Канаѓанка ја обвинува државата дека либералните закони за еутаназија ѝ го убиле синот. Тој страдал од повремени бранови на депресија и кога бил во криза се решил на асистирано самоубиство. Лекарката од програмата не само што не го обесхрабрила, туку и го охрабрувала да си го одземе животот и не ги известила неговите родители.

Вакцините со мРНК против коронавирусот кај мал број луѓе предизвикале повеќе несакани симптоми слични на долг ковид. Научен тим од универзитетот Yale открил изразени биолошки промени кај луѓето погодени од овој „поствакцинален синдром“. Имаат разлики во имуните клетки, се реактивира неактивниот вирус Епштајн-Бар, а коронавирусот им се задржува во крвта.

За време на ковид пандемијата, италијански научници документираа нешто интересно: во области со повеќе дрвја по глава на жител, бројот и сериозноста на ковид случаите беа помали отколку на места со помалку дрвја, дури и кога се земаат предвид разликите во густината на човечката популација. Паметни земји веќе вклучуваат шумски терапии во своите стратегии.

Граѓанско здружение во САД бара да бидат укинати сите мерки што го нарушуваат правото на слободен медицински избор на пациентите, вклучувајќи ги и задолжителните вакцинирања и носењето заштитни маски. Сојузните држави сега имаат сопствени политики, кои често пати се судираат. Во некои веќе се предложени закони за заштита на правото на избор.

Меѓународен тим истражувачи открил зошто вакцините против ковид базирани на аденовирус придонесуваат за згрутчување на крвта. Компонентата со аденовирус во вакцината го збунува имунолошкиот систем и го тера да ги напаѓа тромбоцитите кои содржат сличен протеин. Тоа се случува ретко, но може да има и фатални последици.

Микро фрагменти од пластика, познати како микропластика, се откриени во сè - во воздух, во вода, во храна. А краток е патот до нас. Студија на 52 донирани човечки мозоци потврди дека оваа микропластика може да ја премине крвно-мозочната бариера и да се акумулира во длабоките региони на мозокот. Најмногу ја имало во мозoци на луѓе кои страдале од деменција. 

Администрацијата за храна и лекови одби да ја разгледа понудата на Модерна за нова експерименталната вакцина против грип со мРНК технологија затоа што немало соодветно и добро контролирано испитување. Ретко се случува ФДА да одбие апликација, но министерот Кенеди нареди да се применуваат построги критериуми.

Во време кога милијардерите се загреваат за идејата за вечна младост, стартап на генетичар од Харвард доби одобрение за прво испитување за генска терапија за подмладување луѓе. Основа на терапијата е „делумно епигенетско репрограмирање“ - техника што ги модифицира хемиските ознаки на ДНК за да ги натера старите клетки да се однесуваат како млади.

Пластичните хирурзи во САД се издвоија од другите професионални медицински здруженија и препорачаа воздржување од операции за промена на полот кај лица помлади од 19 години. Хирурзите објаснуваат дека нема доволно докази дека придобивките ги надминуваат ризиците од операциите на градите, гениталиите и лицето кај малолетници со родова дисфорија. 

Пораното откривање, подобрените здравствени третмани и поздравите животни навики првпат ја кренаа над 70% стапката на луѓе со рак што ја победиле болеста, покажуваат нови статистички податоци за САД. Пред половина век стапката била 49%. Некои типови рак се победуваат во 98% од случаите, но ракот на панкреас го преживуваат само 13% од пациентите.

Бабите и дедовците што на каков било начин се вклучени во грижата за нивните внуци всушност се грижат подобро и за сопственото здравје, покажува ново истражување. Притоа не е важно дали бдееле врз внуците кога се болни или само ги придружувале до училиште. Грижата помага сè додека не им е наметната од родителите. Тогаш е товар.

Бјанка Вицшел, општа лекарка од Саксонија, во февруари ќе оди во затвор. Осудена е зашто во времето на пандемијата им дала право на избор на своите пациенти дали да носат маски или да се вакцинираат. Германија тоа го смета за кривично дело што мора да се казни со робија, одземање на ординацијата и уништување на животот на доблесната докторка.

