Во Грција веќе повеќе од десетина години има ригорозен закон за спречување на насилство на спортски манифестации. Овој закон забранува и две навивачки групи на исто место (читај забрана за гостувања), па права реткост е кога ќе се види такво нешто на стадион или во сала. Како за време на дербито од женската кошаркарска лига на Грција меѓу Ираклис и Панатинаикос.

Девојката навива за Расинг Клуб Авељанеда, клуб од истоименото предградие на Буенос Аирес. Фотографии и видео од нејзин приказ на љубовта кон омилениот клуб покажаа што е дефиниција за верност.

Улиците на Буенос Аирес близу култниот стадион „Ла Бомбонера“ се обоени во жолто-сино а од секаде се слуша ритам на блех музика и мирис на распалени скари.

Шпанскиот клуб Бетис пред католичкиот Божиќ одигра 1:1 против Ваљадолид, но навивачите беа во празнично расположение и го направија пред натпреварот традиционалниот играчкопад, односно подарија од трибините илјадници плишани мечиња за децата од најранливите социјални категории.

Атлетико Мадрид штуцаше на почеток на сезоната но во финишот на првата полусезона, есента и зимава игра маестрален фудбал и со 12 победи, 5 нерешени и само 1 пораз се први на табела во Шпанија. Добро им оди и во Лига на шампиони, а во меѓувреме овозможија на нивниот ултра модерен стадион „Ријад Ер Метрополитано“ да се направи и лизгалиште.

Второлигашот Јуве Стабија е четврти во Серија Б и има сериозни намери да се вмеша во борбата за место кое води во Серија А. Интересно, за овој клуб игра долгоозборуваниот млад фудбалер Романо Мусолини, играч на Лацио позајмен во Јуве Стабија. Негов прадедо е познатиот италијански историски лидер, контроверзниот Бенито Мусолини. Сега дал гол за победа, а тифозите додека спикерот го најавувал неговото презиме, салутирале со римски поздрав.

Црвена Ѕвезда го доби градското дерби против Партизан во АБА лигата, а по натпреварот можеа да се чујат навреди кон претседателот Александар Вучиќ, што е нетипично за овие навивачи ако се знае дека тој е ѕвездаш. Спортклуб пишува дека ова е одраз на незадоволство околу ситуацијата во земјата, каде инаку деновиве се одржуваат масовни протести од страна на студентите, откако на железничката станица во Нови Сад загинаа 15 луѓе.

Јувентус ја доби осминафиналната пресметка од Купот на Италија против Каљари со 4:0. Не знаеме дали и колку Македонци биле на Алијанц арената. За сега е познато само за извесна Ана Марија Ивановска.

„Гледај ова! Неверојатно е“, му рекол шпицот на Интер Маркус Турам на Бобо Виери за време на интервјуто за навивачите на Лацио после историскиот меч во кој Интер го прекрши ривалот 0:6 и му нанесе највисок пораз во клупската историја. Но илјадници тифози на римскиот клуб при резултат 0:5 и и при 0:6 грмеа како ретко кога.

Холандскиот Цволе кој игра во најдобрата холандска лига има традиција, на секој последен домашен натпревар во календарската година да им посвети дел од натпреварот на сите починати навивачи на клубот таа година. Во 2024-та година тоа беше дуелот против Вилјем II. Пред почетокот има минута молк, на стадионот се гасат рефлекторите, секој навивач мавта со светло од својот мобилен и ја пее You''ll Never Walk Alone, познатата навивачка химна.

Ескишехирспор е турски познат клуб. Има освоени шест трофеи во турскиот фудбал и е на шесто место на вечната листа најтрофејни клубови во Турција. 16 години беше прволигаш но потоа следувал голем пад и со години биле во пониски лиги. Во моментов се во петта лига каде се исфрлени поради неисплаќање обврски кон поранешни играчи и тренери.

Навивач на Јувентус ги ремети гостите од Венеција за високите количества на вода во нивните канали, кои надојдоа како резултат на климатските промени. Фали поширок кадар, да видиме, можеби и пераи има ставено.

