Ливерпул по петти пат сезонава дава гол во последните моменти од натпреварот за победа. Така синоќа против Атлетико Мадрид гостите имаа 2-2 до 90+2' минута од судиско продолжение кога Вирџил Ван Дајк по којзнае кој пат го вади Ливерпул. Диего Симеоне со право збесна на крајот затоа што навивачи му покажуваа среден прст, го навредувале и пцуеле. Тргна да се тепа па доби црвен картон.

Пред и за време на натпреварот Атлетик Билбао - Арсенал (0-2) од 1. коло во новата сезона на Лига на шампиони покажа колку Баскијците ја сакаат нивната најголема гордост - Атлетик.

Мечот меѓу Реал Мадрид и Олимпик Марсеј имаше лоша увертира. Пред стадион било тензично и опасно по живот. Шпанската полиција во клинч со француските навивачи.

Милвол му гостуваше на Чарлтон во малото градско дерби на Лондон. Милволци губеле 1-0 од 40' минута па имале до крајот на мечот играч повеќе. Израмниле во 88' минута. Еден нивен навивач кој седел на друга страна од гостинскиот сектор, трчал кон навивачите на Милвол, кон неговите да прослави. Тие мислеле дека ги напаѓа некој од Чарлтон па го забувтале додека редарите не го извадиле жив и здрав.

Хрватска ја доби Црна Гора 4-0 во натпревар од квалификациите за Светско првенство 2026 и е прва во групата. Овој натпревар повторно го одбележаа срамни скандирања од хрватските навивачи на сметка на Србите.

Јужноамериканците се фанатици за фудбал, ама често пати немаат акал кога одат на стадион. Што чудо од пиротехника ќе беше ова, кое напаѓа луѓе. Погодија играч кој легна на земја. Луда работа.

Барселона скоро секогаш годиниве, па дури и кога играше во најсилен состав со Меси и Луис Суарез и Нејмар незгодно проаѓаше на гостувањето во Рајо Ваљекано, предградието на Мадрид. Таму во неделата Барса пак ремизираше 1-1 и тоа едвај од пенал. Младиот и одличен лев бек на Каталонците, Алехандро Балде (21) по крајот од дуелот сакал да им го даде дресот на некои мали деца кои му го барале, но постарите навивачи одбивале.

Во саботата вечер се судриле хулигани од групите „Бед Блу Бојс“ кои го поддржуваат Динамо Загреб и „Шкрипари“, навивачи на Широки Бријег, про-хрватски клуб од Босна и Херцеговина. Навивачката пресметка не е поврзана со фудбалски натпревар со оглед на тоа што клубовите на овие навивачи доаѓаат од соседни земји.

И не само Германија, туку и цел навивачки свет кој ја виде кореографијата што навивачите на Унион Берлин ја спремиле за натпреварот против Штутгарт на отворање на новата сезона во Бундеслига. Фудбалерите им возвратија со победа од 2-1 и први три бода во сезоната.

Во баражот за пласман во Конференциска лига, норвешки Розенборг со 2-1 после пресврт го совлада германски Мајнц. Натпреварот се играл на стадионот „Леркендал“ во Трондхајм, дом на клубот Розенборг. Таму дошле околу 1.000 германски навивачи кои ги демолирале тоалетите кај гостинскиот сектор. Сега Розенборг му пратил сметка на Мајнц кој ќе треба да си подмири комплетно реновирање на тоалетниот јазол.

Навивачкото ривалство е сосем нормална и природна работа, ама најјако е она градското, бидејќи има посебен шмек. Навивач на Милан јако ги пецна интеристите за последното финале од ЛШ, а навивач на Интер на социјалните мрежи со реплика: Ќе ве видиме ли вас сезонава во Европа или не?

Реваншот од осминафинале на Копа Судамерикана меѓу аргентински Индепендиенте и Универзидад од Чиле е прекинат поради страшни инциденти на трибините.

Обично навивачите на Црвена Ѕвезда не го пцујат, туку оние на Партизан, ама има исклучоци. Скандирањата се после завршувањето на првиот плејоф меч од ЛШ, кој Црвена Ѕвезда го загуби од Пафос со 1:2.

