Вести › Набрзинка

Не ја погубиле ни со две смртоносни инјекции

1 октомври 2026

Тенеси не успеа да ја спроведе егзекуцијата на жена осудена на смрт поради убиство од 1995 година. Осудената Криста Гејл Пајк останала жива откако ѝ биле инјектирани две смртоносни дози. Од комората за егзекуција со брза помош била пренесена во болница.
Пајк требаше да биде првата жена погубена во Тенеси по повеќе од 200 години. Само еден час пред планираното спроведување на казната, Апелационен суд го запрел извршувањето, но Врховниот суд до вечерта ја поништил одлуката и ја потврдил егзекуцијата.
Службениците ѝ дале на Пајк две дози пентобарбитал. Никој досега не останал жив откако ги примил овие хемикалии. Седум осуденици преживеале поради неуспех на тимот за погубување да најде вена за аплицирање на смртоносните дози.
Откако Врховниот суд на САД во 1976 година ја врати смртната казна, досега се погубени 18 жени, што претставува околу 1% од сите егзекуции. Пајк ќе беше 30-тото лице погубено во САД оваа година.
Егзекуција на Пајк е одложена на неодредено време. Гувернерот на Тенеси, Бил Ли, официјално ги прекина сите извршувања на смртни казни до крајот на 2026 година.

извор

Трамп: САД ќе изгорат како Франција ако победат демократите

21 октомври 2026

Американскиот претседател Доналд Трамп ги искористи безредијата во Франција како аргумент против демократите, во обид да го одбрани републиканското сенаторско место во Канзас.
Тоа е позиција што републиканците ја држат долго време, но сега се соочуваат со реален ризик да ја изгубат од своите политички противници.
„Нема да дозволиме тоа да ѝ се случи на оваа земја“, рекол Трамп. „Кога гледате како горат цркви и како беснеат пожари во Франција, запомнете дека токму тоа радикалните демократи сакаат да ѝ го направат на Америка.“
Канзас е конзервативна држава од Средниот запад која веќе 94 години нема избрано демократ во Сенатот. Републиканскиот сенатор Роџер Маршал, кој моментално го служи својот прв мандат, води неизвесна трка против демократскиот кандидат Адам Хамилтон – пастор во голема методистичка црква.
За Хамилтон Трамп кажал: Тој сака да се каете што се родени бели.

извор

Апсења низ Србија спроти изборите

21 октомври 2026

Српската специјална полиција спроведува акција против група за која се тврди дека планирала да предизвика немири во Белград за време на изборите на 25 октомври.
Локални медиуми пишуваат дека 80 хулигани вооружени со палки, факели и ножеви в недела планирале да напаѓаат луѓе, да палат автомобили, да уништуваат имот и да се судрат со полицијата.
„Курир“ пишува дека лидерот на групата Марко Веин е наркодилер кој има и хрватски пасош. Во координирана акција во Краљево бил уапсен и уште еден осомничен, кој исто така имал хрватски документи.
Ново истражување спроведено заклучно со 5 октомври покажува дека Листата на студенти има мала предност (44,5% наспроти 42,7%) во однос на листата на претседателот Александар Вучиќ. Рејтингот на листите на Ивица Дачиќ, на Мариника Тепиќ – Здравко Понош и на Милош Јовановиќ се под изборниот праг од 3% од гласовите.
Дури 79,8% од испитаниците изјавиле дека сигурно ќе гласаат в недела.

извор