Џејсон Ардеј стекна светска слава кога беше назначен за најмладиот црн професор во историјата на Универзитетот во Кембриџ. Сега поднесе оставка поради плагијат на докторатот. Факултетите се уловиле на неговата приказна дека научил да пишува на 18 години, а на 30 веќе докторирал, па го промовирале како успешен пример за „различност“ без да проверат дали можеби ги лажел.

Во лабораторија во Калифорнија се создадени првите целосно функционални вештачки вируси дизајнирани од вештачка интелигенција, скроени да се хранат со бактерии. Новите типови вируси, кои ги нема во природата, не можат да заразат луѓе или животни, но истражувачи предупредуваат на ризикот од злоупотребување на технологијата за да се создадат смртоносни биолошки оружја.

Хирурзи во Тексас успеале со нов тип зафат да спасат неродено бебе на кое поради редок феномен цревата му растеле надвор од телото. Со експериментална и минимално инвазивна хирургија успеале да му ги вратат органите во абдоменот пред да се роди. Оваа аномалија денес се третира со повеќе постнатални операции и со повеќемесечен престој на интензивна нега.

Самопрогласен борец против криминалот во мексиканската држава Халиско ги лови крадците на точаци и мотори и ги остава врзани за бандери, со натписот „крадец“ на нивните чела. Наместо да ги лови крадците, полицијата почна да го лови одмазникот, кој во заедницата доби статус на локален суперхерој. Никој не му го открил идентитетот.

Бродовите што потонале пред 1945 година се редок извор на метал што не е контаминиран од атомските експлозии. Нивниот челик не остава сопствени траги во експериментите со радијација и затоа се користат како изолација и материјал за инструменти за денешните најчувствителни лаборатории за мерење на зрачење во бункери под карпи од 2 километри.

Човештвото одамна совладало техники на копање руди и експлоатирање течности како основни блокови на цивилизациите. И воздухот е „невидливо злато“, укажува нобеловецот за хемија Сусумо Китагава. Неговата пионерска технологија на метално-органски рамки отвора потенцијал за сепарација на полезни материјали од воздухот, но не може сега да се реализира затоа што е скапа.

И покрај огромната разновидност, песните на птиците ширум светот се изградени од само осум основни акустични елементи, покажува истражување на огромна архива од снимки на над 3.000 песнопојки. Студијата објаснува зошто птиците што живеат во тропските шумите пеат поинаку од оние по полињата вегетација, но песните главно се наследуваат од генерација на генерација.

Предупредувањето од ОН дека годинешниот Ел Нињо во Пацификот ќе има екстремен интензитет дојде како порачано за научниците кои развиваат теории за геоинженеринг. Предлагаат да ги осветлат облаците над океанот за да фрлаат подебела сенка и да ја спуштат температурата. Тврдат дека краткорочната мерка би била поефикасна од глобалните напори против загревањето.

Домовите за стари лица најмалку од се треба да бидат она на што прво асоцираат – соби во кои се самува и заедничка дневна со вести на телевизор пуштени на најјако и болничари што проверуваат дали секој си ја испил терапијата. Баба од Минесота водеше битка до Сенатот за да ги направи домовите повесели места. Пред една недела наздрави со гувернерот.

Кога ќе удрат екстремните летни горештини, луѓето се пазат од сончаница и пијат вода, но треба да останат претпазливи и во следните неколку дена, откако температурите ќе почнат да опаѓаат. Додека телото не се опорави од стресот, страда од мамурлак од топлотен бран – вртоглавица, замор и исцрпеност. Во тој период треба да се избегнуваат физички активности и тешка храна.

Способноста на луѓето да извршуваат повеќе работи во исто време се цени како трудољубивост и како знак за интелигенција. Науката сега објаснува дека мрзата сама по себе не e лоша особина, туку е еволутивно развиена способност да се игнорираат сите задачи за кои од вложениот труд и време не може да се извлече полза за телото, умот и благосостојбата.

Министерот за здравство Роберт Кенеди Јуниор има нов рецепт како Американците да бидат повторно здрави. Владата ќе им понуди иницијативи за да ги научи како самите да готват, ќе организира курсеви и едукативни кујни и ќе им нуди рецепти за брзо подготвување оброци со здрави состојки наместо да се дебелат со ултрапреработена брза храна.

