Вести › Набрзинка

Пентагон покани само шест сојузници на разговори за иднината на НАТО

1 октомври 2026

Министерството за одбрана на САД ги повикало само Норвешка, Шведска, Финска, Полска, Германија и Холандија на состанок на кој ќе се дискутира за иднината на НАТО.
Впечатливо е отсуството на Британија, Франција и балтичките држави, кои тврдат дека издвојуваат значителни средства за одбрана и имаат клучни улоги во Алијансата.
Организаторот на состанокот, помошник-секретарот за одбрана Елбриџ Колби, објаснува дека веќе имал две слични средби со шесте земји од „групата Берген“.
На реакциите дека Вашингтон ги дели сојузниците на „добри и лоши“, дипломат што учествувал на средбите одговара дека „цел на помалиот формат е да се развијат идеи што би биле претставени пред Алијансата“.

1 октомври 2026

Калифорнија усвои закон со кој на малолетни лица им се забранува да стапуваат во брак.
Во оваа сојузна држава досега не постоеше законски пропишана возраст за стапување во брак. Деца можеа да се венчаат доколку нивните родители дадат согласност, а судија ја одобри венчавката.
Исто така, не постоеше механизам за развод на лица помлади од 18 години.
Во Калифорнија во периодот од 2000 и 2021 година биле склучени околу 35.000 бракови со учество на малолетници. Повеќето случаи биле малолетна девојка да се омажи за возрасен маж.
Договорени бракови на деца сè уште се легални во 32 американски сојузни држави.