Во 3. коло од Евролига, белградски Партизан го совлада Баерн Минхен 86-78 и ја забележа првата победа во нвоата сезона од елитната лига. Во белградската Арена повторно атмосфера за паметење.

За време на дуелот Босна и Херцеговина - Унгарија во Лига на Нации, стотина навивачи на Босна кои стоеа до гостинскиот кафез, скандираа: „Убиј го Србинот“ а потоа со Унгарците заедно си поделија скандирања за своите земји и меѓусебни аплаузи. Се очекува реакција на УЕФА за овој скандалозен чин кој доаѓа откако регионот периодов се сплоти да ја помогне Босна и Херцеговина со страшните последици од поплавите во кои загинаа 20-ина лица.

Ова што го прави Лацио на стартот на секоја сезона е фасцинантно. Со крпеница од тим, со претседател кој повеќе мисли да фати попладневна дремка отколку да склопи добра екипа конкурентна за трофеи, Лацијалите отворија одлично. Имаат 13 бода после 7 меча во Серија А и се на четврто место. Во Лига Европа се први на табела од 21 клуб со две победи (0-3 и 4-1). Минатиов викенд го совладаа тврдиот Емполи после пресврт со гол на ветеранот Педро во 85-та минута. Цел „Олимпико“ на крај го грмеше италијанскиот мега хит „Педро, Педро, Педро“ од Рафаела Кара.

„Сигнал Идуна Парк“ или „Вестфален“, стадионот на Борусија Дортмунд летово не се прослави на Европското првенство затоа што на два меча при страшно обилни дождови од град кровот прокиснуваше на некои делови. Но теренот е чиста 5-ка!

Во Вардар пак нешто не штима. Летоска дојде Новоматик како генерален спонзор, моќна интернационална компанија, сопственик на 2.000 казина која потпиша едногодишен договор на 1 милион евра спонзорство. Во управата јавно се зборува дека е Миленко Неделковски за што немаше прес конференција или некаква друга официјална промоција. Тимот има бедни 7 бода после 9 меча и е претпоследен, а Комитите се очигледно бесни по вчерашниот пораз на домашен терен од Струга Трим Лум од 1:4. Испратија кратка и јасна порака.

Во 1. коло од Лига на Конференции, Легија Варшава направи изненадување и со 1:0 го совлада шпански Бетис. Навивачите на полскиот клуб, кои важат за едни од најжестоките во Европа, и овојпат направија необична кореографија. Ривалот Бетис беше од Андалузија, регион каде е започната фамозната корида, трка и борба со бикови.

Јуве Стабија е италијански второлигаш кој минатата сезона од трета се пласираше во втора лига. Сега го победиле лидерот на Серија Б Пиза и се на 5-то место. Тифозите сонуваат пласман во Серија А. И палат бакљи од терасите на зградата до стадионот.

Баварците синоќа го претрпеа првиот пораз во сезоната и тоа во Лига на шампиони, на „Вила Парк“ од Астон Вила 1:0. Околу 5-6.000 навивачи на Баерн Минхен беа гласни на стадионот во Бирмингем но залудно затоа што Кејн и другарите изгубија. Поради грешка на Нојер. А домашните уживаат во прва Лига на шампиони после европската титула пред 42 години освоена токму против Баерн Минхен во финале.

После 16 кола во аргентинската Примера Дивизион, неочекувано на високо второ место е Таљерес Кордоба со 30 бода. Оваа екипа пред 2 дена направи големо изненадување откако го совлада Ривер на гости 0-1. Навивачите имаат фантастичен оркестар и френетично го бодрат Таљерес Де Кордоба.

Во Дортмунд синоќа навивачите уживаа во играта на својата екипа која со 7-1 го расканта шкотски Селтик. Пред мечот, популарниот и светски познат „Жолт ѕид“ крена директна парола против УЕФА. Имаа и натпис на оградата „Не ви е грижа за спортот, се грижите само за пари“.

Не, дефинитивно англиската фудбалска култура е нешто сосема посебно. Уште ко ќе ја зачинат со нивниот префинет британски хумор и пиво, се добива врвна комбинација. Пазете ова, Борнмут си води глатко 3-1 со Саутемптон кога пред крајот спикерот им кажува на гостинските навивачи дека возот за Саутемптон е откажан. Домашните им се ситат.

