Популарната хумористична серија со монтипајтоновецот Џон Клиз како главен лик и газда на пансионот е инспирирана од вистински хотел и вистински газда кој имал таков табиет. Познавачите на скопската кафанска сцена, тој профил не може а да не ги асоцира на уникатниот и неповторлив Васе Амзо, легендата на Сарај (денес во Ѓорче).

Доналд Трамп има 80 години. Неговото богатство тежи преку шест милијарди долари. Претседател е на Соединетите Американски Држави. Командант е на најголемата армија на светот и има извршни команди за употреба на нејзиното нуклеарно оружје. Како таков, излезе на прес конференција за да се пофали дека станал број 1 на ТикТок. На Тик факинг Ток! И дека Тејлор Свифт е далеку зад него. Живееме во Зоната на самракот. 

Сите ние сме „кутрите мали хрчки,“ заглавени во секојдневното верглање кое и се забрзува колку повеќе сакаш да излезеш од лентата. Еден Кореец документирал една година од својот живот со помош на регистрирањето на неговите движења на мапите на Гугл. Хрчак. Чат-пат ќе скршне од вообичаената рута, ама и тоа е по некоја работа. Туга.

Кога стигнал во Рим за да го глуми ликот на Тоби Дебит во хоророт „Духовите на мртвите“ на Федерико Фелини, на британскиот актер Теренс Стамп му биле потребни насоки од режисерот, побарал тој да му долови во каква состојба се наоѓа ликот кој треба да го глуми. Маестро Фелини му го доловил тоа описно, да поописно не може да биде.   

Во 1964 година, британски морнарички командоси доброволно учествуваат во експеримент во кој им даваат ЛСД додека со полна воена опрема се на терен. Си немаат пројдено подобро во живот. Прво почнуваат да се кикотат, потоа стануваат неспособни да нишанат, на крај некои од нив завршуваат качени на дрвја за да хранат птици. Џоне Леноне, имеџин!

Користејќи трактор, рало, плуг, дрљача и слични тракторски аксесоари, италијанскиот уметник Дарио Гамбарин, сопствена скица од портрет на филмската дива успеал да преслика на огромна нива. Притоа, воопшто не користел ГПС технологија. Значи, има работа, на кој му се ора.

Човекот кој јадеше анус од вепар и очи од фока, се згрози од исландското национално јадење „Hákarl“, што е ферментирана ајкула. Нејзиното свежо месо е отровно за луѓе, за да може да се јаде, се закопува во песок од 6 до 12 недели и потоа се суши. Според свеждерот Бордејн, чувството и вусот не го пере ни пиво ни ракија.

Марлон Брандо не единствениот актер кој имал проблеми да ги запамти своите реплики. Некогаш и затоа што се сметаат за преголеми ѕвезди за да памтат текст па им ги запишуваат репликите некаде вон кадарот на камерата. Само што Брандо од тоа го има создадено оној негов фамозен потег со главата кој забавно го опишува Ричард Харис.  

Две другарки, едната од нив решила да се фрли со падобран од авион. Проблем е што во последните моменти малку се пишмани од идејата. Тоа не е никаков проблем за другарка ѝ, конта, треба само да ја подбутне. Само што заборава дека самата нема падобран. 

Бил Оливер е ветеран на кандската политичка сцена но сака да држи чекор со времето. Ама, си ги пушти нозете малку подолго отколку што му е ВИ чергичето па не само што прочита говор кој му го напишала вештачка интелигенција туку топтан го прочита и промптот. За да нема сомневање дека оригиналната мисла во неговата глава одамна е исчезната. 

Иранците умешно користат нешто што ѝ е познато на западната публика за да се спрдаат со Американците и нивната војна. Очигледно ги допрела пораката па и Марко Рубио ги спомна нивните видевца со Лего теми. Овие му направија ново видео.

Една од најбесмилените методи на штедење преку - повеќе трошење. Така е и скован теминот, од зборовите штедење и трошење (што би се рекло согласно темата, добивате два во еден). Има различни варијации во вид на мали награди кои шприцаат допамин во мозокот за на крај да завршите со нешто не ви треба или количини од нешто што ви треба ама не во толкава количина.

Жртви на последната Инстаграм/Тикток заебанција се дечковци и мажи, фатени во една од најранливите ситуации за нивната машкост - кога серат. Им влегува нивната побезобразна половина со вклучен телефон, за на следачите да им го покаже нивниот тоалет. А таму, на тронот - тој, изваден од памет. После шокот дека оваа будалава го снима, следува залегнување, за да не влезе во кадар.  

