За време на дуел од младинската лига на УЕФА во кој Жилина У-19 со 2-1 го победи Ливерпул У-19, домашните навивачи кренале интересна кореографија. „Денес одиш сам“ стои на паролата како алузија на ливерпуловото You'll Never Walk Alone и како индијанецот како што се викаат навивачите на словачкиот клуб ги протерува членовите на „Битлси“ кои се од Ливерпул.

Навивач на Интер направи глупост на гостувањето на Интер против Кремонезе. Му рокна петарда на голманот на домаќините под нозе, по што овој се виткаше на земја. Полицијата го идентификуваше и поради него Интер ќе игра без поддршка на гости на следните три меча. Глупак.

Интер го победи Кремонезе на гости 0-2 но овој натпревар остана во сенка на фрлениот топовски удар близу голманот на домашните Аудеро кој остана да лежи на земја и да се држи за глава. Навивач на Интер во истиот момент сериозно повредил три прста поради втор топовски удар кој паднал до него. Поради ова министерството за внатрешни работи на Италија на итна средба донел одлука да забрани влез на навивачите на Интер на гостински натпревари сè до 23-ти март. Од ова е исклучено дербито Милан - Интер закажано за 8-ми март кога битката за скудето би можела да се разгори дополнително.

Една година по златниот медал на Светско, Данците го прославија и европското злато на нивен начин. Наместо со шампионски панорамски автобус, прваците прво беа пречекани на плоштадот во Копенхаген, а потоа следуваше трационалното јадење на палачинки, обичај во Данска кој има длабоки корени со децении и кој претставува знак на чест и признание за голем успех.

Кој вика дека Дагур Сигурдсон е Исланѓанец? Пази ова. Од плоштад, ракометарите продолжија со кафанско славје, а таму во еден момент селекторот на Хрватска со една рака го остави пивото на маса, со другата му ја зима гитарата на музичарот. Потоа се ореше песна по име „Далматинац сам“, која во негова чест ја имровизираа и му ја отпеаа со рефрен „Са Исланда сам“. Јак момент. Добар лик е Дагур, може и кај Чамо да го земеме.

После сите политички натегања, на плоштадот во Загреб сепак се организираше пречек за ракометарите кои го освоија третото место на Европското ракометно првенство. Славјето беше лудо со илјадници навивачи, а за забавата беа задолжени Запрешиќ Бојс, Хрватске руже и контроверзниот Марко Перковиќ Томпсон, за кого се дебатираше дали воопшто треба да настапи.

Ракометарите на Хрватска одиграа повеќе од задоволително Европско првенство кое го крунисаа со трето место и бронзен медал. Навивачите го наполнија аеродромот во Загреб за да ги пречекаат своите јунаци. Славењето може да почне.

Навивач на англискиот нисколигаш Ротерам без размислување го соблече џемперот да му го даде на својот играч да ја избрише топката зошто немаа пешкир во близина.

Навивачите на гигантот од Истанбул често користат прилика до некое гостување да отидат преку Босфорот, преку морски пат со бродови. Тоа изгледа фасцинантно како сцена од „Пирати од Карибите“.

Пред почетокот на големото дерби Рома - Милан кое заврши 1-1, на јужната трибина каде стојат најзагреаните тифози на римскиот клуб се крена прекрасна кореографија во чест на еден од основачите на нивната навивачка група, Антонио Де Фалки. Де Фалки трагично настрада на 19 години по напад од група навивачи на Милан во далечната 1989-та година.

Од 28-ми јануари започнува новата сезона во земјата на фудбалот, самбата и кафето. Ние веќе имаме наш омилен фаворит. Фламенго од Рио де Жанеиро.

Навивачите на Црвена Ѕвезда во голема бројка отпатуваа во Шведска, за да го бодрат својот тим кој со триумфот од 0:1 над Малме обезбедија пласман во нокаут фаза. Станковиќ како ѕвездаш, скроз ги испочитува.

