Конфликтот со Иран сè повеќе личи на вечните војни на САД, кои Трамп вети дека ќе ги прекине. Можеби никогаш нема да вклучува војници на терен или „промена на режимот“ на исто ниво со Ирак или Авганистан. Но, војната ги покажува сите знаци на мочуриште, од кое наследниците на Трамп во Белата куќа ќе треба да ги извлекуваат Американците.

Земјите што се борат во најголемата војна во Европа по 1945 година губат по цела армија војници без да испукаат ниту еден куршум. Во натпреварот кој повеќе ќе дезертира или нема да се појави на фронтот, Украинците се далеку поуспешни. Како што војната влегува во својата петта година, успехот на бојното поле ќе да зависи од тоа која земја прва ќе го исцрпи базенот за регрутација.

Додека фудбалски навивачи ги преполнија улиците на Гвадалахара, Мексико Сити и Монтереј, кои беа домаќини на натпревари од Светското првенство, далеку од камерите во Мексико продолжува војната на картелите за проширување на териториите, во која страдаат недолжни цивили. Во битките со локалните стражи се користат дронови со бомби и оружје шверцувано од САД.

ЕУ со години ги гледаше говедата како мали фабрики за штетни гасови кои треба да се уништат за да се спаси Зелената агенда. Брисел конечно си го преиспита ставот и во нова стратегија го прогласи добитокот за критична инфраструктура. Признава дека метанот од кравите не е толку страшен за планетата и дека фармите немаат никаква врска со фосилни горива.

Американското министерство за финансии, во фискалната 2026 година се задолжувало по 155 милијарди долари - секој месец! Најновиот месечен извештај на Канцеларијата за конгресен буџет потврди дека каматата на јавниот долг за фискалната година достигнал 857 милијарди долари: приближно 23,8 милијарди долари неделно.

Трупањето оружје само ја зголемува опасноста со која се правда таквото трупање.  Секој воен буџет на земјите од НАТО го потврдува чувството на Москва дека околу неа се стега обрачот. Зад сетоа тоа стојат луѓе и кругови кои ги бројат дивидендите што ги нарекуваат безбедност.

Германската полиција предупредува на новите тактики на наркодилерите во Берлин, кои почнале бесплатно да доставуваат кокаин во поштенски сандачиња. Дрогата е спакувана во шарени кесички, кои по дефиниција го привлекуваат вниманието на децата. Ако некој е заинтересиран за дрогата, во пакетот има адреса каде може да нарача. 

Канадскиот премиер Марк Карни има дарба меѓу политичарите да признава грешки, колку и да се незгодни за јавноста и ризични за неговата функција. Така беше на Самитот во Давос, кога кажа дека светскиот поредок веќе бил осуден на пропаст. Сега признава дека „зелените политики“ на неговиот претходник Џастин Трудо ѝ изгубиле цела деценија на Канада.

Војната што ја почнаа САД и Израел ги промени стратегиските приоритети на раководството во Техеран. Нивното „златно оружје“ повеќе не е оспорената нуклеарна програма, поради која со години трпеа санкции, туку правото на контрола на сообраќајот низ Ормускиот проток. За ова право се решени да војуваат ако треба и убедени се дека никој не може да им го одземе.

Покрај тоа што ги срамни со земја Газа и јужен Либан, Нетанјаху ја уништи и децениската поддршка што Израел ја имаше од јавноста на својот најблизок сојузник. Речиси една третина од Американците веруваат дека Израел извршил геноцид врз Палестинците во Газа, покажува нова анкета. Во тоа дури се убедени и сличен процент од анкетираните Евреи во САД. 

Во последните работни денови пред летниот одмор, претседателката на Европскиот парламент по итна постапка закажа гласање за иницијативата за надгледување на разговорите на корисници на социјалните платформи. Се заобиколува комисиска расправа, која е задолжителна спроти гласања за мерки што може да бидат блокирани само со апсолутно мнозинство гласови.

Народното собрание на Франција го одобри спорниот закон за кој критичарите тврдат дека на полицајците им дава „дозвола за убивање“. При инциденти во кои полицајците ќе пукаат во осомничени, по правило ќе се смета дека тие дејствувале во рамките на законите, а на семејствата на жртвите ќе падне товарот за судско докажување дека биле пречекорени овластувањата.

