Министерството за правда на САД отвори истрага за серија сомнително темпирани тргувања на пазарот на нафта непосредно пред главните најави на Трамп за војната во Иран. При само четири случаи имало сомнителни трансакции од 2,6 милијарди долари. Шемата се повторила завчера, кога ненадејно се тргувало со 700 милиони непосредно пред нафтата да поевтини за 7%.

Се повторуваат сигналите што ја најавија кризата од 2008 година. Приватните кредитни фондови, кои ги заменуваат банките, пријавуваат загуби. Цената на барелот нафта надмина 100 долари. Инвестициите се концентрирани во само неколку технолошки компании и може да пукнат како меур. А, меѓународните односи се многу полоши и тешко може да се договори заедничка реакција.

Роналд Вејн некогаш поседуваше 10 проценти од Епл. Денес, тој удел би можел да вреди околу 400 милијарди долари. Но, го продаде за 800 долари. Тоа се смета за една од најлошите грешки во деловната историја, особено сега кога Епл берзански е проценет на околу 4 трилиони долари. Но, Вејн, кој денес има 91 година, не го гледа тоа така.

Војната во Иран ја остави Кина без нафта, но ѝ донесе неверојатно огромен профит од продажба на соларни плочи. Логиката е јасна – енергетската криза преку ноќ го зголеми интересот за системите за алтернативните извори за генерирање струја, а Кина во производството отиде најдалеку во светот, без да се откаже целосно од централите што трошат фосилни горива.

Милијардерот Џастин Сун кој вложи милиони долари во криптобизнисите на семејството Трамп, сега ја тужи платформата Ворлд Либерти затоа што му ги замрзнала токените и се заканува дека ќе му ги „изгори“ виртуелните 320 милиони долари, ако не инвестира уште пари. Ако името Џастин Сун ви звучи познато, тоа е типот што изеде банана од 6 милиони долари.

Американскиот национален долг од 39.000 милијарди не е проблем само за Вашингтон. ММФ го смета за „највидливиот симптом на глобална болест“. На енергетската криза предизвикана од војната на Блискиот Исток земјите одговараат со политички потези – широки субвенции и намалување на акцизите, кои се економски токсични и носат долгорочни проблеми.

Економистка од Харвард тврди дека признаените краткорочни трошоци за војната на Трамп против Иран се капка во споредба со реалната штета што ќе ја претрпат Американците. Цената на долгорочните последици од војната ја пресметала на стотина милијарди долари годишно и не ја отфрла можноста вкупната сума да достигне 1.000 милијарди.

Бруто домашниот производ наскоро би можел да биде заменет или придружен од нов индикатор кој би бил битен за инвеститорите при донесување одлуки. Новиот економски индикатор се предлага како клучен параметар за проценка на националната и индустриската конкурентност и ја мери достапноста на ресурсите за вештачка интелигенција на национално ниво. 

Најбогатите луѓе во светот завчера за само еден ден го зголемија своето богатство за стотици милијарди долари како последица на двонеделниот прекин на огнот што го постигнаа САД и Иран. Добивката се уште не ја компензира колективната загуба на 500-те најбогати луѓе од вкупно 38,8 милијарди долари од почетокот на годината.

Администрацијата на Трамп ќе му плати на „ТоталЕнерџис“ речиси 1 милијарда долари за да се откаже од проектот за изградба на огромни ветерни фарми на море покрај бреговите на Њујорк и Северна Каролина. За возврат, францускиот гигант се обврзува ќе ги пренасочи своите инвестиции во проекти за нафта и гас во Тексас и во Мексиканскиот Залив.

Умот царува, ама не поврзува кабли, не мести цевки ниту монтира системи за ладење. За тоа е потребна искусна рака. Технолошките гиганти се во трка за квалификувани занаетчии, кои ги нема доволно на пазарот на труд, за разлика од програмерите и инженерите. Мораат брзо да обучат стотици илјади мајстори, кои може да се надеваат на плата и до 200.000 долари годишно.

Со богатство што се приближува до 1 билион долари, Илон Маск ако сака може да купи повеќе од 10.000 палати, и тоа од поскапите. Но, тој дал имот под хипотека за да добие кредит за да купи нови недвижности. Истото го прават и Марк Закерберг и други американски милијардери. Позајмувањето не им врзува пари, а ги ослободува од даноци.

