Благодарејќи на посветеноста на десетина домашни винарии, последниве години, малку од малку, македонското непце почнува да се разгалува, иако доминантен останува критериумот „не е лошо, се пие,“ особено ако виното е домашно и си го утнал со помош на пијано злосторничко здружување (кумот и другарите). Во Франција, со векови се тераат тие битки.  

Нема ништо полесно за еден народ или за владетелот на една нација од тоа да ги обвинуваат другите за она што не е во ред. Тоа ве поштедува од многу потешката работа – соочувањето со сопствените пропусти – и ги ослободува владетелите од одговорност. Европа е типичен пример: Русија и Кина станаа универзално објаснување за речиси секој проблем на континентот, од цените на енергенсите до деиндустријализацијата.

Да беше роден во американска провинција, наместо на Балканот, во Холивуд ќе се грабаа за сценарио за таква животна приказна - вистинска, величествена, страшна, поучна, неверојатна, тешка и сето тоа истовремено. Приказна во која неговата поранешна сопруга, Мирјана, со која го доби синот, Миран, почина во пеколот на дрогата.

Во нашава мала, затуцани средина, реалната проценка се доживува како смртна навреда, а лажниот, лигав аплауз се смета за врвна карактерна особина и добрина. Токму затоа и имаме полна држава со луѓе кои со децении се цврсто убедени дека се недопрени, автентични генијалци. Тие не се убедени затоа што некој со релевантен мозок им кажал дека се вредни туку затоа што сите околу нив биле премногу кукавици или премногу мрзливи за да им ја кажат суровата вистина дека се тотално просечни и не ги бива.

Кога на фронтменот на Секс Пистолс ќе му се каже „Ако немаш што добро да кажеш за некого, не кажувај ништо“, нему му се слуша „Сè се тоа говна и кажи им дека се говна.“ Сака Џон Лидон/Џони Ротен да го пушти јазикот на секакви теми а една од омилените му се колегите музичари. 

Лудило приказна. Човек наместил два бота на вештачка интелигенција да си прават муабет. Првиот бот викал дека тој е бот а соговорникот човек. Проблем е што и вториот бил убеден во истото, дека другиот е човек. По долго време, сепак сфаќаат кој е кој и кој е што. Но, сфаќаат и нешто друго. Дека мора да има некој човек во близина и дека никој од нив не може да престане да пишува.

Како и во случајот со смртта на претходната деценија - онаа на Милошевиќ - беше лансирана алармистичката теорија дека Младиќ всушност бил убиен. Што е најголема бесмислица досега во овој век. Ако колективниот Запад сакаше да го убие Младиќ, можеше да го направи тоа било кој ден во текот на секоја од воените години, со еден наведуван проектил. Но, сите тие години Запад го чуваше Младиќ како вода на дланка и го толерираше, сосе масакрот во Сребреница. Еве зошто.

Алармот на Умберто Еко и Феѓа Штукан дека социјалните мрежи им дадоа незаслужена моќ на имбецилите (Еко) и дигиталните дивјаци (Штукан) веројатно е консензуално прифатлив (особено што никој сам себе не се смета за имбецил и дигитален дивјак). Проблемот е кога ќе се размисли за решение. Филтрирање? Ок, ама кој ќе ги подеси и контролира филтрите?

Дојдовме до апсурд паметните да мора да се повлекуваат и да бираат зборови за да не навредат нечија плиткоумност и суета. Дозволивме алгоритмите да станат судии, а толпата што во животот не прочитала три книги да држи предавања за медицина, историја, космос и морал. Дигитални дивјаци, вооружени со тастатури и комплетно отсуство на срам. 

Преку глава ми е од Марс. Таа црвена топка прашина го собира целото внимание, сите планови и сите проекти. Дали тоа навистина е последната граница? Толку ли од нас? Доста е од Марс. Треба да испратиме луѓе на Венера. Главниот проблем на Венера е што нема јак ПР како Марс. 

Пред цел ден век е забележан и објаснет еден феномен на мозокот,  многу повеќе да ги памти незавршените работи отколку оние што се комплетирани. Незавршените или прекинати задачи, обврски или проблеми остануваат да „работат“ во позадина, зафаќајќи меморија и енергија. Колку повеќе такви се трупаат, толку поуморни се чувствуваме, иако навидум нема од што да сме уморни.

На бранот на контроверзната тема што ја покрена Феѓа Штукан за поврзаноста на интелигенцијата и културното ниво со музиката што се слуша (види: Дали глуп човек може да слуша добра музика?), Драган Бурсаќ покренува едно слично, можеби и поважно прашање: дали омразата има жанр и дали „урбаните фаци“ по дифолт се подобри од „сељаците“.

