По веста дека дронови нападнале трговски бродови во бугарските води во Црното Море, државните институции на Бугарија веднаш се мобилизираа но истовремено се јави и здравиот разум на обичниот Бугарин. Ако нè погоди дрон, нè погоди, што да правам, дома ли да седам?

По смртта на таткото Серџо Бонели и неговото прогласување за технолошки вишок во Дарквуд, Загор денес живее мирен живот, со нешто попуштени нерви. Продава јуфки и маст на пазар зашто продажбата на стриповите оди слабо. Од пријателите не го имаат заборавено Блек Стена и Команмдант Марк кој вика е дека е добро, ама, не е. 

Светското кунг-фу го имаше Брус Ли а македонска дијаспора го има Брус Терзиев. „Браќа и сестри, това е Торонто тука, не е заебанција. Погледнејте, е тук живеам јас“ гордо ќе каже нашиот Брус додека жена му го вози од кафана бидејќи ако Брус Ли во филмови тепа, Брус Терзиев во кафана пие. И ни го покажува Торонто со улици, згради и светла, оти кај нас, додека јаваме магариња, од трошните колипки саде газиени ламби светат.

Властите од Тирана, чиј градоначалник формално сè уште е Ерион Велиај, објавија негов аватар креиран од вештачка интелигенција кој во иднина така ќе им се обраќа на граѓаните. Инаку, вистинскиот Велиај уште од февруари се наоѓа во притвор во Драч поради корупција, перење пари, прикривање имот и злоупотреба на должноста. Тој себе се смета за киднапиран.

Африка има една ипол милијарда луѓе. Швајцарија има девет милиони. Африка е распослана на 30 милиони квадратни километри наспроти Швајцарија која зафаќа samo 41.000 квадратни километри. Африка е родното место на кафето и полни милиони вреќи кафе секоја година. Швајцарија веројатно нема одгледано ни зрно кафе. Ама затоа знае да го пече, преработува и пакува. 

Распуштениот принц Хари бил викнат да одржи предавање за опасностите од вештачката интелигенција. Се држеше одлично и мислата му течеше мазно сè додека работеше идиотот (телепромптерот) од кој ги читаше мудрите мисли и поуки кои некој му ги има напишано. Штом идиотот се закочи и Хари беше препуштен на своето знаење и интелигенција - веќе не ни зуцна.