Околу 80.000 Холанѓани се очекува денес да бидат во Дортмунд по повод полуфиналето на Еуро2024 со Англија вечерва од 21:00. Холандија ги имаше најсимпатичните навивачи на Европското кои се журкаа и не мислеа на инциденти и испади. Вечерва против себе ќе имаат англиска армија која исто врши опсада на Дортмунд со илјадници тони пива.

Меле ли меле, дофрла и пцуе, затоа што во прашање е неговата земја од која емигрирал на 16 години во Аргентина, против домаќинот Германија. Како мало дете ќе викне на крај, па уште и ќе запее. Цар.

Елиминацијата на Турција од Еуро2024 донела голем наплив негативен набој кај навивачите на оваа селекција па ширум европските градови имало и нереди. Во Берлин каде живее огромна турска заедница избила тепачка, односно турски навивачи нападнале холандски навивачи после мечот Холандија - Турција 2:1.

Навивачите на Холандија и натаму го живеат сонот во Германија на Еуро 2024. Стигнаа до големото полуфинале откако со голем пресврт ја урнаа Турција. Холанѓаните беа меѓу најпримерните навивачи на Европското ама, ете, се случуваат и исклучоци па и некој нив бил собран од џандари додека правел бељи. И кај ќе го гледаат фудбалот уапсени?

Или поточно Шпанецов да е навивач на Бока и да се најде во друштво на навивачи на Ривер или обратно. Инаку ова се случува во 119 минута кога Германија прими гол и се збогуваше од Европското на кое е домаќин.

Новак Ѓоковиќ го мина второто коло на Вимблдон против Џејкоб Фернли со 3-1. Го збриша во првите два сета, но потоа се соочи со силен отпор од страна на 14 години помладиот Британец, кој успеа да му го земе само третиот сет. Уживајте во поенот на мечот и хајлајтсот.

Веќе неколку дена траат критиките на адреса на италијанската фудбалска репрезентација која како бранител на трофејот се посрамоти во Германија. Ама никој не го искажа револтот како овој. Во прашање е свето нешто.

Мајк Вандел, комерцијалниот директор и директор по бренд во италијанскиот клуб Рома е отстранет од работа поради тоа што дозволил во продажба да се најдат нова гарнитура дресови, блузони и тренерки од Адидас на кои има боја која потсеќа на главната боја на мрскиот градски ривал Лацио. Тифозите на Рома веднаш кренале глас, претседателот на клубот Ден Фридкин лично се впуштил во приказната и Мајк Вандел добил отказ.

Турците се познати како нација која френетично следи фудбал, а можете да замислите како е кога ја пратат репрезентацијата на големи натпреварувања. Така и со еден машиновозач кој го сопрел својот воз за момент, за да ги поздрави присутните кои славеле победа во 1/8 финале против Австрија (2-1).

Некоја вест и од клупски фудбал, ретко видена. Но Германци се тоа. Прашајте ги Комити за навивачите на Шалке.

Симпатични сцени од Лајпциг забележани пред мечот меѓу Австрија и Турција. Австријците здогледуваат баба на балкон, ѝ мавтаат и сите во хор и скандираат да возврати на поздравот. Мисијата е успешна, забавата спонтана.

Победата на Турција против Австрија во осминафинале на големо се славеше во Турција, се разбира во Германија, но и во Македонија. Под стоковна куќа Мост не можело да се помине со кола.

Не е секој ден Велигден селекција како Турција да се најде во топ 8 во Европа. Четвртфинале не видоа селекции како Италија и Хрватска. Плус знаејќи ја нивната страст за фудбал, сцениве се најнормални за досегашниот успех во Германија. Второто видео е од Келн.

Плоштадот „Ослободување“ во Тбилиси бил премал да ги прими јунаците од репрезентацијата на Грузија која го воодушеви фудбалскиот свет со добар фудбал и голема борба на Еуро2024.

Англиски навивач фатен во офсајд за време на славјето против Словачка, која Англија ја доби со пресврт. Кај нас на стадион пак не умира модата со семките.

Словачка до 95-та минута имаше сензационални 0:1 против Англија и пласман во четвртфинале. Белингем израмни со ножички, а Хари Кејн ги постави конечните 2:1 уште на стартот од продолженијата. Затоа се седи на стадион до крај.

Грузија на три меча од првиот историски настап на едно Европско првенство одигра храбар, јуначки отворен фудбал против три големи фудбалски сили како Португалија, Турција и Чешка. Грузијците одат понатаму во осминафинале а тој шок се славел долго во ноќта во главниот град Тбилиси и другите градови и села каде Хвича Кварацхелија и неговите другари се веќе народни херои.

Колумбија со победа 2-1 против Парагвај го отвори настапот на Копа Америка. Во иста група се со Бразил кој изненади со очајни 0-0 против аутсајдерот Костарика. На стадионот „НРГ“ во Хјустон, Тексас, дошле 50-ина илјади колумбиски навивачи кои ја згрмеа националната химна.

Околу 40.000 Холанѓани дошле во Берлин за мечот со Австрија. Иако изгубија 2:3, Холанѓаните се забавуваа пред, за време и после мечот. Одат во следна рунда како една од четирите најдобро третопласирани селекции. Ќе има пак добро техно кај нив во осминафинале.

Пред големото дерби Чиле - Аргентина закажано за доцна после полноќ меѓу вторник и среда на стадионот „МетЛајф“ во Њујорк, илјадници гаучоси се собрале на најпознатото место на светот. А ги запознал и Тајмс Сквер нив, односно нивната прекрасна фешта.

Еуро2024 изобилува со интересни и необични пароли по трибините. Една таква имаа и Унгарците, како шега на сметка на шкотската традиционална вековна носја - тартан сукња. Унгарија победи со гол во 99 минута и 33-та секунда што е најдоцен погодок во историјата на Европските првенства. Го постигна резервистот Кевин Чобот кој влезе од клупата и ја однесе Унгарија во следна фаза.

Извесен Андре Шнура, музичар, облечен во ретро дрес на Руди Фелер од Германија, прави право шоу на Еуро2024. Почнал да прави убава забава на свадби а сега се прослави ан Европското првенство. Оди на главни плоштади и растура најчесто со легендарните Самба де Жанеиро и Фрид фром дизајр.

Во првото коло од Европското еден навивач на Швајцарија на мечот против Унгарија држеше во рака парола со натпис „Фонди подобро од гулаш“ и започна интересно гастрономско Европско првенство. Го продолжи еден Словенец пред дуелот со Србија крена парола: „Крањска подобро од ќебапи“. Сега пред мегданот Хрватска - Италија еве што е на менито: