Во приватните медиуми толпата таму нема што да бара. Никаква правда „по кратка постапка“! Ако дозволите да завладее бран на јакобински бес – сетете се само на Француската револуција – на крајот ќе завршите така што ќе се свртите едни против други и меѓусебно ќе си кинете глави. 

Независно истражување на медиумот Danwatch открива нов скандал со европската програма за вооружување на Украина. Преку естонска служба за посредување, Данска платила 9,5 милиони евра за муниција, а не била испорачана ниту една граната за Киев. Поради сомнителни набавки на муниција од фирма за софтвер веќе падна министерот за одбрана на Естонија.

Соочен со голема криза во продажбата и конкуренцијата од кинеските возила, германскиот автомобилски гигант Фолксваген го запира развојот на електрична верзија на својот најпродаван модел „голф“. Проектот не е целосно откажан, но фокусот ќе биде префрлен на внатрешна реорганизација на компанијата која годинава бележи загуби од стотици милиони евра.

Во обид да ја пополни огромната дупка во буџетот, Франција заклучи дека може да го оданочува и сообраќајот на интернетот. Собранието усвои амандман со кој креаторите на содржини на интернет ќе плаќаат по 0,055 евра за секој гигабајт од филмови и игри. Планот е да се собираат по околу 10 милијарди евра годишно. Цената на крајот ќе ја платат француските семејства.

Ако демократите ја вратат контролата врз Претставничкиот дом, а можеби и врз Сенатот, се поставува прашањето дали конечно ќе успеат да го демонтираат популизмот на Трамп, што не им појде од рака во претходните години. Одговорот, најверојатно, е не: и покрај необично бурното владеење, Трамп всушност го институционализираше својот популистички бунт.

Британските власти ги оспоруваат извештаите дека странски државјани и нелегални мигранти се одговорни за непропорционално повеќе силувања и физички напади врз жени, но ги кријат официјалните податоци за насилства расчленети по националности. Наместо да се соочат со проблемот, ги префрлаат мигрантите од хотели во поранешни бази, загрозувајќи други заедници.

Трамп испраќа оружје кон Персискиот залив и отворено му се заканува на Иран со моќен воен удар веднаш штом ќе завршат изборите за Конгресот на 3 ноември. Израелски офицери стравуваат дека САД по канонадата ќе ја прогласат војната за завршена и ќе се повлечат, оставајќи го Израел сам да најде начин како да го собори режимот во Техеран и да ја уништи нуклеарната програма.

Соочена со полупразни резервоари, пресечен глобален синџир на снабдување и прогнози за рана и студена зима, Европа ќе ги трпи последиците од сопствената забрана за увоз на гас од Русија. Со оваа политика не се ослободи од енергетската зависност, туку всушност го замени добавувачот, на големо задоволство на САД, каде што цените на гасот се 11 пати пониски од Европа.

Американски и латиноамерикански функционери тврдат дека УСАИД ја злоупотребувала својата мисија и финансирала левичарски политичари и нивните каузи низ Латинска Америка. Обвинувањата почнаа откако неколку земји во регионот избраа конзервативни лидери по одлуката на Трамп да ја укине Агенцијата за меѓународен развој.

Германската политика во војната во Украина е „скапа и практична“. Берлин плаќа, останува морално чист и ги остава другите да бараат непопуларни компромиси. Држејќи се на страна, индустријата и политиката се прилично задоволни од војната поддржана (делумно) од германски пари и германско оружје, но во која нема да загине ниту еден Германец. 

Строгата забрана за одгледување афион што ја наметнаа талибанците не само што предизвика криза на нарко-пазарите на Западот, туку и фрли во сиромаштија многу авганистански семејства. Принудени да се префрлат на памук и други култури, земјоделците не можат да си ги прехранат децата. Многумина му се враќаат на афионот, свесно ризикувајќи јавно камшикување и затвор.

Стартап од Сан Франциско објави необичен оглас за вработување. Бара луѓе за шетање роботи по истите услови како да се домашни миленици, со вообичаената тарифа од 20 долари на час. Целта е роботите директно да се запознаат со средината и правилата на урбаната џунгла во која наскоро ќе мораат самите да патролираат. Шетачот само треба да ги врати дома здрави.

