Англискиот фудбал има посебна драж. Вековна традиција негувана од колено на колено, пролеана со многу кригли пиво. Особено интересен е овој дел од сезоната кога се играат баражи за пласман во повисок ранг. Тоа за нив е фестивал. Синоќа играа Чарлтон и Викомб, реванш натпревар од полуфинале за пласман во втора лига Чемпионшип. Чарлтон победи 1-0 со гол во 81' минута и ќе игра во големото финале на Вембли против Лејтон Ориент. Победникот оди во втора лига.

Фудбалерите на големиот германски клуб Хамбургер кој последниве неколку години мака мачеше во втора лига, успеаа сезонава да се изборат за пласман назад во Бундеслига после цели 7 години! Хамбургер испаѓаше во баражи, губеше во последно коло, навивачите претрпеа многу разочарувања откако за првпат во историјата испаднаа пред седум години. Сега со 6-1 го совладаа Улм, први се на табела со 59 бода на коло пред крајот во втора лига. Навивачите збеснаа од радост и прослава.

Непишано правило, макар на поорганизираните навивачки трибини ширум Европа (пред сè на Балканот) е да не се вади телефон и да не се снимаат луѓето на трибината и општо што било на трибината. Тројца Италијанци, туристи низ Хрватска, биле на мечот Динамо Загреб - Славен Белупо (5:0) и отишле на северната трибина на „Максимир“. Почнале да снимаат и добиле ќотек.

Тифото се однесува на 85 годишнината од воздушните напади на Хитлер кои се случија на 14 мај 1940 година. Според официјалниот список објавен во 2022 година, најмалку 1.150 луѓе биле убиени, од кои 711 само во бомбардирањето на 14 мај, а уште 85.000 останале без покрив над главата.

Е до таму оди градското ривалство во италијанскиот фудбал. Сампдорија за прв во историја испадна не во Б, туку во Серија Ц. Навивачите на Џенова славеа на големо мислиш Скудето освоиле.

Некогашниот европски вицешампион и првак на Италија, Сампдорија првпат во својата 79-годишна историја испаѓа во трета италијанска лига Серија Ц. Доријаните никако не можат да се вратат на правиот пат а по ремито 0-0 против Јуве Стабија на гости синоќа, испаднаа и математички во трета лига. Тоа беше повод за нивните најголеми градски ривали, навивачите на Џенова да слават по градските улици со огномет, трубење од коли и многу пиротехника.

Денес се навршуваат 35 години од првенствениот натпревар меѓу Динамо Загреб и Црвена звезда и големиот инцидент кој симболично го означи почетокот на распадот на поранешна Југославија. Овој натпревар требаше да биде дерби за шампионска титула зошто таа сезона двата клуба се бореа за пехарот. Се испостави дека тензиите на национална и верска основа кои се ширеа низ поранешната држава, се прелеаа и на спортски терен. На трибините се судрија навивачките групи Бед Блу Бојс и Делије а настрадаа и 100-ина припадници на полицијата.

Двократниот европски шампион Нотингем Форест конечно сезонава после долги децении е на прагот да го досонува сонот пак да настапи во Лига на шампиони или макар Лига Европа. Со тоа ги разбудија и највозрасните навивачи и членови на клубот. Лани на стадион им доаѓаше извесна Вера Хил која на 92 години решила да ја подари некому својата сезонска карта зошто почнала да го губи видот. Сега убава приказна има со извесна Марџорие Грејвс која од 8 години навива за Нотингем Форест во моментов има 101 година.

Баер Леверкузен одигра неколку историски сезони под водство на некогашниот фудбалер на Реал Сосиедад, Баерн Минхен, Ливерпул и Реал Мадрид, Чаби Алонсо. Шпанецот во Леверкузен ја донесе првата и долго сонувана шампионска титула во сезоната 2023/2024. Освои и Куп на Германија за голема радост на навивачите а стигна и до финале на Лига Европа каде изгуби од Аталанта.

Погледнете го со колку љубов и страст го прави тоа. Целосно е внесен.

Околу 5-6.000 навивачи на Бетис го следеа неверојатно драматичниот реванш Фиорентина - Бетис во Фиренца. Првиот дуел од полуфиналето на Лига на Конференции заврши 2-1 а синоќа италијанскиот тим славеше со ист резултат 2-1 па се играа продолженија. Бетис даде гол за 2-2 и се пласираше во финале. Шпанските навивачи останаа без едно од своите знамиња откако италијански тифози им го зграбија под нивната трибина каде стигнаа со скала.