Проценката на полицијата во Глазгов е дека на улиците на Глазгов се судриле околу 150 членови на групата Зелена Бригада (Селтик) и Унион Беарс (Ренџерс). Судирот бил толку жесток што и самите присутни полицајци решиле да се повлечат пред да стигне засилување.

На денот кога Милан прослави 125-годишен роденен, пред мечот против Џенова кој заврши 0-0 имаше низа настани на теренот со кои се одбележа големиот јубилеј. Но навивачите на Милан обединети под групата Курва Суд (Јужна трибина) надвор од стадионот а подоцна и на трибини го искажаа револтот од управата на чело со италијанскиот Американец Гери Кардинале.

Комити објавија видео од пред влезот на салата Боро Чурлевски на дербито меѓу Еурофарм Пелистер и Вардар. На него може да се забележи член на обезбедување претворен во силеџија кој тепа луѓе со пендрек во очи на ракометниот празник. За какво одговарање и суспендирање од работа би се правело муабет, кога на полицаецот до него не му чуе.

Сегде нè има и често виси македонското знаме на натпреварите на Реал, Барса, Ливерпул, Милан, Интер, Јуве...Наши навивачи често патуваат во Лига на шампиони, ама и во Лига Европа. Тројца Македонци го бодреа Лацио среде Амстердам и тоа после забрана со остро соопштение на четири кратниот европски првак.

Навивачите на Ајакс на времето му дадоа јак штимунг на светски познатиот хит на Гаја со тоа што го сменија рефренот и внесоа Tadic's on fire. Сега навивачите на турски Фенербахче го грмат исто хитот кога Србинот Душан Тадиќ ќе даде гол.

Ако некој сака да остане во свој свет дури и на фудбалски трибини, тогаш има и такви стадиони за него. Сент Џејмс Парк во Њукасл, Истер Роуд во Единбург и Тајнкасл Парк во Единбург

Во дуелот на повремените бундеслигаши а сега второлигаши, во Купот на Германија Келн со 2-1 ја совлада Херта Берлин. Гостите поведоа од пенал во 12-та минута, домаќините израмнија набрзо после во 30-та минута со автогол, а дури во продолженија славеа со гол од пенал на Дејан Љубичиќ во 120+1' минута.

Во се-бразилското финале на најголемиот фудбалски турнир во Јужна Америка, Копа Либертадорес, лидерот во бразилската Серија А Ботафого направи право чудо откако со играч помалку уште од 120-та секунда, на крајот го совлада големиот ривал Атлетико Минеиро со 3-1. Ова беше прв историски триумф на Ботафого во Копа Либертадорес во 125 годишната историја на клубот.

Откако му направи чест на Дел Потро, а беше гостин и на финалето од Копа Либертадорес, Новак на заминување од Буенос Аирес налета на можеби неговиот најголем обожавател од Аргентина. Малиот имаше можност да направи фотка за во рамка, а потоа и да му ја покаже тетоважата од моментот како го бакнува трофејот на Вимблдон.

Во големото дерби на англискиот фудбал Ливерпул со 2-0 го совлада Манчестер Сити и му ја продлабочи неверојатната криза која достигна до 7 порази на последните 8 меча. Црвените сега му бегаат на Сити цели 11 бода во трката за титулата а на Пеп тоа не му падна баш лесно.

Револтирани и гневни од оние билмези заглавени во 19 век, со начинот на кои го славеа денот на нивното знаме, навивачите на Пелистер одговорија од Широк сокак.

Бодо Глимт од северот на Норвешка е една од најсимпатичните екипи во европските купови во последниве неколку години. Синоќа во натпревар од Лига Европа му гостуваа на славниот Манчестер Јуанјтед. Дури и водеа 1-2 после пресврт но на крај изгубија 3:2 од големиот фаворит чиј тренер Рубен Аморим ја забележа првата победа откако седна на клупата на Јунајтед.