Во 2022 година, за биологот Дејвид Сабатини пишавме: „Пред само неколку години важеше за генијалец и еден од најголемите живи научници кому му се предвидува Нобелова награда затоа што е на траг да открие лек за рак. Денес човекот не може да се вработи никаде во САД“. Четири години подоцна, да апдејтираме: Сабатини доби милионска отштета.

Фирми за тргување од Вол Стрит постигнаа договор со социјалната платформа на Доналд Трамп за да ги добиваат објавите на претседателот на Truth Social со временска предност од едно трепкање со очите. Човек не може да го забележи доцнењето, но на алгоритмите тоа може да им даде голема предност за тргување на пазарите, за која се спремни да платат и по 100.000 долари месечно.

Европската комисија планира да го прошири мандатот на европската гранична полиција Фронтекс со следење објави на социјални медиуми со цел да се откриваат и да прекинуваат синџири за шверцување мигранти. Поранешен шеф на Фронтекс предупредува дека новите овластувања претставуваат „обид за цензура на слободата на говорот во Европа“.

Додека технолошките моќници заработуваат стотици милијарди долари од бумот на вештачка интелигенција и изградбата на огромни центри за податоци, се појави нова генерација организирани банди која со задоволство ги краде „трошките“. Само во изминатите четири месеци е украдена опрема за центри за податоци во вредност од стотина милиони долари.

Британците се вратија во времето на карантините, преплашени од тревогата од министерот за одбрана секое семејство да направи тридневни залихи поради закани од војна или вонредни ситуации како кибернетски напад врз инфраструктурата и природна катастрофа. Панично купуваат тоалетна хартија, конзервирана храна, вода, радиоапарати и батерии.

Долги години на пластичните цевки им се наметна етикета на душман на планетата и човековата околина, речиси на ниво на шумски пожари или токсични испарувања. Пошто не цица леп него упоран, успеаја па ги наметнаа хартиени цевчиња, за наместо да цевчиме како луѓе, шмукаме низ раскашавена картонска туба. За среќа, науката се фати за сламка. 

Детската болница во Филаделфија лани им дала вакцини против грип на над 2.000 деца додека биле под анестезија, иако една третина од родителите подоцна изјавиле дека не планирале да ги имунизираат своите деца. Болницата сега ја разгледува можноста да ја прошири програмата и на ист начин да вакцинира деца против ковид.

Претседателката на Европската комисија сè уште не сведочела пред Европското јавно обвинителство за истрагата за набавка на вакцини против коронавирусот. Главната обвинителка Лаура Ковеши на која задутре ѝ завршува мандатот, се жали дека Брисел преку сложената бирократска архитектура упорно ја поткопува работата на Обвинителството.

Германските политичари и регионалните власти се плашат дека демонстрациите на големите градови закажани за Ноќта на вештерките би можеле да прераснат во улични насилства како оние во Франција. Но, тивкиот бунт на германската генерација З не се одвива на улиците. Младите едноставно ја напуштаат државата.

И покрај огромните суми пари што постојано се вложуваат во развојот на вештачката интелигенција, реалниот поврат на инвестициите за компаниите што се надвор од технолошката индустрија е нула. Ова ја зголемува загриженоста дека бумот на новата технологија отвора огромна финансиска „дупка без дно“ која на крајот би можела самата да се урне.

Невообичаено тивката сезона без урагани во Северниот Атлантик оваа година ги разочара научниците од проектот „нето-нула“. Објаснувањето дека лошото или екстремното време е природен настан како и сите други видови не се вклопува во нивната однапред одредена нарација чија цел е да поттикне паника кај населението и да оправда владини политики.

Пентагон објави долгорочен план за одбрана на САД од глобална војна. Воените бази ќе мора самостојно да издржат три месеци во услови на изолација, прекин на синџирите на снабдување и парализирани енергетски мрежи. Цивилни фабрики ќе мора да бидат спремни да произведуваат оружје. „Тврдината“ ќе се гради со години и може да чини стотици милијарди долари.