Сте ги виделе ли до сега македонските навивачи на Јувентус, Милан, Интер, Лацио, Рома и Наполи на едно место? Во Скопје викендов беше празник за нив, историја запечатена под покровителство на Италијанската амбасада.

Добра забава со доста фина добивка им нуди Спарта Прага на своите навивачи за време на натпреварите. Еден ксметлија постигна гол од пола на терен на мало голче и си замина дома со 40 бона.

Емполи - Фиорентина важи за дерби во Италија бидејќи се наоѓаат во ист регион, а тоа е Тоскана. Градовите се оддалечени 32 км, одлична можност за едно поинакво гостинско патување. Во Емполи отпатуваа 4.000 навивачи на Фиорентина, од нив преку 1.000 на мотори. Прв пат се организираа на ваков начин во 1986-та, вториот пат во 1998-ма. Ова им е трет пат.

Некогашниот стандарден прволигаш Бурсаспор од турскиот град Бурса, синоќа го пречекал Мусспор во натпревар кој завршил без голови. На дуелот од четврта лига имало верувале или не 43.000 гледачи. Фасцинантно дури и за најдобрите топ5 лиги а камоли за нашево поднебје.

Дербито Вардар - Еурофарм Пелистер кое го добија домаќините 27:24, имаше убава увертира. Ја пуштија на звучки „Заветна“ на што одговорија и двете навивачки групи.

Европската фудбалска унија (УЕФА) ја казни Барселона со 10.000 евра и и одзема право да продава карти на своите навивачи за следниот гостински меч од Лига на шампиони против Црвена Звезда во Белград. Неколку навивачи пред мечот со Монако на гости во Франција каде Барселона изугби 2:1 во 1. коло од Лига на шампиони држеа парола со натпис Flick Heil и со симболот кој асоцира на нацистичката парола Sieg Heil.

Ждрепката за новата сезона во Лига Европа со нов формат сакаше во 1. коло во Истанбул да се сретнат големите ривали Галатасарај и солунски ПАОК. Познати се историските настани меѓу Грција и Турција, па присуство на гостински навивачи кога играа клубови од овие две земји не беше замисливо.

Ждрепката во Купот на Италија ги спои големите градски ривали Џенова и Сампдорија кои ќе играат едни против други после цели 879 дена од последната пресметка.

Ривер Плејт во само неколку дена забележа две исклучително големи победи. Прво во саботата против најомразениот ривал Бока Јуниорс на гости 0-1 со голот на Мануел Ланѕини, а после синоќа во вторникот вечер против Коло Коло 1-0 во реваншот од четвртфиналето на Копа Либертадорес. Ривер под водство на својот најуспешен тренер во историјата Марсело Гаљардо кој во август се врати од Саудиска Арабија, се пласираше во ново полуфинале на Копа. Голема помош во тоа имаше од своите најверни навивачи.

„Сум играл на дербито Џенова - Сампдорија, Милан - Интер, али Лацио - Рома ти е...Во Милано има почит меѓу навивачите, ти навиваш за Милан, ја за Интер и одиме заедно на стадион, исто и во Џенова. Во Рим тоа не постои“, ќе рече Горан Пандев во емисијата Еден на еден.

Навивачи на белградските црно-бели веќе долги години се во војна со управата предводена од извршниот директор Милош Вазура чија оставка и одговорност бараат за катастрофалното водење на клубот. Партизан одамна е во мизерна состојба а кулминацијата беше летово кога испаднаа во квалификации за сите три еврокупа. Вечерва од 19:00 на стадионот „ЈНА“ треба да се одигра дербито Партизан - Црвена Звезда, но група вандали синоќа уништиле дел од теренот па прашање е дали дербито и како ќе се одржи.

Рапид Виена со 2-1 го совлада големиот ривал Австрија Виена. По натпреварот во еден момент навивачите на домаќинот се симнале на терен и почнала права канонада со бакљи, петарди, топовски удари и дури светлосни ракети од кои некои сериозно можел да настрада во гостинскиот сектор.

„Непобедени воини - предводени од кралот“, гласи паролата на навивачите на Баер Леверкузен на кои Чаби Алонсо вечно ќе им остане врежан во срцата. Нивната сезона 2023/2024 допрва ќе се прераскажува во документарци. Инаку викендов го победија Волфсбург 4:3, со пресврт и гол во 93-та на Бонифејс, вкупно 24-ти во судиско од август 2023-та.