Навивачите на Еурофарм Пелистер по теркот на многу навивачки групи, со огномет им го рушеа сонот на ракометарите на Вардар, кои заминаа во Битола со спиење пред дербито. Арно ама, тонч:

Барселона, опаметена од најголемиот срам кога пред неколку години повеќе од 30.000 навивачи на Ајнтрахт Франкфурт го завземаа цел „Камп Ноу“ и издоминираа во историската победа на Ајнтрахт над Барса, овојпат им дале реципроцитетно толку карти колку што е дозволен ограничен капацитет за домашни навивачи на реновираниот стадион. Ама и тие беа доволно да направат хаос:

Ракометарите на Вардар во пресрет на дербито против Еурофарм Пелистер во среда од 18 часот, дојдоа со преспивање во Битола. Ама кој знае колку отспале, бидејќи Чкембари во стилот на многу навивачки групи низ светот, им рокаа огномет пред хотел.

Фенербахче и Галатасарај ремизираа 1:1 во 14. коло од турското првенство. Ова меѓусебно дерби беше број 404 во нивната историја на сите натпреварувања. Фенербахче има 149 победи, Галатасарај 130, а 125 средби завршиле нерешено. Домашните навивачи му дадоа дополнителен шмек на мечот со моќна кореографија на цела трибина.

Под наслов „Дортмунд пее Божиќни песни“ на легендарниот стадион „Сигнал Идуна Парк“, во домот на Борусија 73.500 навивачи точно на време за почетокот на Божиќниот Адвент пееле празнични песни.

На еден месец од Нова година, навивачите во Германија се веќе во предпразнично расположение. Сигнал Идуна Парк пуштен на најјако.

Вардар го растури Шкупи со 6:1 во 15. коло од првата лига и останува лидер на табелата со +1 пред Струга Трим Лум. Хет-трик на Омерагиќ. Комити се собраа во голема бројка за скопското дерби и извадија гиганска кореографија со која ги покрија двете трибини на стадионот Петар Милошевски. На првата стоеше: „Кој не запеал за Вардар?“, а на другата „Комити се ноќна мора“.

Десет млади навивачи на казахстанскиот шампион Каират Алмати, синоќа присуствуваа на одличниот дуел со Копенхаген во Данска каде паднаа 5 гола а домаќинот на крај славеше 3-2. После натпреварот домаќините срдечно им честитаа на 10 гостински навивачи за подвигот кој го направиле и поминале 5.000 километри за да ја гледаат средбата од Лига на шампиони.

За тоа колку се тешки европските квалификации за Светско или Европско првенство говори и фактот што Австрија се пласираше на Мундијал после цели 28 години. На 18-ти ноември одиграа 1-1 против Босна и Херцеговина и го сочуваа првото место на табелата за директен пласман на Светско. И прославиле тивко, умерено.

Македонија се соочи со срамен пораз во Кардиф од селекција, која не е ниту Бразил, ниту Аргентина. Но, македонските навивачи не разочараа. Ечеа македонски песни во еден од баровите.

Хрватска ја совлада Црна Гора со пресврт од 2:0, 2:3, во меч без резултатско значење, бидејќи Хрватите се математички први во група, а Црногорците претпоследни. Гостинските навивачи ја упропастија атмосферата.

Во полуфинале на аргентинската втора лига Депортиво Мадрин со 1-0 го совладал Депортиво Морон и направил голем чекор кон враќање во прва лига Примера Дивизион. По натпреварот играчите на двата тима се степале а ескалирал и судир со специјалната единица која интервенирала на теренот.

Дел од навивачите на Португалија, не го прифатија добро поразот на гостување против Ирска. Бернардо Силва и Рубен Диаз беа најнервозни од нивните реакции, па се објаснуваа со поединци кои отпатуваа во Даблин. Жоао Феликс се обиде да го спречи Силва, ама не успеа.

Кој би рекол дека Ренџерс и Селтик нема да бидат први во домашното првенство каде нивната доминација трае со децении (прв е Хартс замислете со 9 бода повеќе од Селтик и дури 14 повеќе од Ренџерс). И двата клуба играат мизерни сезони. Ренџерс има 4 порази на 4 натпревари во Лига Европа, а Селтик има победа, нерешена и два порази. Сменија тренери но работите не се сменија. Единствена светла точка се навивачите. Синоќа на дуелот Ренџерс - Рома (0-2) навивачите на шкотскиот клуб направија спектакуларна кореографија на тема гладијатор во Колосеум, со музика од култниот филм со Расел Кроу.

Фудбалерите на Болоња одиграа 0-0 против норвешки Бран во 4. коло од Лига Европа а од 23' минута на овој натпревар играа со играч помалку по црвениот картон на Гркот Харалампос Ликојанис. Тифозите на Болоња потсетија на старите добри времиња во италијанскиот фудбал со прекрасна бакљада на својата трибина.

Уште ваква глупост немавме видено, која можеше да заврши кобно. Навивачите на Барселона, кои имале организиран превоз до стадионот на Клуб Бриж, со сиот памет направија бакљада во автобусот и предизвикаа пожар. Цел автобус гореше  За среќа сите се живи и здрави.

Англискиот репрезентативец Трент Александер-Арнолд е роден во Ливерпул. На 6 години го запишуваат во фудбалската школа на славниот клуб. И станува еден од ретките кој ги поминал сите возрасни категории и стигнал до првиот тим. Го оствари сонот и со црвените освои титула во Лига на шампиони (2019) и Премиер лига. Му исцртаа и прекрасен мурал но откако реши да си оди во Реал Мадрид, му го ишкртаа.

Херта Берлин со 2-0 го совлада Динамо Дрезден и само му ја продолжи агонијата сезонава во втора лига во која имаат 6 порази, 4 нерешени и само 1 победа и се претпоследни со 7 бода после 11 кола. Херта е на 8-мо место со 17 бода. На култниот „Олимписки стадион“ во Берлин допатувале преку 20.000 навивачи на Динамо Дрезден.

За време на натпреварот меѓу Жуниор Баранкиља и Санта Фе во Колумбија еден навивач на домашната екипа на трибините за време на паузата решил со прстени да ги побара двете девојки. И двете рекле „да“. На крај Жуниор Баранкиља изгубил 1-2 со гол примен во 90+7-ма минута.

Навивачите ширум светот често се незадоволни од работата на управите на фудбалските клубови. Криват некои директори за малверзација, за продавање играчи, за слабо вложување итн. итн. Во некои друштва протестите се преку прекини на натпревари, преку фрлање разни предмети, протести итн. Во Аргентина еве како ја бркале управата на познатиот клуб Химнасија Ла Плата.

Во 1997 година, Каљари играл плејоф меч за опстанок во Серија А против Пјаченца на неутрален терен во Неапол. Преку 20.000 навивачи се скрцале на брод за да отпатуваат од островот Сардинија, патешествие за кое сега, во 2025-та, Гугл вели се потребни околу 15 часа. Каква страст за фудбал има во овие луѓе.

Дуелот меѓу второлигашот Цибалија и Хајдук Сплит во рамки на хрватскиот Куп предизвикал огромно внимание. Полни трибини и голем број навивачи на двата тима. Во еден момент Торцида извадила помало знаме одземено од противничките навивачи а домашните Винковчани им одзеле на Торцидашите старо култно знаме „Торцида Брда“ кое набрзо и го запалиле.

На легендарниот стадион „Президенте Перон“ во Авељанеда, предградието на Буенос Аирес, синоќа Расинг Клуб го пречека бразилски Фламенго во реваншот од полуфинале на Копа Либертадорес најважниот турнир во цела Јужна Америка. Повеќе од 50.000 навивачи на сино-белите направија шоу. Натпреварот заврши без голови а поради триумфот 1-0 на првиот дуел Фламенго оди во финале.

Европската фудбалска куќа на фудбалот објави фер плеј ранкинг во одност на однесување на навивачи во европските натпреварувања. Најлоши и најпроблематични се Албанците, втори се хрватските навивачи, трети српските, четврти навивачи од БиХ, петти кипарските а шести турските.