Иако германските власти им изрекле наредба на 250.000 нелегални мигранти да ја напуштат Германија, за дури 200.000 од нив е заклучено дека не може да се спроведе депортација поради најразлични причини. Додека не се решат споровите, дозволено им е легално да останат во земјата и да имаат право на основна поддршка, сместување и здравствена грижа. 

Суд во Вухан ја прифати правната битка со Мисури за потеклото на пандемијата на ковид-19. Институтот за вирусологија покрена контратужба за клевета против американската сојузна држава, од која бара јавно извинување и отштета од 53,5 милијарди долари поради ширење лажни информации, нарушување на угледот и стигматизирање.

Влади на десетици земји на шест континенти ги повикаа семејствата да направат залихи во случај на војни, саботажи врз инфраструктурата или временски катастрофи. Јапонија оди чекор подалеку. Планира да избере резервен главен град со спремни капацитети за владините институции ако Токио биде парализиран од катастрофален земјотрес или ерупција на вулканот Фуџи.

Трамп на крајот на февруари му објави војна на Иран со цел да го смени режимот во Техеран. Осум исцрпувачки месеци за Американците подоцна, се покажува дека војната всушност ја зацврсти тврдокорната власт во Техеран, а ја смени власта во Вашингтон. Сега Трамп бара „жртвен јарец“ на кој би му ја префрлил вината. Најзагрозен е шефот на Пентагон, Пит Хегсет.

Руската служба за безбедност спречи подмолна украинска операција за неутрализирање на руските војници кои управуваат дронови на фронтот. Преку волонтерски мрежи по пошта им испратиле очила за навигирање во кои биле поставени бомби. Во слична операција пред две години, на Мосад му успеа да детонира пејџери на 1.500 борци на Хезболах. 

Градоначалникот Садик Кан запрел истраги за незаконски изречени казни за брзо возење по автопат во околината на Лондон. Камери за следење на сообраќајот регистрирале десетици илјади прекршоци и полицијата нелегално наплатила казни од над 6 милиони фунти. Лондон сега ќе треба на секој возач што тужи да му ги поништи казнените поени и да му ги врати парите.

Нов извештај на Комисија на Конгресот открива сведоштва на 11 жени за врските на Трамп со Џефри Епстин. Пет тврдат дека Трамп сексуално ги нападнал. Некои биле на возраст од 13 години. Многу од обвинувањата веќе беа јавно достапни, но сега се официјализирани во владин документ во кој се нудат „повеќе од доволно докази“ за отворање истрага и кривично гонење на Трамп.

Сеењето страв до граѓаните да направат залихи во случај на војна или хакирање на инфраструктурата се прошири на шест континенти. Од Америка до Јапонија, а најмногу низ Европа, владите ги повикуваат семејствата да се спремат за најмалку три дена во целосна изолација. Секој наведува различни причини за тревогата, но пакетот за зло време е идентичен.

Изразеното лобирање кај соработници на Трамп му отвори врата на Милорад Додик во потесниот круг на движењето МАГА околу претседателот на САД. Поканет е да учествува на политички собир во приватната резиденција на Трамп во Мар-а-Лаго, на кој конгресмени и истакнати конзервативни активисти ќе ги почнат подготовките за изборите во 2028 година.

Словенечкиот премиер Јанез Јанша го оцени политичкиот судир околу Уставниот суд на Полска како типичен пример колку забегала Европската Унија од времето кога Словенија стана нејзина членка. По иницијатива на премиерот Туск беше суспендиран претседателот на Уставниот суд, па претседателот Навроцки и полски граѓани излегоа да го бранат судството од извршната власт.

Независно истражување на медиумот Danwatch открива нов скандал со европската програма за вооружување на Украина. Преку естонска служба за посредување, Данска платила 9,5 милиони евра за муниција, а не била испорачана ниту една граната за Киев. Поради сомнителни набавки на муниција од фирма за софтвер веќе падна министерот за одбрана на Естонија.

Британските власти ги оспоруваат извештаите дека странски државјани и нелегални мигранти се одговорни за непропорционално повеќе силувања и физички напади врз жени, но ги кријат официјалните податоци за насилства расчленети по националности. Наместо да се соочат со проблемот, ги префрлаат мигрантите од хотели во поранешни бази, загрозувајќи други заедници.