Можете да имате евтина и сигурна електрична енергија на која ќе го темелите економскиот раст и просперитет, или можете да имате мрежа поддржана од ветер и сончева енергија. Европа го избра второто. Тоа што ги сруши сите мостови кон евтината руска конвенвионална енергија и попат дозволи во водух да биде дигнат и по некој подводен цевковод, не се покажа баш како најпаметен потег. 

Европската Унија ја спроведува најсеопфатната реконструкција на својот монетарен систем од воведувањето на еврото во 1999 година. Целта е борба против перењето пари од 700 милијарди евра годишно. Забраната за плаќања над 10.000 евра во кеш, идентификацијата при трансфери со криптовалути и дигиталното евро може да ја елиминираат финансиската приватност.

Првите луѓе на два од најголемите снабдувачи на гас на Европа предупредија дека ако не можат да работат успешно, ќе бидат принудени да го напуштат теренот. Станува збор за европските регулативи за оддржливост кои предвидуваат казни од пет проценти од нивните глобални приходи. Ако не можат да крадат руски пари или драконски да казнуваат во име на климата, од што ќе живеат евробирократите?    

Европската Унија има премногу регулативи на кои инсистира а нивното исполнување е речиси невозможно, кажа индискиот министер за трговија и индустрија по последната јалова рунда преговори со ЕУ. Двете страни треба до крајот на годината да постигнат договор за слободна трговија но не се стигнати до никаде.  

Фабриките за автомобили во ЕУ се „на неколку дена“ од затворање на производствените линии поради ескалацијата на кризата со снабдувањето со компјутерски чипови од Кина. Здружението во кое се БМВ, Фиат, Пежо и Фолксваген објави дека фабриките ги трошат последните резерви. Кризата ја предизвика Холандија, која ја презеде контролата врз кинеската компанија Некспериа.

Глобалниот државен долг е на пат да се изедначи со светскиот БДП до 2029 година, што не било уште од крајот на Втората светска војна, предупредува Меѓународниот монетарен фонд. Вкупниот долг пораснал побрзо од очекуваното поради пандемијата на ковид, кога креаторите на политиките презедоа мерки за заштита на граѓаните и спасување на тешко погодените бизниси.

Првиот човек на американскиот автомобилски гигант Форд, после посетата на колегите и конкурентите од Кина помислува дека ако брзо не се фати чекор со нив, комотно можат да стават клуч на врата. Не е единствениот, особено оние кои ги виделе „темните фабрики“ каде што не се палат сијалици. Зошто? Затоа што што ќе му е на робот светло? 

Земјите во развој сега плаќаат повисоки суми за сервисирање на своите долгови кон Кина отколку што добиваат нови заеми, што ги турка подлабоко во должничката спирала. Кинеските банки обезбедија таква позиција со инвестирање стотици милијарди долари во инфраструктурни проекти во Глобалниот Југ. Пекинг сега им нуди на овие земји обврзници во јуани.

Делоит е притиснат да ѝ врати стотици илјади долари на австралиската влада поради катастрофално лошо изработен извештај. Австралиски ревизори го фатија глобалниот ревизорски гигант дека работата наменета за високо платени експерти, му ја препуштил на генеративен модел со вештачка интелигенција. А, четбот како четбот, почнал да халуцинира и да измислува податоци.

Доналд Трамп ја разгледува идејата да им даде на Американците и до 2.000 долари од парите што САД ќе ги добијат од зголемувањето на царините. Според неговите проценки, царините ќе генерираат илјадници милијарди долари, со кои прво владата ќе ги отплати своите долгови, а со остатокот ќе ги почести граѓаните. Ако во меѓувреме Врховниот суд не ги прогласи царините за нелегални.

Џаред Кушнер како дете пораснал со компјутерските игрици на гејмерското студио Електроник Артс. Зетот на Трамп сега е „пресреќен“ што за рекордна сума од 55 милијарди долари може да го купи производителот на ФИФА, Симс и Бетлфилд. Здружен е со саудискиот престолонаследник, кој си игра со инвестирање на кајмакот од нафтата во индустрии што ќе му носат уште повеќе пари.

Неодамнешната одлука на Виетнам да избрише над 86 милиони банкарски сметки ја зголеми загриженоста од централизирана контрола на личните финансии. Виетнам не е изолиран случај на масовно блокирање депозити. Ова го зголемува интересот за децентрализирани алтернативи како што е биткоинот, кој функционира изолиран од владини или институционален надзор.