Неславниот пад на Хуанг претставува голема победа за политичкиот клан во Вашингтон - владини функционери, конгресмени и аналитичари од двете партии - кој со години наназад лобира за построга политика кон Кина во трката за технолошка доминација.
Иако Трамп сè уште го нарекува Хуанг „легенда“, а службите за безбедност сè уште не можат да докажат дека љубовницата на основачот на Nvidia била кинески шпион, скандалот ја зголемува можноста за усвојување на закони за ограничување на извозот на технологија на Кина.
Извор на Вашингтон пост тврди дека државниот секретар Марко Рубио преработил извештај на ЦИА во сопствен документ во кој ги заострил разузнавачките наоди дека Хуанг имал врска со жена за која имало сомневања дека е врбувана како шпион за Кина. Откако содржината на меморандумот на Рубио на 29 октомври протече до јавноста преку весникот Њујорк тајмс, тоа предизвика низа настани што кулминираа со оставката на Хуанг.
Извршниот директор на Nvidia призна дека имал љубовна врска со Алис Хуанг, шефица на фирма од сингапурска компанија која е клиент на Nvidia и јавно се извини. Неколку дена подоцна поднесе оставка, откако се појавија информации за уште една љубовна афера со жена вработена во Nvidia.
На самитот на Г-7 во Париз оваа недела, Рубио избегна директно да одговори дали истрагата за можно кинеско шпионирање влијае врз преговорите со Пекинг во врска со вештачката интелигенција.
Кинескиот систем секогаш ќе дејствува во најдобар интерес на Кина, а САД секогаш ќе дејствуваат во најдобар интерес на САД. Јас работам за американскиот народ, изјави Рубио.
Откако администрацијата на Џо Бајден ги заостри контролите врз извозот на чипови, Хуанг успеа да го убеди Трамп да дозволи извоз на еден од најмоќните чипови на Nvidia на Кина, во замена за дел од остварениот приход од продажбата. Ставот на Хуанг беше дека производителите на чипови треба да продолжат со продажбата во Кина, за да создадат зависност од американската технологија и на тој начин да обезбедат предност за САД.
Сега, откако Хуанг е тргнат настрана – а републиканските претседатели на комисии планираат да го повикаат на сослушување за аферата – предлагачите на три нови мерки велат дека се сè пооптимистични оти ќе успеат да ги протуркаат како дел од годишниот закон за одбрана.
Предлозите опфаќаат ограничувања за извоз на најмоќните чипови за вештачка интелигенција, вградување технологија за откривање шверц и ограничување на пристап до опрема за производство на чипови.
Конгресменот Џон Муленар, претседател на Специјалниот комитет за Кина, ја повика новата управа на Nvidia да ѝ даде приоритет на националната безбедност.
Отпуштањето на Џенсен Хуанг од компанијата што ја основаше претставува несреќен крај што можеше да се избегне. Во наш национален интерес е Nvidia и другите лидери во областа на вештачката интелигенција да успеат, но американските компании никогаш не смеат да ја загрозат безбедноста на нашата нација преку овозможување пристап на кинеските компании до нивните најнапредни чипови, изјави Муленар.