Исхраната богата со овошје, зеленчук и интегрални житарки долго време се смета за темел на одржувањето на здравјето и намалувањето на ризикот од болести, вклучително и рак. Сепак, ново истражување покажува дека млади Американци кои здраво се хранат и не пушат имаат натпросечна веројатност да развијат рак на белите дробови.

Автономен дрон кој со стопроцентна гаранција ги уништува комарците може да биде решавачкото оружје во вечната борба против инсектите што пренесуваат маларија и разни други заразни болести. Важи за поефикасен од разните запрашувања, спрејови, светилки и механички тепалки, а воедно не претставува ризик за околината, дури ни за другите инсекти.

Милиони луѓе се префрлаат на растителни замени на месото и на млечните производи за да се хранат „поздраво“. Нова студија открива дека алтернативите се полни со гуми, емулгатори и стабилизатори за да го имитираат вкусот и текстурата на месото и млекото што треба да ги заменат. Не се нужно штетни за здравјето, но немаат никаква предност во однос на природните.

Несоодветни или неупотребливи биле две третини од сите средства за лична заштита на персоналот во британските болници за време на пандемијата, заклучи независна комисија за ковид. Кога почнала пандемијата, магацините биле празни. При итните набавки приоритет имале добавувачи што се поврзани со владата. Се кроеле импровизирани мантили од ќеси за ѓубре.

Денешните мажи просечно немаат ни половина од тестостеронот што го имале мажите во 1979 година, покажува ново истражување. Отсуството на машките хормони се поврзува со намалената плодност, со падот на расположението, енергијата, метаболизмот, мускулната маса, густината на коските, па и со сè поизразената женственост на денешните мажи.

Нема бесплатен ручек? Секако, тоа е една од девизите на синџирот супермаркети Costco, кој на купувачите упорно им нуди бесплатни залчиња најразновидна храна, од тартуфи до карфиол. Луѓето не можат да одолеат на храна ако е бесплатна, а маркетите заработуваат богатство од зголемената доверба, рекламирањето по социјалните мрежи и членските картички.

Кон крајот на јули, истурениот напаѓач на Ролинг Стоунс ќе полни 83 години. За Њујорк Тајмс деновиве ги сподели своите размислувања за стареењето, зрелоста и како се менува пристапот кон песните. Колку се тие баобаби од Стонси поинаку стари од сите други стари на светот се гледа и од она на што се пожали Џегер на овие години: „Кога играш фудбал, те ставаат за голман“(?!)   

Земјоделско средство за уништување на габи пред две децении било одобрено од ЕУ како безбедно врз основа на погрешни заклучоци од истражување кое било спонзорирано од производителот. Дури сега, во студија спроведена со идентични методи, е потврдено дека фунгицидот може да предизвика трајни последици за развојот на мозокот.

Додека Доналд Трамп престојува во Анкара на самитот на НАТО, неговите телохранители ќе се грижат да не остави ништо свое зад себе, дури ни по голема нужда. Протоколи предвидуваат дека никаков телесен отпадок од претседателот на САД не смее да допре почва на странска земја, за да не остави биолошки траги што може да бидат вреден плен за странски агенти.

Фрикот од Силициумската долина кој потроши милиони долари и речиси целото време од својот живот за да стане бесмртен и вечно млад, призна дека страда од неизлечива болест која буквално му го јаде стомакот од внатре. Ама не се предава и решен е да се бори против смртта на единствениот начин што го познава – со нови технолошки чуда и уште построг режим. 

Парламентарна комисија во Канада ја отфрли иницијативата да им се овозможи асистирана еутаназија на пациенти кои страдаат од депресија или шизофренија и кои во налет на болеста може да решат да си го одземат животот. „Влада која нуди смрт како излез од проблемите што ги наметнува општеството воопшто не е хумана, туку е спротивното“, заклучува комисијата.

Врховниот суд на САД  им дозволи на агро-хемиските гиганти да не објавуваат предупредувања на своите хербициди дека се токсични и може да предизвикаат рак. Ако федералната агенција не бара такви етикети, сојузните држави немаат право да покренуваат процеси. „Информациите што се спротивни на заклучоците на EPA се по дефиниција неточни“, наведува судот.