Преку 30.000 англиски навивачи во Мајами ја прославија едвај остварената победа 2-1 против Норвешка во продолженија. Џуд Белингем беше двоен стрелец и јунак кој со погодок во продолженијата ги однесе Англичаните понатаму. Сега ги чека Аргентина во среда вечер. До тогаш ќе уживаат и ќе се мајтапат на сметка на „викинзите“ кои веќе здосадија со веслањето цел месец.
185 патници во некој авион во латинска Америка на 10.000 метри го гледале историскиот дуел Аргентина - Египет. Некој цар платил посебна тарифа за вајрлес на летот и нашол пренос на лап-топот.
Безбедноста камера снима рандом улица. Надвор е скоро празно, сите се пред тв. Но, во 92-ра минута Аргентинвите му даваат гол на Египет за победа. Слушнете ја еуфоријата и погледнете ја радоста и на тие што се шетаат по улици и не гледаат фудбал. Ова го има само во Аргентина.
Аргентина направи ново фудбалско чудо откако од пресврт од 0-2 го победи Египет 3-2 и се пласираше во четвртфиналето. „Гаучосите“ и „фараоните“ одиграа дуел за паметење. Во аргентинските градови и села се славело долго синоќа.
На Норвешка и се случува фудбалска бајка. Се пласираа на Светско после 28 години, поминаа групи, па 16 финале и за прв пат во историја се во топ 8 во светот. И тоа Бразил го елиминираа. Погледнете како изгледаше атмсоферата на стадионот во Осло кога Халанд го даде вториот гол.
Кој како оди понатаму, слави ли слави на Светското, а уште не сме стигнале ни до четвртфинале. Англичаните ја добија тешката битка против Мексико со 3:2. Забавно беше во Мексико Сити на легендарниот стадион Ацтека, а истовремено и во Лондон.
Кучето е најдобар другар на човекот. Кучето знае да гледа и фудбал со својот газда, како што овој Парагваец ја славел историската победа на пенали над Германија со својот миленик.
Погледнете ја сценава во Гвадалахара, Мексико. Невреме, силен дожд. Празна фан зона со еден навивач, кој не се помрднува ни сантиметар. Посветеност до даска. И да врне и да вее...
Снимка од затвор во Парагвај за време на елиминацијата на четирикратниот светски првак Германија. Сите се радуваат заедно. Остај ти доживотна казна. Битно Парагвај да тепа.
Хрватите се пред сериозен испит во осминафиналето кој се вика Португалија. Мечот се игра во среда према четврток од 1 часот. Слушнете го каква песна склопил царов пред големата битка.
Ако ова не е прослава за светска титула, тогаш што е? Од 94-та до сега само во Катар не стигнаа до топ 16, плус низ историјата имаат и две четвртфиналиња. Чуму до волку еуфорија за пласман во осминафинале?
Милиони Норвежани го живеат фудбалскиот сон. Толку долго очекуван успех на едно Светско првенство. На Мундијалот 2026 Халанд и другарите го победија Брегот на Слонова коска 2-1 и се пласираа во осминафиналето каде ќе се судрат со Бразил. Вечерашниот дуел се гледал во сите градови и села во Норвешка а на Националниот стадион каде се следело на големи видео бимови, 36.000 навивачи го направиле фамозното веслање „Ру“!
Никој не се сети да ја спомне Италија во последно време, четирикратниот светски првак, кој промашува три Мундијали по ред. Сепак нешто се појави и за нив додека трае Светското.
„К-15 отсекогаш го поддржуваат македонскиот тенис. Напред Лина“, пишува админот кој ја води страната на ненадминливото трио. Ги познавте тенисерите во скечот така? Лазар Магдинчев и Петар Русевски.
Бројот на жртви во Венецуела од серијата земјотреси стигна до 1.400, а околу 50.000 луѓе се водат како исчезначи. Погледнете како се гледа таму Мундијал.
Соединетите Американски Држави се шоу сами по себе, а камоли кога има Светско првенство. Клубовите, диската, пабовите и кафулињата се полни, шарени, королитни. Се точи пиво и се ужива. Ама еден Хрват ја утнал локацијата па кога сфатил....
Познатите мексикански бранови кои навивачите ги прават уште од Светското 1986 година, се неизоставен дел и од овој Мундијал. Синоќа на дуелот Канада - Јужна Африка (1-0 со гол во 90+2' минута) преку 60.000 гледачи правеа бранови. Ама на една жена ѝ преседнаа. Го изгуби мобилниот на долната трибина.
Аргентинските навивачи уживаат во САД летово. Светскиот првак игра маестрално по нотите на капитенот Лео Меси кој е прв стрелец на Мундијалот со дури 6 гола. На навивачите им останува само забава. И ја прават. Еден од нив изгубил новчаник па најдоа начин како да го пронајдат.
