Чести паузи во меморијата, дезориентација, конфузија околу бројките и боите – ова се секојдневните проблеми на 28-годишниот Васиљ од централна Украина. Од 2015 година е на психијатриски третман за растројство на личноста. Но, тоа не ги спречило украинските вооружени сили да го повикаат на воена служба и да му дадат оружје.

Наметнатото вакцинирање на сите луѓе по секоја цена не спасило ни од далеку толку животи колку што тврди Светската здравствена организација, покажува ново истражување. Полза од вакцинирањето имале само постарите лица, додека младите непотребно биле изложени на ризик. Агресивните мерки и фанатизмот за вакцинирање беа лоша идеја, заклучуваат истражувачите.

Глобалниот пад на цените поради зголеменото производство од Кина и високите царини што ги наметна американскиот претседател Трамп го направи производството на челик неисплатливо во Европа. Се затвораат погони и се укинуваат работни места, но ниедна земја не сака да престане да го произведува суштинскиот материјал за нејзината економска и национална безбедност.

Главната обвинителка Пам Бонди ќе формира специјална група за да истражи колку длабоко поранешниот претседател Барак Обама заглавил во обидите да му го подметне „руското мешање“ во кампањата на Доналд Трамп во 2016 година. Тулси Габард пред една недела тоа го опиша како „предавнички заговор“. Сега објави нови папки со докази и побара кривично гонење на Обама.

На своја кожа чувствуваме колкава е силата на Сонцето, но научниците мошне веројатно ја потцениле неговата магнетна моќ. Ново истражување покажува дека и најсовремените инструменти на НАСА регистрираат едвај половина од магнетното зрачење. Тоа е важно за да се спречат катастрофални последици од сончевите бури врз сателитите и електричната мрежа на Земјата.

Кина го блокира пристапот до OnlyFans, наведувајќи го како „закана за националниот морал, културните вредности и општествениот поредок“. Прашање е како оваа платформа на која главно се споделуваат порно содржини од домашна изработка, воопшто се протнала преку строгите кинески цензури кои одамна ги забранија и побезопасни канали како Јутјуб, Фејсбук и Инстаграм. 

Пандемијата, со сите стресови од затворање по домовите, наметнувањето маски и одржување растојание, откажувањето спортски, културни и естрадни настани... практично целосното уништување на социјалните навики, оставиле белези врз мозокот на сите луѓе, без оглед дали прележале корона. Мозоците ни старееле побрзо. Сè уште е рано за да се утврди дали последиците се долготрајни.

Со речиси секој изминат ден, Британија прогресивно го прифаќа сопственото уништување со тоа што се поклонува пред своите смртни непријатели и им се нафрла на своите најлојални пријатели. Лабуристичката влада на премиерот Кир Стармер сè повеќе се предава на исламизацијата и нелегалната миграција, додека води отровна култура на антисемитизам која е надвор од контрола.

Блискоста со Гислејн Максвел долго време му беше слабост на Трамп. Сега таа може да го спаси од тврдењата дека е вмешан во злосторничката шема на нејзиниот сопруг Епстин. Максвел во затвор деновиве лично ќе ја посети висок обвинител, а во август ќе сведочи пред Конгресот како соработник. Идеална шанса за да се спогоди, но прашање е дали некој ќе ѝ поверува на сведоштвото.

Стартап од Сан Франциско тврди дека конечно ја решил милениумската тајна на алхемијата – како да се направи злато од некој друг метал. Магијата е во нуклеарната фузија, која досега е постигната само во термонуклеарни бомби. Фузиските нуклеарни реактори во иднината би можеле да прават тони злато годишно и така двојно да го зголемат ќарот од произведената струја. 

Откако НАТО скептицизмот беше издриблан со сите мерки што можеа да им текнат, Романија се враќа на посакуваниот колосек; купува израелско оружје вредно милијарди долари. Ова го прави во период на длабока финансиска криза, кога ќе мора да ги крене даноците и да отпушти една петтина од јавната администрација за да ја затне рекордно длабоката дупка во буџетот.

За разлика од нивните родители, денешните се бомбардирани со совети и филозофии како да ги воспитаат своите деца. Тоа прерасна во бизнис. Пазарот на апликации за родители се проценува дека вреди 600 милиони долари. Студија што цела деценија следела развој на речиси 6.000 деца, нуди докази кое воспитување е поврзано со најдобрите резултати: Авторитативно, со доза на нежност.