Секоја култура има свој специфичен говор на телото и однесување по кое можеш да претпоставиш од каде допаѓа некој странец. Џона Мендез, долгогодишна шефица во ЦИА, споредувана со „Q“ од новелите на Јан Флеминг, во мемоарите истакнува еден интересен детал кој открива Американец. а не е да носи термос со вода или безбол капче наопаку. Се потпираат на што стигнат. Тежи целото тоа незнаење што го м'кнат со себе.

Фамозниот рефлектирачки базен на Трамп за кој пукна околу 15 милиони долари (дадени со директен договор, без тендер и наддавање) позелене од алги и почна да се лупи. Тврди дека некој со нож го има сечено. Кој доаѓа бре со нож за да сече бетонски базен? Ене ги, сега околу него ставаат огради „против вандали“.

Новинар (Питер Дуси): „Еден мудар човек, еднаш, во јануари 2020-та кажа: „Иран никогаш не добил војна, ама, никогаш не изгубил на преговори.“
Доналд Трамп: “Кој го има кажано тоа?“
Новинарот: “Доналд Трамп“.

Како човештвото да не оглупуваше доволно брзо и онака, највидливо кај младите генерации со нивната алергичност на книги, читање и сè што не се скрола, се појави вештачката интелигенција за да го забрза процесот и да послужи како аутсорсинг за сопсттвениот мозок. А како и мускули што атрофираат кога не се користат, како кола што зарибува кога подолго време не се пали... 

Кенеди центарот беше едно од многуте камчиња во чевелот на Доналд Трамп. Преку ноќ го смени раководството, постави свој човек, го стави своето име на чело и по некое време се најави дека центарот нема да работи две години поради неодложни реновирања. Ништо од тоа не издржа. Суд ја поништи одлуката за реименување а работници се фатија да го симнат новото име. 

Дечкото петнаесет години работел како шанкер. Позиција на која брзо отвораш пијачка и уште побрзо го фрлаш капачето. Не и тој. Други шанкери се по бакшишот, тој бил по капачињата. Ги собирал. Собрал стотици илјади капачиња. Ги сплескал, ги подредил по боја и дизајн и сега прави махерски портрети со закуцани капачиња.   

Науката не само што му ги проширува хоризонтите на човек туку и му креира шанси да сонува за далечни светови, светови ослободени од стегите на ограничените работни времиња на локалите, полициските рации и дрегери и слични овоземни секирации. Врзете се, одиме кон центарот на нашата галаксија. Е не, на периферија ќе ти седиме!   

Првиот човек на НАТО е политички двовалентен. Од една страна има јако ниска точка на топење пред Доналд Трамп - му има праќано бесрамно ласкави СМС пораки, субмисивно му се обраќаше со „daddy“... Од друга страна јак е на вилица кога ѝ се заканува на Русија, порачува дека НАТО треба да биде посмртоносен... А уште од млади години е спретен, виспрен, снаодлив, жив ѓаол... 

Што мислите, дали локацијата на оваа вежбална со справи на отворено која се наоѓа во Австрија е повеќе обесхрабрувачка или повеќе мотивирачка? Мотивирачка затоа што те прави свесен дека некои луѓе повеќе не можат да вежбаат, обесхрабрувачка затоа што те потсетува дека вежбал - не вежбал, ќе завршиш од другата страна на тарабата. Во секој случај, мирно место. 

Мало потсетување како функционира старата аналогна игра кога пораката треба да се каже доверливо, од уво до уво. Во случајов се работи за деца низ чиј ланец треба да се протне првичното „мае гери“, за до крај тоа да стане.... ќе слушнете. Истото ова, на идентичен начин функционира и во дигиталниот свет на социјаллните мрежи, само што е далеку понесимпатично.    

Евровизија беше и помина. Кога ние не сме таму некако поминува полесно затоа што ги избегнуваме сите оние хистерии и дилеми дали ние пративме глупа песна (да) или пак гласањето е комшиска намештаљка (да). Австралија да ти дала нула поени за Израел и ете ти знак за тревога која стигнува до нивниот Сенат. Зошто дале нула, како тоа, кој го составувал жирито... Австралија беше грозна за време на пандемијата, таква и си продолжи.