Навивачите на Олимпик Марсеј ја одбележаа тифо сцената во 7. коло од ЛШ. Во пресрет на мечот против Ливерпул, извадија кореографија со членовите на легендарната ливерпулска група Битлси, со порака на француски јазик: „Нека се повтори историјата“, наслов во весникот што го читаа „Битлси“) и „Марсеј, моја убавице, се зборови што совршено се спојуваат“, што е алузија на една од нивните песни.

Со парола C'mon Guys тифозите на римски Лацио на дербито со Наполи (0:2) кренаа прекрасна кореографија на навивач кој држи шал. При секое кревање консеквентно скандираа песни.

Во ера на разгалени, размазени ѕвезди со розеви копачки и виолетови фризури, ретка е почитта која навивачите ја искажуваат за некој фудбалер. Даниеле Де Роси беше заменик капитен на Франческо Тоти и негов легитимен наследник во Рома. Ја чуваше „римската волчица“, се бореше како фајтер за неа секогаш и секаде. Сега се врати после долго време како тренер на Џенова. Јужна трибина го пречека импресивно.

Во „дербито“ на дното во најтешката лига на свет, англиската втора позната како Чемпионшип, Чарлтон во 90+7' минута дава гол за израмнување 1-1 против Портсмут на гости. Навивачите во транс! После само неколку секунди домаќинот дава гол во 90+8' за победа 2-1. Навивачите во очај.

Веќе неколку Светски првенства во фудбал по ред, Јапонците ја воодушевуваа светската јавност откако и фудбалерите во соблекувалните и навивачите на трибините после натпреварите правеа пиц-пец. Излегуваа видеа на кои се гледаше како чистат, бришат, си го собираат ѓубрето. Сега и во Африка на тамошниот Куп на Африкански нации слично нешто.

Близу 30.000 навивачи и симпатизери на Унион Берлин повторно и годинава за католичкиот Божиќ се собраа на стадионот каде пееја традиционални Божиќни песни. Оваа традиција е стара веќе 23 години. На стадионот се палат свеќи, се пее, се креваат црвено-белите шалови на Унион Берлин. Секоја влезница се наплаќа а средствата одат за клубот и во хуманитарни цели.

Стадионот „Хил Дикинсон“ е најновиот фудбалски стадион во Англија, дом на Евертон. Се изгради во период од 2021-ва до 2024-та. Се отвори на 17-ти февруари годинава. Проценето е дека изградбата чинела 750 милиони фунти. Стадионот е велелепен. На една стадионска тура син решил да го однесе неговиот стар татко, долгогодишен навивач на Евертон кој памти кога „карамелите“ играле и по ливади. Здив му снема од возбуда.

Пред католичкиот Божиќ продолжува традицијата гледачите на терен да фрлаат плишани мечиња, плишани играчки кои потоа клубовите ги донираат кај дечиња со посебни потреби и деца од најранливите категории. Оваа традиција ја има во Канада, најчесто на хокеј и во САД, а стана масовна и на стадионот на Бетис во Севиља.

Прекраасен момент сведочел португалскиот фудбал откако еден навивач на клубот Арука од првата лига Примеира отпатувал сам 900 километри во еден правец и 1.800 километри вкупно на гостување на Азорски острови за дуел со Санта Клара. Натпреварот завршил 0-0, а после средбата сите играчи на гостинскиот тим отидоа кај верниот навивач да го поздрават и да му заблагодарат.

На јужноамериканците им нема рамни за правење фудбалски спектакли. Од финалето во Купот на Колумбија меѓу градските ривали Атлетико Насионал и Индепендиенте кое заврши 1:0, направија празник, ама Меделин е тоа. Никако да ги оладат тоа вжештените глави. Погледнете ги видата. Како почна, а како ќе заврши.

Позната е онаа стара досетка кога ќе прашате некој, дали му смета што живее покрај стадион, а тој одговара со скандирање. Но, уникатно е тоа искуство, посебно ако сте жител на фудбалска земја како Англија.

Навивачите на Твенте на мечот против Гоу Ахед Иглс го покрија цел стадион, со најмасивното тифо, односно со знаме, кое се смета за најголемо досега на фудбалски европски натпревар. Повод е 700 години постоење на градот Енсхеде, кој започнал како мала населба во средниот век и добил градски права во 1325 година.