„Инклузивните“ сириски џихадисти кои ги слави Западот се соучесници во погромите против Друзите и Алавитите. За малцинствата во Сирија, промената на режимот значеше промена на костумите на владетелите, а не на нивниот карактер. Шара вели дека се стреми да ја „обедини“ Сирија. Во пракса, неговото владеење е секташко средување сметки и прекршени ветувања.

Привршува апсолутната доминација на гигантите како Рајнметал во воената индустрија во Германија. Владата на Мерц ги менува законите за да им го олесни патот на стартапите до огромниот буџет за одбрана. Малите креативни компании полесно го следат брзиот развој на вештачката интелигенција, дроновите и роботите. Ќе има пари и за луди иновации како бубашваби на далечинско. 

Додека пука по своите соседи, Израел троши милиони долари дневно за да ги бомбардира Европејците со страшни пораки дека Иран ќе ги збрише со нуклеарни проектили. Геноцидот во Газа го претставува како „хуманитарна операција“. Платените реклами на пет јазици на YouTube во изминатиот месец биле претставени пред најмалку 45 милиони луѓе. Скапо е да оправдаш геноцид.

Илјадници луѓе синоќа низ Украина протестираа против ненадејната одлука на претседателот Володимир Зеленски да ја ограничи автономијата на две антикорупциски агенции кои се од централно значење за спроведување на реформите. Справувањето со ендемската корупција е услов за Киев да ѝ се приклучи на ЕУ и да добива милијарди долари помош од Западот.

Ако се чувствувате раздразливо, пробајте омега-3. Веќе е докажано дека овие масни киселини, достапни како додатоци во исхраната преку капсули од рибино масло, смируваат шизофренија и го намалуваат ризикот од мозочни и од срцеви удари. Сега е потврдено дека може да ја намалат и агресивноста за 28%. За смирување агресија кај деца се препорачува најмалку две порции риба неделно.

Ози Озборн почина на 76 години. Принцот на темнината беше икона на британскиот хевиметал и не ни се очекуваше да доживее толку, да не беше една ретка генетска деформација која огромните количини алкохол и дроги кои со децении ги истураше во себе не му ги поништуваше многи поефикасно отколку кај нормален човек. Ози Озборн се одјави само три недели по прошталниот концерт на Блек Сабат. „Mama, I’m Coming Home“, најави тој од бината.

Бриселските бирократи не дозволуваат некој да им ги нарушува строгите правила на единствениот пазар, дури ни кога тоа се водечки светски еколошки регулативи. Французите педантно со повеќегодишна кампања создавале култура граѓаните правилно да го сортираат отпадот. Брисел на суд ќе се бори против француските етикети на производите за да ги прилагоди на своите стандарди.

Иако постојано е напаѓан во својата земја поради смелите ставови, британскиот доктор Асим Малхотра ги убеди властите да го намалат нивото на шеќер во храната. Вакцините со мРНА ги смета за апсолутна катастрофа и го критикува масовното препишување статини како превентива од срцеви заболувања. Сега тргна во битка против „инјекцијата за слабеење“ што ја воведе NHS.

Вообичаениот третман со хемотерапија насочен кон примарниот тумор може да ги разбуди неактивните клетки на ракот што веќе се вгнездиле во други органи од пациентот, предупредуваат научници од Кинеската академија на науки. Во тек се клинички испитувања дали овие несакани последици може да се спречат со додавање лекови што го запираат стареењето на клетките.

Мозочни активности кај оптимистите и песимистите го потврдуваат Принципот на Ана Каренина, кој Толстој го дефинира на почетокот на романот: „Сите среќни семејства се слични; секое несреќно семејство е несреќно на свој начин“. Сличната бранова должина ги групира оптимистите во јадро на социјални групи, а секој песимист има сопствени стравови што го водат кон црно сценарио.

Кинеската хидроцентрала Три клисури ги собори сите рекорди според големината и произведената струја. На Кинезите и тоа им е малку, па сега градат нова брана на Тибет, три пати поголема. Вложија 167 милијарди долари за систем од пет брани и 20 тунели под планина. Индија и Бангладеш се жалат дека ќе останат без вода или може да бидат збришани ако Кина ги одврти вентилите.

Аналитичарка со дебели врски во ФБИ ги потврдува извештаите дека службеници во Вашингтон се ангажирани да го пребаруваат секое спомнување на Доналд Трамп во досието за педофилот Џефри Епстин. Прелистуваат 300.000 страници и водат дневник. На Трамп некако не му се сака, но и најзакоравените членови на МАГА го притискаат да ги објави целосните документи за Епстин.