Британската служба за дигитално шпионирање изгубила илјадници мемориски стикови со чувствтителни податоци за надгледувани лица. Невини луѓе биле идентификувани како терористи. МИ5 лажела пред суд за протекување податоци. Наместо да преземат одговорност и да одговараат за инцидентите, службите бараат уште пошироки овластувања за надзор.

Бил Гејтс ја плаши светската јавност со нови предвидувања за ужасни катастрофи предизвикани од злонамерни групи „вооружени“ со ВИ. Инсистира владите низ светот да ја преземат контролата врз развојот на новата технологија и да воведат строги мерки, исто како за авиосообраќајот и лековите, за да спречат инциденти со повеќе жртви отколку пандемијата на ковид.

САД имале основа да се сомневаат во активности на Nvidia на пазарот во Кина уште пред Јенсен Хуанг да признае дека имал вонбрачна афера со жена ангажирана да шпионира за Пекинг. Чипови на Nvidia за вештачка интелигенција биле доставувани до десетици фантомски компании поврзани со фондови кои биле под санкции како ризик за националната безбедност на САД.

Проституција, марихуана, кокаин.Така изгледа развојното портфолио на албанските банди во Англија кои денес апсолутно доминираат на црниот пазар вреден милијарди фунти. Работат тивко, важат за ефикасни партнери кои држат до дадената беса а во нивните крвно поврзани ќелии полицијата тешко се инфилтрира. Но, тие пари некаде мора да се исперат и тоа ја бранува Албанија. 

Луѓе наклонети кон науката и секуларното расудување отфрлаат „божји чуда“, но честопати веруваат во магии, суеверија, духови и клетви. Современиот пресврт кон рационалноста не ја елиминира фасцинацијата на луѓето од натприродното, туку само ја ослободува верата од институционалните ограничувања и авторитети, покажуваат резултати од ново истражување.

Европските производители се во заблуда кога мислат дека можат да се натпреваруваат со кинеските. Ќе мораат да ја сменат стратегијата и, наместо да се тркаат, да бараат место за себе во кинеските глобални синџири за снабдување. Во спротивно ќе продолжат да бележат загуби и да отпуштаат работници, предупредува Јенс Ескелунд, шефот на Трговската комора на ЕУ во Пекинг.

Скандалите со престижните универзитети кои не ги проверуваат квалификациите на „угледните“ професори што ги ангажираат се проширија на Ирска. Професорот по новинарство Том Фел, кој бил цитиран и ангажиран како експертски советник во кампањи против ширење лажни вести и дезинформации, со години лажел дека докторирал.

Само неколку дена по неуспешниот обид на владата Туск да ја преземе контролата врз судството, полските пратеници усвоија закон кој на владата ѝ дава право без судски одлуки да замрзнува сметки на граѓани и компании за кои ќе процени дека се закана за националните интереси. Опозицијата стравува од злоупотреба на законот против политички противници.

Додека САД и Израел почнаа војна за да го променат режимот во Техеран, ја разнишаа власта на својот главен партнер во регионот. Саудискиот престолонаследник е загрозен од финансиска криза, демографски фактори, воени порази и отпорот кон либерализацијата. Прашање е само дали ќе биде отстранет од други членови на династијата Сауд, или кралство целосно ќе се распадне? 

Уште од потпишувањето на Парискиот договор во 2015 година, владите низ светот се обрзаа да го ограничат глобалното затоплување. Откако Трамп ги повлече САД од договорот, развиените земји престанаа да ги исполнуваат целите, а конференциите се претворија во бирократски лавиринти. Последната надеж се амбициите на Кина да продава соларни панели и коли на струја.

Двете владејачки партии во Даблин претставија анализи за трошоците од обединувањето на Ирска. Процесот на интеграција би требало да трае 25 години. Само во првата година, цената би можела да варира од 3,2 до 25 милијарди евра, во зависност од усвоениот модел и од договорот на Лондон и Даблин кој ќе плаќа за пензиите и долговите.

По неодамнешните американски избори, кинескиот државен медиум „Глобал тајмс“ објави напис во кој го слави претстојниот крај на демократијата со оценка дека ‚митот‘ за демократијата од западен тип ја губи својата привлечност, дури и на самиот Запад. Кина не е единствената земја што во избореите во САД виде најава за своја долгорочна победа. Иран, на пример.