Навивачите на Келн имаат ритуал пред секоја сезона, а тоа е да се соберат во келнската катедрала, каде ја испеаа навивачната химна, како молитва за добра сезона. Се собраа во бројка од 4.000 навивачи и тоа изгледа моќно. Бундеслигата стартува петочки со мечот Баерн - Лајпциг, а Келн во недела му гостува на Мајнц.

Хајдук Сплит е негативен рекордер во европскиот фудбал со дури 15 неверојатни испаѓања по ред во квалификации за еврокупови. Сплитските „били“ претрпеа нов срам откако испаднаа од малку познатиот албански противник Динамо Тирана (пораз од 3-1 во Албанија). Синоќа Хајдук Сплит го победил Славен Белупо 3:0 во хрватското првенство а после мечот навивачите прво ги повикале играчите, за веднаш да ги гаѓаат со бакљи, гневни од раното испаѓање од Европа.

За време на натпреварот од Купот на Германија кој Ред Бул Лајпциг го доби 2:4 на гости кај Сандхаусен, домашните навивачи извадиле парола „РЕД БУЛ СРАЊЕ“. Навивачите на клубот од источна Германија го тргале.

Стартот на новата сезона во Премиер лига е во знакот на трагичниот загинатиот Диого Жота и брат му Андре Силва. Ливерпул ја отвори сезоната пред свои навивачи, победи 4:2 против Борнмут

Возиш на автопат и наеднаш ти се појавуваат 200 маскирани луѓе со палки. Снимкава налик сцена од хорор филм е од Белград по мечот меѓу Црвена Ѕвезда и Лех Познан. Делии напаѓаат полски навивачи после натпревар.

Синоќа се одиграа дел од реваншите од 3. квалификациско коло за Лига на шампиони. Жозе Мурињо и Фенербахче со 5:2 го совладаа Фејнорд и надоместија за поразот во првиот меч 2-1, па сега ќе имаат уште потежок ривал во Бенфика.  Во следно коло оди и Ренџерс и Каират кој на пенали го совлада Слован Братислава на гости и Копенхаген кој го згроми Малме со 4-0. Црвена звезда по триумфот во Полска против Лех од 1-3, синоќа во Белград ремизираше 1-1 и со вкупен резултат 4-1 оди во баражот каде ќе се сретне со кипарскиот шампион Пафос.

Славија Прага ја стартуваше новата сезона во Чешка со 3 победи и 1 нерешена на 4 меча и заедно со Спарта Прага и Жлин имаат по 10 бода (сите три екипи се на 3 победи и 1 нерешена). Славија минатиот викенд со 3-0 го совлада Теплице а навивачите на домаќинот направија интересна, ретко видена кореографија. Без чуда и тракатанци.

Актуелниот освојувач на Купот, Вардар силно ја почна новата сезона и стартуваше со убедлива победа од 4-1 над големиот ривал Пелистер. На „Градски“ во Скопје пред неколку илјади гледачи, во присуство на двете навивачки групи, имаше одличен амбиент. Подгрупата вардарови навивачи „Лојал фанс“ прослави 26 години од основањето и по тој повод имаше огромна шеталица, покривно знаме и прекрасен огномет и бакљи.

Во првиот натпревар од 3. коло за Конференциска лига, полскиот Ракув од Ченстохов го пречекал израелски Макаби Хаифа. За време на натпреварот кој гостите го добиле 0-1 со гол во 61-ва минута, полските навивачи кренале парола со натпис: „ИЗРАЕЛ УБИВА А СВЕТОТ МОЛЧИ“.

Има некоја драж италијанскиот фудбал која ги тера сите љубители на истиот да заборават на старите и ружни стадиони, на малите буџети за трансфери и плати на играчи, на секогаш досадната игра на резултат 0-0. Има нешто.

43 километри е растојанието меѓу Малме и Копенхаген, а до еден од овие два града се стигнува преку интересен тунел под вода. Сега ги спои ждрепката за 3. квалификациско коло за Лига на шампиони па тоа ќе бидат два најблиски града кои играле меѓусебен дуел за пласман во елитната лига.