И покрај зачестените напади длабоко врз руска територија, украинските сили веќе пет години не најдоа ефикасен начин да се одбранат од руската воздушна супериорност. Киев со поддршка од НАТО го менува пристапот. Наместо класична воена набавка, побара од приватници да понудат решенија за парализирање на руските воздухопловни бази далеку од фронтот.

Откако најави дигитални лични карти и задолжителна верификација на возраста за малолетни корисници, ЕУ ја проширува инфраструктурата за проверка на идентитетот на граѓаните со нови дигитални паричници. Со мерки дизајнирани за заштита на децата и одговорност од социјалните мрежи, постепено се затвора рамката за надзор и контрола на пристапот до интернет.

Претседателот на САД го преформулира трансатлантскиот сојуз изграден врз заеднички демократски вредности, во рамка во која се чувствува поудобно – поле за трговија и бизнис. Откако лани ги убеди сојузниците да ги зголемат трошоците за одбрана, сега во Турција го насочува фокусот кон тоа колку Европејците можат да потрошат на американска воена опрема.

Новите тактики, оружја и технологии го направија фронтот во Украина поубиствен од која било рововска војна досега. Руски воени блогери тврдат дека новите руски војници што доаѓаат на фронтот може да издржат едвај половина час пред да бидат лоцирани и погодени од дронови, кои се претворија од извидувачки летала во машини за убивање.

Иран и Оман веќе им доставиле на Соединетите Американски Држави предлог за администрирање на Ормускиот теснец, вклучително и заедничко собирање такси од бродовите што минуваат низ водниот пат. Теснецот се покажа како главен ирански адут против оние кои го нападнаа и го претворија Иран во сила која ефикасно може да му предизвика економска болка на целиот свет.

Бомбашкиот напад врз олигархот Вадим Јермолаев во Монако не е само сведоштво дека Европа станала поле за брутална пресметка на украинските криминални кланови. Тој ги потсети Европејците дека со години се жртви на организирани измами преку кол-центри управувани од земјата која добива силна политичка поддршка од Брисел да стане членка на Европската Унија.

Иако американските преговарачи сè уште инсистираат дека можат да обезбедат целосно слободен сообраќај на бродови низ Ормускиот проток, некои европски влади веќе се помириле дека нема враќање на ситуацијата од пред војната и дека ќе мораат да им плаќаат патарина на Иран и Оман. Тоа ќе биде претставено како „такса поради загадување“ и „услуги за навигација“.

Kатастрофалните земјотреси во Венецуела се тежок предизвик за Трамп, кој вети дека ќе ја поддржува латиноамериканската земја. Итно испрати војници на помош и издвои 300 милиони долари, но Венецуелците очекуваат многу повеќе од човекот кој им го грабна претседателот, им ја заплени нафтата и им замрзна десетици милијарди долари. 

Првата работа на мултинационалниот Одбор за Газа на Доналд Трамп ќе биде создавање строго контролирани „засолништа“, во кои би биле префрлани Палестинците за да се изолираат невооружените цивили од милитантите. Тоа би го расчистило теренот за израелските сили да ја продолжат војната против Хамас, на начин да не се предизвика гнев од САД и светската јавност.

Трамп упорно тврди дека договорот на Обама со Иран во 2015 година е „најлошиот договор во историјата на САД“. Марко Рубио, како лојален шеф на дипломатијата го брани тој став, но далеку од камерите признал дека договорот на Трамп е уште полош. Всушност, оценил дека и воопшто не е договор туку необврзувачки документ до кој никој не мора да се придржува.

Инвестициски фирми поврзани со синовите на претседателот Трамп и министерот за енергетика Лутник имаат удел во стратегискиот договор со Казахстан од 1,6 милијарди долари за експлоатација на волфрам. Овој метал е од критична важност на САД за производство на чипови, сензори, муниција и одбранбени системи

Семејството на контроверзниот финансиер Џорџ Сорос досега вложило 103 милиони долари за демократски кандидати на среднорочните избори за Конгресот. Стариот повеќе го нема последниот збор, а се чини дека синот Алекс всушност го финансира радикалното левичарско крило за да ја преземе контролата врз Демократската партија.