Европските земји мошне веројатно нема да ја исполнат целта до крајот на оваа година да ѝ испратат воена поддршка на Украина од 70 милијарди евра. Им недостасуваат 7 милијарди. Се очекуваат дополнителни ветувања на новата рунда разговори идната недела, но дипломати во Брисел предупредуваат дека тие можеби нема да бидат доволно.

Владеењето на правото на европскиот континент е влезено во рецесија и резултатите кои ги мерат потребните параметри се во пад во 26 од 40 европски земји. Од 143 земји на глобално ниво, Албанија е на 91-ва а Србија на 95-та позиција. Ние сме на 65 место а две места подобра е европејска Бугарија.  

Мозокот на гулабот функционира на сличен начин како и вештачката интелигенција на базично ниво. Ова го покажа нова студија во која психолози од Универзитетот во Ајова го испитале функционирањето на мозокот на гулабот, откривајќи дека има сличности со вештачката интелигенција.

Банкротот на еден новозеландски фармер пред речиси еден век довел до необичен природен експеримент. По пропаѓањето на фарма на субантарктичкиот остров Кембел во 1931 година, околу 4.000 овци биле оставени сами да се снаоѓаат. Децениската изолација и животот во сурови услови создале популација со ретки наследни особини.

Економистите, бизнисмените и стопанските комори со години попусто се жалат дека Брисел и Берлин со секоја нова директива уште повеќе ја гушат економијата. Есенската сезона на реформи носи нови апсурдни закони што ги излудуваат фирмите, како воведувањето „комесар за амбалажа“ и обврската за овластени претставници во сите 27 членки на ЕУ.

Вредноста на акциите на фирмата зад социјалната мрежа на Трамп упорно паѓа по поразот на републиканците на изборите за Конгресот. Паднаа на 4 долари, од 80 долари, колку што вредеа пред две години. Инвеститорите се жалат дека се предадени. Вредноста на акциите на Truth Social на берзите сега се следи како барометар за популарноста на Трамп меѓу Американците.

Белгиските пратеници го изгласаа контроверзниот закон со кој на службата за имиграција ѝ се овозможува ненајавено да упаѓа по приватни домови за да приведува нелегални мигранти што добиле налог за депортација. Претресите ќе бидат ограничени на лица на кои им е одбиено барањето за азил во Белгија и кои се сметаат за закана за јавната безбедност.

Изборното „сино цунами“, со кое ја презедоа командата на Конгресот на САД им овозможи на демократите да спроведат изборна реформа која некогаш се сметаше за невозможна: да го отфрлат архаичниот и непопуларен Изборен колеџ. Веќе од 2028 година претседателот на САД би можел да биде избран со мнозинство гласови на национално ниво.

Партијата на левицата не се откажува од напорите да го продлабочи чувството на историска вина меѓу Германците. Сега бара од владата во Берлин да се обврзе да им плаќа отштета на сиромашните земји низ светот затоа што Германија низ сопствениот индустриски развој во изминатите два и пол века претерано испуштала гасови од фосилни горива. 

Инженерски единици на американската Армија повторно почнаа да обучуваат да копаат привремени масовни гробници на бојно поле, активност што ниту се практикувала ниту била потребна уште од Корејската војна во 1953 година. Низ обука поминуваат и свештеници. Целта е да се зачуваат телата на паднатите борци и достоинствено да се испратат со верски обреди. 

Милијардерите од Силициумската долина се дупли губитници на изборите во САД. Не само што им „изгореа“ стотиците милиони долари што ги вложија во кампањите на републиканските кандидати, туку и на локално ниво им беа блокирани проекти за изградба на центри за податоци од кои долгорочно очекуваа приходи од милијарди долари.

Слично како што нацистичка Германија ѝ го заплени златото и моќниот воено-индустриски комплекс на Чехословачка пред Втората светска војна, битката за Уставниот суд во Варшава отвора сомневања дека денешна Германија планира да ги преземе златните резерви на Полска и да ја стави под своја контрола нејзината армија во пресрет на можна војна со Русија до 2030 година.