Која е смислата подложувањето на оперативни зафати, хемиотерапии, радиолошки зрачења, морфиум ако битката уште на почеток е сто посто изгубена?! Пет процентната операбилност не значи и излекување, туку само продолжување на животот со болеста, за кој седумдесет и шест годишната Ведрана пишува дека бил умирање на рати. За разлика од учената Ведрана, мојата необразувана мајка сето тоа го знаеше.

Во Торонто, Канада, во петок, 3 јули 2026 година во три часот, една минута и дваесет и осум секунди наутро по централноевропско време, брутално беше убиен добриот, сто и шеесет години стар фудбал. Она што ќе го гледаме во децениите што доаѓаат повеќе нема да биде едноставна игра за деца и професионалци, туку видео игра за хај-тек магнати, богаташи и – мафијаши.

Најголемата лага која упорно циркулира наоколу не е за храната или за медицината. За спиењето и сонот е. Осум часа спиење во едно парче се боготвори како златно правило и повеќето луѓе мислат дека будењето среде ноќ значи дека нешто не е во ред со нив. До кортизолот е, до стресот е, кликни за да ти продадеме мелатонин или апликација.

Откако речиси секоја лекција, предавање и учебник може да се најде бесплатно бидејќи осум милијарди носат библиотека во својот паметен уред, монополот на знаењето се урна за само една деценија. Но, звучните имиња на високообразовните институции не ја ажурираа цената. За таа цена младите луѓе биваат тестирани дали можат да бидат послушни и да извршуваат домашни задачи без да прашаат зошто. На системот му треба да бидете примитомени. 

За Макфакс Новак Ѓоковиќ изјави: „Имам голема желба да ја посетам Македонија, а, можеби, и нешто би организирале со Лина Ѓорческа и со Калин Ивановски“. Останатите портали во Македонија, за да избегнат да пренесат од конкурентски портал, но, веројатно, и поради кликбеит интерес, изјавата на Ѓоковиќ ја „пуштиле“ низ ВИ моделите па секој портал објави своја верзија на зборовите на Ѓоковиќ. Еден од нив беше: „Ѓоковиќ најави спектакуларен тениски меч во Скопје со Лина и Калин“.

Не е лесно да си икс или миленијалец во „најубавите години.“ Премлади за умирање, престари за рокенрол, луѓето во тие години често знаат да поблесават во непознат правец, честопати во неколку контрадикторни правци. Ќе ги познаеш по тоа што почнале нешто скроз ново благодарејќи на животната мудрост, што ги откриле вистинските приоритети во животот и најмногу по тоа што се уби боже досадни кога ти зборуваат за тоа.  

Да ви раскажеме една епизода од богатиот политички и државнички живот на Ли Куан Ју, човекот кој се смета за татко на модерниот Сингапур која објаснува зошто тој се смета за еден од најголемите државници во 20-тот век. Личниот интегритет на еден лидер не е само квалитет кој важи за него, тоа е и капитал кој тој го вложува во градењето доверба и долгорочна успешност на една нација.  

Перформансите на аргентинскиот фудбалски патријарх во голови и асистенции толку остапуваат од нормалната крива на дистрибуција што кога просекот на висината на луѓето би изнесувал 1,75 метри, Меси би бил висок над 2,30 метри. Веројатно никогаш во животот нема уште еднаш да видиме таков феномен, во која било област.     

Новата генерација фудбалски топки, опремени со сензори и постојан пренос на податоци, го менува начинот на кој се гледа и се суди фудбалот. „Трионда“ не само што мери допир, брзина и траекторија, туку и го намалува просторот за човечка грешка - и интуиција. Ако не па, и играчите да ги опремиме со сензори за еден ден полесно да ги замениме со роботи.

Лука Модриќ, број 1 на целиот хрватски фудбал, златен гарант на сите хрватски победи, на овој натпревар изгледаше, се однесуваше и се движеше како Број 1 од Алан Форд. Се разбира, тој не е виновен за поразот. Виновен е како и сите други на теренот, а тие, пак, се невини во однос на оној што ги составил во тимот. А и тој не е толку крив колку очекувањата на заедницата. Таа би сакала играчите што ги правеа среќни да останат вечно млади.

Статистички е многу полесно да се добие титулата „професионален актер“ и да се живее добро на сметка на даночните обврзници без никакви значајни дела зад себе, отколку да се стане професионален фудбалер и да се живее добро од фудбалот. Но, луѓето кои во своите глави се елита, не можат да дозволат некој да ужива повеќе богатство и почит од нив, а да не припаѓа на нивното милје. Затоа ги презираат оние кои се подобри од нив.

Сведоштво на странец кој се возел со воз во Јапонија. Имало некој проблем па возот застанал на многу кратко меѓу две станици. Дури тогаш почнале изненадувањата за овој патник. Следувале извинувања, соопштенија, сертификати со потпис и со печат. Пријатели му објасниле, во Јапонија, да се стигне на време не значи да се стигне отприлика на време.