпул и Челси одиграа 1-1 со два гола постигнати од пенал во растојание од само неколку секунди. Прво Морган Роџерс ги доведе гостите во водство во 40' минута а веќе во 43-та минута Коди Гакпо израмни на еден еден. На пенали Ливерпул беше подобар изведувач и славеше 6-5 после што се пласираше понатаму.

Поранешните европски прваци во иста вечер се лизнаа во 9. коло од Серија А. Милан - Болоња 2:4, Џенова - Јувентус 2:0. Интер со гостински триумф над Венеција го одржа чекоротот со Лацио на челната позиција, а Наполи беше убедлив на гостувањето против Монца.