Тогашниот британски премиер Борис Џонсон, во 2020 година ја прогласи ковид вакцината АстраЗенека за „триумф на британската наука“ и таа беше клучен елемент во раното воведување на вакцините во Велика Британија. Уште рано се појавуваа извештаи за несакани последици но бројките допрва откриваат дека се работело за доста масовно пријавување.   

Администрацијата на Трамп го прекинува финансирањето на истражувања со човечко фетално ткиво од абортуси извршени по желба. Ќе може само од спонтани. Застапниците против абортусот ова го бараа со години. Критичари предупредуваат дека одлуката ќе има последици за биомедицински истражувања за неплодност, дијабетес, ХИВ и невродегенеративни нарушувања.

Администрацијата за храна и лекови на САД тивко избриша свои веб-страници на кои пишува дека мобилните телефони не се опасни за здравјето. Во исто време Министерството за здравство почна истрага за потенцијални штетни ефекти од зрачењето на мобилните. Ова е дел од стратегијата МАХА на министерот Кенеди, кој одамна ги поврзува мобилните со канцер.

При симулација на епидемија на птичји грип во Португалија, пациентите кои одбиваат да користат маски се издвоени како „закана“ за напорите за запирање на вирусот. Засилениот интерес за вирусот H5N1 потсетува на сличните симулации што ѝ претходеа на пандемијата на ковид, покрај  истражувањата со стекнување функции кај вируси и развојот на mRNA вакцини.

Озлогласениот глифосат на Монсанто не е единствениот отров што ги труе земјоделците. Ново истражување покажува дека долготрајна изложеност на вообичаениот пестицид хлорпирифос за повеќе од 2,74 пати го зголемува ризикот од развој на Паркинсонова болест. Пестицидот е забранет во ЕУ, но до неодамна се прскал во САД и денес на големо се користи низ светот.

Германската министерка за здравство со огорченост реагираше на критиките од нејзиниот американски колега дека Берлин им ги наметнувал на граѓаните вакцинирањето против ковид и носењето маски. Јавноста коментира дека Роберт Кенеди всушност е во право и дека пациентите во Германија практично немаат слобода за медицински одлуки.

Неразјаснет хакерски напад го спречил пристапот до нова глобална студија во која се откриваат врски помеѓу нови и „разбудени“ случаи на рак кај луѓе по вакцинација против ковид. „Цензурата е жива и здрава во САД и влезе во медицината на голем, ужасен начин“, забележува еден од авторите на истражувањето спроведено во 27 земји. 

Британските власти прв пат досега воведуваат имунизација против овчи сипаници за деца, на незадолжителна основа. Сипаниците вообичаено не се опасни и децата ги прележуваат за недела или две, но целта е да се скрати отсуството на родителите од работа додека се грижат за своите деца. Загубите од продуктивноста се проценети на 24 милиони фунти годишно.

Како еден од приоритетите за кампањата за вакцинирање против грип, Светската здравствена организација бара од владите да ги надгледуваат објавите на интернет, да ги откриваат сите што ја оспоруваат легитимноста на вакцините и да преземат „контрамерки“. Се препорачува и вклучување локални лидери во кампањи за зголемување на довербата во вакцинирањето.

Успешен експеримент кај лабораториски глувци охрабрува американски научници дека се поблизу до третман за лечење на Алцхајмерова болест и кај луѓето. Планираат наскоро да почнат клинички испитувања. Со подобро разбирање на причините на болеста, идните пациенти би можеле да добијат персонализиран коктел лекови прилагоден на специфични услови.

Напредокот во снимањето на мозокот, генетиката и компјутерската наука откриваат дискретни биолошки подтипови на аутизмот. Нови научни студии издвојуваат четири типови на оваа комплексна состојба, покренувајќи длабоки прашања за тоа дали аутизмот треба да се гледа како нешто што треба да се лечи или како суштински аспект на човековата разновидност.

Откако пред една деценија почнаа експерименти со мозочни органоиди - ткива со големина на грашок што имитираат делови од човечкиот мозок заради проучувања, овие „мини мозоци“ развија цел спектар на мозочни клетки. Развојот го блокираат етички прашања: Што кога овие органоиди еден ден ќе чувствуваат болка или ќе станат свесни? И како би знаеле за тоа?