Вести › Набрзинка

Пропадна дилот за мигранти на Британија и Франција

2 октомври 2026

Британија и Франција постепено ќе го укинат договорот за размена на мигранти според принципот „еден внатре – еден надвор“, бидејќи биле депортирани премалку лица.
Од склучувањето на договорот во август 2025 година па заклучно со 1 октомври годинава, во Франција биле вратени повеќе од 1.500 нелегални мигранти, а во спротивна насока биле префрлени нешто помалку од 1.500 легитимни баратели на азил во Британија.
Проценетите трошоци за шемата изнесуваат 56.000 фунти по вратен мигрант, што достигнува вкупна сума од околу 84 милиони фунти.
За споредба, во истиот период повеќе од 40.000 нелегални мигранти пристигнале во Обединетото Кралство со мали чамци.
Лондон бил подготвен да го продолжи договорот, но Париз одбил, со образложение дека сака шема за враќање на ниво на целата Европска Унија.

22 октомври 2026

22 октомври 2026

Европските лидери сè посериозно размислуваат за директни преговори со рускиот претседател Владимир Путин, нешто што до вчера се сметаше за богохулие во воинствените кругови на ЕУ.
Сè повеќе политичари во Европската Унија веруваат дека разговорите со Москва не треба да бидат исклучиво во рацете на Соединетите Американски Држави, пишува колумнистот на „Фајненшл тајмс“, Гидеон Рахман.
Рахман наведува дека во евентуалните преговори, Европа би можела да му понуди на Путин две можни решенија за завршување на војната.
- Првото би подразбирало замрзнување на конфликтот на постојните позиции, со гаранција дека Украина нема да стане членка на НАТО.
- Друга можност би била целиот Донбас да се предаде на руска контрола, по што за Украина би се отворил патот кон членство во НАТО.