Трамп испраќа оружје кон Персискиот залив и отворено му се заканува на Иран со моќен воен удар веднаш штом ќе завршат изборите за Конгресот на 3 ноември. Израелски офицери стравуваат дека САД по канонадата ќе ја прогласат војната за завршена и ќе се повлечат, оставајќи го Израел сам да најде начин како да го собори режимот во Техеран и да ја уништи нуклеарната програма.

Соочена со полупразни резервоари, пресечен глобален синџир на снабдување и прогнози за рана и студена зима, Европа ќе ги трпи последиците од сопствената забрана за увоз на гас од Русија. Со оваа политика не се ослободи од енергетската зависност, туку всушност го замени добавувачот, на големо задоволство на САД, каде што цените на гасот се 11 пати пониски од Европа.

Американски и латиноамерикански функционери тврдат дека УСАИД ја злоупотребувала својата мисија и финансирала левичарски политичари и нивните каузи низ Латинска Америка. Обвинувањата почнаа откако неколку земји во регионот избраа конзервативни лидери по одлуката на Трамп да ја укине Агенцијата за меѓународен развој.

Строгата забрана за одгледување афион што ја наметнаа талибанците не само што предизвика криза на нарко-пазарите на Западот, туку и фрли во сиромаштија многу авганистански семејства. Принудени да се префрлат на памук и други култури, земјоделците не можат да си ги прехранат децата. Многумина му се враќаат на афионот, свесно ризикувајќи јавно камшикување и затвор.

Европската комисија планира да го прошири мандатот на европската гранична полиција Фронтекс со следење објави на социјални медиуми со цел да се откриваат и да прекинуваат синџири за шверцување мигранти. Поранешен шеф на Фронтекс предупредува дека новите овластувања претставуваат „обид за цензура на слободата на говорот во Европа“.

Додека технолошките моќници заработуваат стотици милијарди долари од бумот на вештачка интелигенција и изградбата на огромни центри за податоци, се појави нова генерација организирани банди која со задоволство ги краде „трошките“. Само во изминатите четири месеци е украдена опрема за центри за податоци во вредност од стотина милиони долари.

Британците се вратија во времето на карантините, преплашени од тревогата од министерот за одбрана секое семејство да направи тридневни залихи поради закани од војна или вонредни ситуации како кибернетски напад врз инфраструктурата и природна катастрофа. Панично купуваат тоалетна хартија, конзервирана храна, вода, радиоапарати и батерии.

Претседателката на Европската комисија сè уште не сведочела пред Европското јавно обвинителство за истрагата за набавка на вакцини против коронавирусот. Главната обвинителка Лаура Ковеши на која задутре ѝ завршува мандатот, се жали дека Брисел преку сложената бирократска архитектура упорно ја поткопува работата на Обвинителството.

Германските политичари и регионалните власти се плашат дека демонстрациите на големите градови закажани за Ноќта на вештерките би можеле да прераснат во улични насилства како оние во Франција. Но, тивкиот бунт на германската генерација З не се одвива на улиците. Младите едноставно ја напуштаат државата.

Невообичаено тивката сезона без урагани во Северниот Атлантик оваа година ги разочара научниците од проектот „нето-нула“. Објаснувањето дека лошото или екстремното време е природен настан како и сите други видови не се вклопува во нивната однапред одредена нарација чија цел е да поттикне паника кај населението и да оправда владини политики.

Пентагон објави долгорочен план за одбрана на САД од глобална војна. Воените бази ќе мора самостојно да издржат три месеци во услови на изолација, прекин на синџирите на снабдување и парализирани енергетски мрежи. Цивилни фабрики ќе мора да бидат спремни да произведуваат оружје. „Тврдината“ ќе се гради со години и може да чини стотици милијарди долари.

Германските покраини сакаат да ги преплават социјалните платформи со новинарски содржини прочистени и одобрени од државата. Новата мерка би им овозможила на радиодифузерите финансирани од државата да ја прошират својата видливост во однос на приватните конкуренти кои се потпираат на рекламирање или претплати.