Неколку илјади навивачи на Атлетик Билбао допатуваа на култниот „Олд Трафорд“ да го бодрат својот тим и покрај убедливиот пораз на првиот меч (0:3) во полуфинале на Лига Европа. Баскијците уште поубедливо го изгубија и реваншот, Манчестер Јунајтед победи со 4-1 и се пласираше во големото финале на Лига Европа каде ќе игра против Тотенхем.

На Твитер се врти една фотографија од наводната кореографија на навивачите на ПСЖ, кои ги ремететат гостите од Лондон, како и Сака со помош на Антони. Не ќе да е вистина.

Стефан Лазаров навива за Барселона, а неговиот компањон, извесен Виктор за Интер. Фаќаат атмосфера на Дуомо и пред и после натпревар, потоа моментот кога доаѓаат играчите на Интер и што е најважно сведоци се на епското лудило кое заврши 4:3 со продолженија и пресврти. Такситот во Милано им зборува за најпознатиот филм на Милчо Манчевски.

Нови Пазар важи за еден од пофудбалските градови во Србија. Таму локал патриотизмот е на високо ниво, а полицијата има полни раце работа кога доаѓаат навивачките групи од Белград и другите градови. Изминатиов викенд Нови Пазар (главен играч им е Адем Љајиќ) со 2-1 го победи Партизан. На стадионот домашните навивачи направиле убава кореографија а гостинските по мечот биле испратени со огромна колона полициски и армиски возила.

ПСЖ го елиминираше Арсенал и по пауза од 5 години повторно ќе игра финале во ЛШ. Но во Париз синоќа било хаос. Твитер профилите наменети за ултраси, пишуваат дека северноафрикански и алжирски банди уништувале коли, автобуси, дуќани, ја напаѓале полицијата и така „ја славеле“ победата.

Навивачите на ПСЖ се потрудија бајаги за реванш полуфиналето од ЛШ, што не може да се каже за домаќините на првиот дуел.

Во пресрет на најголемото хрватско дерби Хајдук - Динамо Загреб кое се игра попладнево од 16:00 часот, во населбата Пујанка во Сплит избила голема, масовна и договорена тепачка меѓу Торцида Сплит и Бед Блу Бојс. Загрепчаните биле далеку помалку бројни од Торцида а во тепачката не се користело никакво студено оружје, пренесуваат хрватските медиуми. Тамошната полиција соопшти дека се уапсени повеќе од 140 лица а повредени се 8 навивачи од кои двајца потешко. Тепачката избила рано во 9 часот изутрина.

Најпознатиот шпански навивачи, Мануел Касерес Артесеро, попознат како Маноло „Ел дел Бомбо“, починал во четвртокот на 1-ви мај на 76-годишна возраст. Престанало да чука срцето на човекот кој ритмички и го подаруваше на шпанската фудбалска репрезентација повеќе од 4 децении!

Најверната навивачка група на Вардар низ разни акции успеа да собере 735.200 денари или 12.000 помош за настраданите во Кочани, што е сум за поздрав. На хуманитарниот меч против Црвена Ѕвезда беа во огромна бројка и се заблагодарија на јазиците на сите земји што ни помогнаа за Кочани.

Звучи чудно, но Ред Бул Салцбург веќе пар сезони е далеку од тронот во Австрија. Како доскорешен хегемон во тамошната Бундеслига кој палеше и жареше, РБ Салцбург освои еден куп шампионски титули и трофеи во Купот. Ама сезонава тешко да обезбедат место и во еврокуп што е рамно на чудо. Штурм Грац и Австрија Виена се борат за шампионската титула. Во моментов имаат по 33 бода на прво и второ место а Австрија Виена го добила директниот дуел во неделата.

Слушалки имате ли на работа? Никако клиповиве на телефон. Слушалки ви требаат и компјутер. Се играше Суперкласико Ривер - Бока кое заврши 2:1. Порнхаб дечки. Како и на секое дерби.

Татко и ќерка, големи навивачи на славниот Милан, на „Сан Сиро“ во 2011-та и во 2025-та, 14 години подоцна.

Фотографијата ја изрударивме на една колекционерска страна, а на сопственикот на оваа фантастична колекција му даваме чесен збор дека ќе го частиме пиво ако се огласи. Да не бидеме скромни, нас најубав ни е Лојал Фанс белиот, а вие како сакате.