Можеби медиумите се заситија од апокалиптични визии за иднината на планетата поради промената на климата. Разбирливо, бидејќи отекоа. Но, сега и кога има навистина загрижувачки најави, тоа ретко стигнува до насловните страници.  На пример дека ако качиме плус 3 степени до 2050 година, ќе нè има четири милијарди луѓе помалку.  

Во канонадата од десетици инфантилни фалби на својата социјална мрежа, што е претерано многу дури и за неговите стандарди, Трамп се пофали дека како претседател заработил „стотици милијарди долари“ од акции. Но, тоа демек не го прави за сопствена корист, туку за „доброто на нацијата“. Штом толку агресивно објавува, веројатно има и такви што му веруваат.

Американците тврдат дека европските градови се полни со криминалци, кои бодат луѓе со нож за да им го украдат телефонот. Европејците велат дека Америка врие од гангстери што пукаат по улици. Споредбена анализа на податоци од САД и од Европа потврдува дека луѓето имаат право да бидат загрижени, но и дека градовите денес се побезбедни отколку пред една генерација.

Поранешниот републиканскиот конгресмен Џорџ Сантос е првиот човек што доби доживотна забрана за кладење од платформата Калши. Треба да плати и казна од 71.000 долари поради кршење на правилата за инсајдерско тргување и манипулација на пазарот за предвидувања. Сантос едноставно се кладел дали ќе присуствува на обраќањето на Трамп до нацијата.

Одлуката на Мета да се согласи на спогодба вредна 18 милијарди долари ги изненади и правните експерти и технолошката индустрија. Се очекуваше долга судска конфронтација меѓу 29 американски федерални држави и еден од најмоќните технолошки гиганти во светот, но Закерберг реши да се фати за џеб, само неколку дена пред да треба да сведочи.

Само два најавени центри за податоци во Велика Британија, во атмосферата ќе испуштаат повеќе емисии јаглерод диоксид отколку ЕксонМобил и нивните фосилни горива. На ред за приклучување во мрежата чекаат 315 центри но нема струја која ќе може да ги задоволи бидејќи бараат дупло повеќе од целата зимска потрошувачка на Велика Британија. И во Америка луѓето се против. 

Обама во својата администрација имал само три члена кои имале над 100 милиони долари. Џо Бајден имал петмина такви. Доналд Трамп ги има преку десетпати повеќе. Осуммина од нив имаат преку милијарда долари. Наивни ќе помислат дека таквите луѓе сега имаат доволно па ќе ѝ служат на државата. Да им беше на таквите нешто доволно, немаше ни да стигнат до тие цифри.  

Основачот на „Плејбој“, Хју Хефнер, во неколку наврати го известувал ФБИ за Џефри Епстин и пријавувал дека една од убавиците од неговиот магазин бил сексуално злоупотребувана и тргувана од страна на контроверзно починатиот финансиер. Федералното истражно биро успеало да ги игнорира ваквите предупредувања на Хефнер за Епстин цели 15 години. 

Џејсон Ардеј, најмладиот црн професор во Кембриџ, беше пронајден мртов само неколку дена откако поднесе оставка на престижната позиција среде жестоката кампања и сомневања за академски плагијат и фотошопирање на биографијата. Кембриџ упорно ги игнорирал предупредувањата и сега ќе трпи штета. Но уште поголема штета ќе има кај оние на кои животот на Ардеј им даде лажни надежи за можни чуда со тежок аутизам. 

Во зона за капење ексклузивно наменета за жени нудистки, пред некој месец им се натопорил угол гол маж со брада, маљави гради и соодветен машки алат меѓу нозете. Викал дека има право таму да ги клати своите слободни тестиси бидејќи се идентификува како жена. И навистина го имал променето полот, што во Швајцарија е прелесно. Подоцна му се извинувале од градот.  

Бројот на деца опаѓа низ целата територија на САД, но причината не е само рекордно ниската стапка на наталитет во земјата. Падот е особено изразен во големите градови. Во некои има повеќе жители, но помалку деца. Соочени со високите трошоци, нарушената безбедност и влошувањето на квалитетот на живот, семејствата со мали деца едноставно се селат во помалите места.

Универзитетот во Мичиген ќе го укине традиционалниот систем на оценување на студентите од првиот семестар за да не ги обесхрабри уште на почетокот од студирањето. Наместо оценки што одразуваат колку добро го совладале материјалот едноставно ќе бидат известени дали го положиле испитот. Харвард, пак, го заострува оценувањето за да ја поттикне конкуренцијата.

