Кратка и супер инспиративна приказна за младиот, 23 годишен Дамјан Ристовски од Скопје (не Марјан како што го потпишале), кој рачно ткае македонски народни носии. Само што, ова чудово неписмено што го чита текстот,  фолклорните ансамбли ги вика „фолклорни АМБАСАЛИ“, а Институтот за етнологија и антропологија кадешто студира Дамјан, го прекрсти во „ЕНТОЛОГИЈА“ и „АНТОЛОГИЈА“!

- Дали направивте фотографии????

Скриншот од истиот агрегатор во исто време.

Анте Павловиќ беше хрватска верзија на дебармаалскиот Орце Сељакот (кој не го знае Орце - блазе си му). Самонаречен киропрактичар, со години ги тероризираше луѓето од приградската загрепска населба во која живееше и примаше пациенти. Генерално, психопат, ама бидејќи е починат, да не ја шириме приказната. Го викаа и по емисии, ама нешто заретчија откако Анте фати да ги центрира водителите.

Ако влезеш во дебата за еден ваков бисерно чист анти-демократски став (за човек кој штотуку добил на избори да кажеш дека ја победил земјата која штотуку му дала победа), по инерција ќе ти кажат дека „и Хитлер така дошол на власт....“ Е, затоа што спијат на стари приказни и верглаат едни те исти фрази (мрза, вродена или тренирана глупост, што и да е во прашање), затоа проаѓаат така. А се мислат „разбудени“.

Една од најлуцидните медиумски субверзии што ги правеа Жељко Малнар и Џамбо во Ноќна мора беше што спојуваа неспоиви светови: нивниот главен „новинарчич“ Јаран со класични политички ликови како Славен Летица, Весна Шкаре Ожболт и други. Со голем ќеиф ви ја презентираме овдешната верзија, овојпат со пратеник на ЗНАМ. Миле ќе го прочита прашањето (подобро чита од Јаран) а после се прави дека го слуша одговорот. Задоволни сме!    

Пред некој ден пишавме за една вест за која Советот за етика во медиумите (СЕММ) оцени дека „отстапува од професионалните и етичките стандарди“, затоа што за некој уапсен од Косово било напишано дека е Албанец. Тоа им беше главниот столб на одлуката. Ние тоа го сметавме за „помала глупост“ па пишувавме за онаа што мислиме дека е поголема. Но, ајде малку и за оваа нивна поента.