- Жители на Танзанија стихијно го нападнаа меѓународниот аеродром во Дар ес Салам и се обидоа да ја окупираат пистата за да ја спречат политичката елита да избега со богатство за време на хаосот што избувна по оспорените општи избори.
- Властите прогласија полициски час и го исклучија пристапот до интернет, а војската излезе на улиците на главниот град за да ги задуши масовните протести поради забраната за двете најголеми опозициски партии да учествуваат на изборите во средата.
- Врз основа на првите резултати, Изборната комисија објави дека претседателката Самиа Сулуху Хасан освоила 96,99% од гласовите. Таа имаше 16 противкандидати.
- Партијата на револуцијата (ЧЧМ) е на власт во Танзанија веќе 64 години, од стекнувањето независност од британските колонијални власти. Главниот опозициски лидер Тунду Лису во април беше затворен поради велепредавство, затоа што повика на реформи на изборите. На лидерот на другата опозициска партија му беше забрането да настапи на изборите.
- Со БДП од 1.200 долари по човек, земјата со 68 милиони жители е меѓу најсиромашните во светот.
- Британија и Франција постепено ќе го укинат договорот за размена на мигранти според принципот „еден внатре – еден надвор“, бидејќи биле депортирани премалку лица.
- Од склучувањето на договорот во август 2025 година па заклучно со 1 октомври годинава, во Франција биле вратени повеќе од 1.500 нелегални мигранти, а во спротивна насока биле префрлени нешто помалку од 1.500 легитимни баратели на азил во Британија.
- Проценетите трошоци за шемата изнесуваат 56.000 фунти по вратен мигрант, што достигнува вкупна сума од околу 84 милиони фунти.
- За споредба, во истиот период повеќе од 40.000 нелегални мигранти пристигнале во Обединетото Кралство со мали чамци.
- Лондон бил подготвен да го продолжи договорот, но Париз одбил, со образложение дека сака шема за враќање на ниво на целата Европска Унија.
- Изминатиот септември беше првиот по 32 години во кој немало ниту еден ураган во Атлантикот. Ова се случило само три пати досега – во 1994, во 1972 и во 1962 година.
- Просекот е 7 урагани во сезона, од кои 2 до 3 се во септември.
- Аномалијата се смета за последица на пацифичкиот климатски феномен Ел Нињо, за кој се предвидува дека годинава ќе биде најсилен досега.
- Оваа година може да биде првата без ниту еден ураган во Атлантикот откако во 1950 година почна да се води прецизна евиденција. Во просек во октомври се формира по еден ураган годишно, а повремено може да има и во ноември.
- Најмалку, само по два, имало во 1982 и 2013 година.