Фијаското со плагијатот на Џејсон Ардеј не е единствениот сериозен удар врз угледот на Универзитетот во Кембриџ. За доцент на истиот факултет за образование е поставена поранешна следбеничка на забранета терористичка група, која отворено го отфрлала западниот образовен систем, дури и природните науки, затоа што наводно биле насочени против Исламот.

Јавен базен во центарот на Берлин отворен заради разладување на граѓаните од летните горештини, утре ќе биде резервиран само за „црнечките заедници“. Театарот кој ја постави „оазата“ е обвинет дека спроведува отворена расна сегрегација со 300.000 евра од даночните обврзници и го крши законот против дискриминација врз расна или етничка основа.

Основните училишта во Англија ќе бидат задолжени да предвидуваат кои деца најмногу се изложени на „ризик дека ќе бидат невработени“ откако ќе го завршат школувањето на 16-годишна возраст. Без оглед на нивните потенцијали да напредуваат подоцна, оваа група деца ќе биде насочена по друга патека што води кон занаети и дефицитарни професии.

На властите во Виена порано им беше полесно: Младите што носат војнички чизми и бомбер јакни беа јасно етикетирани како екстремни десничари. Со новата мода им е потешко. Во нов обид да се политизира личниот стил, професорка по моден дизајн заклучува дека денешните екстремисти носат поло маици, а девојките ја следат модата промовирана од МАГА.

Некои демографи предупредуваат дека сме преголем товар за планетата. Неодамна го избаждарија оптимумот на 2,5 милијарди луѓе. Нова студија го поместува прагот на одржливост на човештвото на 4 милијарди, но со постепен пад до крајот на идниот век, без никакви насилни стерилизации и политики на принуда.

Математички анализи покажале дека ниту еден од актуелните изборни системи низ Европа не може совршено да ги усогласи локалната застапеност, пропорционалните резултати на национално ниво и парламент со фиксен број пратеници, кога бројот на партиите ќе надмине одреден праг. Државите сами избираат од кој критериум да се откажат за да обезбедат фер резултати.

Пред пандемијата на ковид, Ентони Фаучи пријавил богатство од 7,6 милиони долари, што не е невообичаено за истакнат доктор и професор. Но, дури тогаш почнал да се богати. До крајот на пандемијата за три години ги дуплирал милионите, а откако заминал од јавна служба заработил уште 12,5 милиони долари од отпремнината и пензијата, но и од предавања, говори и награди.

Немуслиманските полицајци од англискиот регион Западен Мидлендс добија препорака да постат за време на Рамазан како чин на солидарност со муслиманите Целта на иницијативата е полицајците да го разберат значењето на верскиот празник, а во втор план е како ќе ги извршуваат обврските што се очекуваат од нив – да ги одржуваат редот и мирот.

Шумските пожари во Шпанија и Франција полека стивнаа. Вонредната состојба официјално е укината, но службите остануваат внимателни бидејќи топлотниот бран може да ги разгори жариштата. За да се спречат огнени катастрофи во иднина, се бара поддршка за одгледувањето кози, кои по природен пат го расчистуваат запаливиот терен од суви грмушки.

Берни Сандерс е убеден дека Маск не би се откажал своите стотици милијарди долари, за кои самиот вели дека нема да имаат вредност по 2036 година поради развојот на вештачката интелигенција и роботите. Сенаторот отворено го предизвика најбогатиот човек во светот да поддржи данок од 5% за најбогатите, за да покаже дека навистина го мисли тоа што го зборува.

На климатските активисти прво им беа виновни кравите, затоа што испуштаат метан. Сега на удар се кокошките, и тоа само слободните, кои се хранат без пестициди и несат органски јајца. „Гардијан“ пренесува студија во која се промовираат фармите со кафези, затоа што спакуваните кокошки испуштаат помалку штетни гасови и зафаќаат помал простор.

Администрацијата на Трамп официјално се откажа од контроверзната политика на финансирање опасни истражувања на вируси. Во времето на докторот Ентони Фаучи, САД одобрија грантови од милиони долари за експерименти со „стекнување функции“ во недоволно безбедни лаборатории во Вухан, од кои најверојатно протече коронавирусот што предизвика пандемија.