Како можеме да очекуваме емпатија во сообраќајот кога ја нема во општеството? Како да бараме почитување на сообраќајните правила кога правилата не се почитуваат во парламентот, министерствата, на конкурсите, во судниците? Ќе мора да си признаеме дека сообраќајната агресија не е проблем што може да се реши со камери или казни. Се решава со политика што го враќа достоинството, урбанизам што го враќа просторот, култура што ја враќа довербата и економија што ја враќа сигурноста на луѓето.

Нивото на Мексико Сити – еден од најголемите градови во светот, се спушта за по 25 сантиметри годишно, покажуваат нови сателитски снимки на НАСА. Предизвикано од претераното црпење на водите и урбаниот развој, тонењето ја оштетува критичната инфраструктура - метрото, системот за канализација, водоводната мрежа и улиците во градот во кој живеат 22 милиони луѓе.

Во Амстердам е дозволено речиси сè – проституција, марихуана, хашиш, „магични“ бомбони со психоактивни супстанци, но сега е забрането рекламирање на нови „пороци“ - сендвичи, коли на бензин и дизел и туристички аранжмани со авион или брод. Поврзување на месото и фосилните горива е дел од поширока политичка платформа за нето-нула емисии на јаглеродни гасови.

Во обид да го реши сообраќајниот колапс, најмалата земја-членка на Европската Унија започна контроверзна програма. Владата им нуди на младите возачи огромен паричен стимул доколку доброволно се откажат од своите возачки дозволи и се обврзат да не седнат зад воланот во следните пет години.

Во име на безбедноста на децата, њујоршкиот градоначалник објави план за намалување на брзината на 15 милји на час во училишните зони низ градот. Се разбира, камерите ќе снимаат и казнуваат 24 часа, и кога децата спијат. Критичарите велат дека прогресивниот Мамдани планира да го претвори „градот што никогаш не спие“ во „град што никогаш не мрда“. Писмо од Лондон.

Во шест квартови во англискиот град Оксфорд ќе бидат воведен концептот „град од 15-минути“, со строго ограничување и надгледување на движењето на луѓето. Целта е да се обесхрабрат жителите да користат автомобили и да се промовираат поздрави алтернативи - пешачење и возење точак. Возачите ги опишуваат овие населби со „сталинистички“.

Британските лабуристички власти планираат да го укинат експериментот со воведување четиридневна работна недела во локалните јавни служби и совети. Оценуваат дека експериментот не ја зголемил продуктивноста, а создал повеќе трошоци. Анализа потврдила подобрување на ефикасноста, но граѓаните се жалат дека се влошиле јавните услуги.

Наставничка од Јужна Калифорнија добила рекордна отштета откако за време на една прошетка низ градот стапнала на нерамен тротоар. Вика дека несреќата ѝ го сменила животот. Доделената отштета од 7,5 милиони долари уште повеќе ќе ѝ го смени. За ваква работа, кај нас официјално би ти рекле: Што не гледаш кај одиш? 

Урбаната експанзија и засилената економска миграција го зголеми на над милијарда бројот на луѓе што живеат во населби без основни санитарни услови. Наскоро може да ги има и 2 милијарди, бидејќи пренаселените градови немаат капацитет доволно брзо за да изградат инфраструктура што би им обезбедила пристоен дом на толку многу луѓе. Тоа ги зголемува ризиците од зарази и криминал.

Кризата која доведе до тоа Шпанците последниве години да не можат ниту да купат стан, ниту да платат кирија, Мадрид планира да ја решава со воведување на 100% данок за имот купен од лица што не се државјани на ЕУ.

На оглас за недвижности во Силициумската долина (Сан Хозе) се издава буквално простор под скали (3 на 0,9 метри, или неполни 3 квадрати) за само 250 долари. Според огласот, местото најдобро ќе му легне на „гејмер“, а лица со криминално досие не се примаат.

Кандидат за градоначалник во Вајоминг ветува дека ако биде избран за прв човек на градот Шајен, ќе дозволи ЧатГПТ бот што тој го изработил да управува со тамошната локална власт.

Аудио загадувањето од прегласните коли и особено мотори е проблем кој го делат многу градови, булевари и улици, од Партизанска во Скопје до Сиетл или Калифорнија каде инфантилните дебили кратат ауспуси за да прават што поголема бучава. Можеби решението е да да се изнајмат 20-тина билборди на кои би пишувало „Колку погласен мотор, толку помал пенис“.

Главната шпанска туристичка дестинација за одмор најави дека до 2028 година ќе забрани изнајмување станови за туристи. Градоначалникот се реши на ваков неочекувано драстичен потег во обид да ги заузда високите трошоци за домување и да го направи градот место во кое можат да живеат првенствено неговите жители.

Во Кембриџ конечно подготвен е да се пушти во употреба кружниот тек „Киклоп“ со над 30 семафори на него иако дури и тамошните локални жители тврдат дека навигирањето низ него е лудост. Кружниот тек на Милтон Роуд се прави две години и проектот е вреден 24 милиони фунти.

Новиот стамбен проект во полскиот град Познан го привлекува вниманието со својата фасада која потполно е прекриена со дури 140.000 билки. Но, на комплексот Аура, тоа зеленото не е наменето само да изгледа фино нацртано на проектот (како кај нас), туку смислен е цел систем како зеленилото навистина да живее а позади него да биде пријатно.

170 километри долгиот град сред саудиската пустина, веројатно еден од најамбициозните проекти моментално на планетава, во кој до 2030 требаше да живеат 1,5 милиони луѓе, е драстично намален и се очекува до почетокот на следната деценија од него да бидат изградени само 2,4 километри.

„Биди виден, земи цигла“ е мотото на новата кампања во Ванкувер за безбедност во сообраќајот за пешаци, во која пред пешачки премини низ градот се оставени корпи со цигли. Разочарувачко во целата работа е што циглите се од гума.

Градот Торонто и надлежните агенции немаат пари да се справат со дождот што врне таму, па затоа на граѓаните ќе им биде наметнат данок на дожд кој треба да го покрие овој трошок на градот.

Лондонскиот градоначалник Садик Кан инвестира 150 милиони фунти на „таен“ технолошки проект, кој на оние што возат по Лондон, ќе им наплаќа надомест за користење на улиците по изминат километар. Ќе дочекаме ли и за дишење да наплаќаат по градовите?

Амстердам брои повеќе точаци отколку луѓе и иако во споредба со овдешните сообраќајни тромбози, тоа ни изгледа како научно-фантастична идила, две третини од луѓето не се чувствуваат безбедни кога се движат по град. Најголеми бељи прават електричните велосипеди и тротинети кои се понашаат ко кај нас сељаците со бесни коли.

Американскиот Конгрес на барање на владата на Бајден во 2021 се согласи да потроши 7,5 милијарди долари за низ земјата да изгради мрежа од стотици илјади полначи за електрични возила. Две години подоцна се уште се чека поставувањето на првиот полнач.

По години и години промовирање и субвенционирање електрични автомобили, Германија сега процени дека електричната мрежа на земјата баш и не е подготвена да ги издржи полначите за автомобили, па од следната година ќе се ограничува колку струја стига до овие уреди.

Тоа што луѓе и сега очи ќе си извадат во нервозите да најдат паркинг место (додуша, на нашите јунаци од „Богати и славни“ тоа не им е проблем), на климатските активисти не им пречи баш тоа да го посочат како решение. Кај нив секогаш чучела идејата, колку на луѓето им е полошо, толку на планетата ќе ѝ биде подобро.