Гувернерот на Калифорнија, Гевин Њусом, го потпиша контроверзниот „Закон за безбедност“ кој ги спречува училиштата да усвојат каква било политика која ќе бара од наставниците и персоналот да ги информираат родителите ако нивното дете сака да биде третирано како припадник на спротивниот пол или како „не -бинарно“. Културната револуција на Мао (детето ѝ припаѓа на државата а не на родителите) продолжува.

Германија, ЕУ, Западна цивилизација, 2024 година: Млада жена која „навредила“ мигрант кој учествувал во групно силување на малолетно девојче добила подолга затворска казна од самите силувачи. Вака ЗНМ и други гранташки борци против навреди и говор на омраза ја замислуваат иднината?

Осуден сексуален престапник кој се појавил на судско рочиште облечен во бизарна инфантилна облека, барал да му се обраќаат како на девојче тврдејќи дека ментално е на ниво на дете од седум години. За да биде поуверлив во тоа, во судницата си цицал палец. Судијата сето тоа го дозволил. Денес и тие мора да се пазат од таквите и нивните бучни застапници.

„Сакате да се борите против климатските промени? Имајте помалку деца!“ порачува британски Гардијан во статија која пренесува која ставка колку ја спасува климата. Бадијала рециклирате, бадијала ставате свеетилки кои штедат, бадијала планирате да се префрлите на електричен автомобил. Ако паралелно со тоа направите и добиете уште едно дете, сè сте упропастиле. 

„Да не беше Елиза, тој сè уште ќе беше со нас, убедена сум во тоа,“ веели сопругата на еден Белгиец кој се самоубил после неколку неделни конверзации со Елиза. Тој имал 30-тина години и две деца. Елиза е бот и е жива и здрава.

Американската компанија планира да произведува автомобили кои на газдата ќе му покажат - кој е газда. Ако не се плати некоја рата, софтверот на колата стартува серија сценарија кои стануваат сè понепријатни. Од гаснење на радиото и климата, па до непуштање на сопственикот да влезе во кола.

Жена што дала отказ после 4-годишно работење во еден американски вентар за промена на полот вели дека тоа што таму се случува е ужасно и во морална и во медицинска смисла. Се создаваат цели орди на деца што неповратно си ги менуваат животите, без да им е сосема јасно што прават. А такви клиники и центри, од една, за брзо време станаа - преку сто.

41% од нашите екосистеми се на раб на колапс, предупредува истражување спроведено во САД. Сè повеќе животни и растенија што го одржуваат здравиот животен баланс на Земјата се во ризик од истребување, а без нив, и ние нема долго да издржиме.

Една од најпознатите лица на англискиот климатски активизам, сведочи како во тие организации им се перат мозоците на членовите, наведувајќи ги на секакви глупости „за да ја спасат планетата Земја.“ Некои од младите се толку убедени дека нè чека апокалипса што се сигурни дека нема да доживеат ни 30 години. Кутри.

Уште еден дебакл на „увиѓајноста“ на идентитетските политики. Сериски педофил упропастувал детски животи како маж. Но, во меѓувреме решил да транзитира па бил осуден како жена и однесен во женски затвор. Од сето тоа, на полицијата најважно и е некој да не го навреди па да го рече машко.

Истражувачи од МИТ сакале да покажат колку вештачката интелигенција зависи од податоците кои ги добива па на свој алгоритам му покажувале злобни коментари од интернет. Им се родил психопат кој иако нема видено ниедно убиство, во сè гледа ужас и хорор. 

Судот во Мидлсбороу деновиве треба да реши што да се прави со Кло Томсон, 42 години, суштество кое сака да личи на жена но опремата му е машка а пустото сака да дига фустан и да го покажува тоа на јавни места. Кло до неодамна беше Ендрју и има двоцифрен број злодела, вклучително сексуален напад на малолетно лице.

Професорка по антропологија се сликала со древен череп од американски домородец. Насмеана. Будните СС дивизи од Твитер тоа не го пропуштаат па веднаш прават ишју: како тоа се смееш кога си со череп? 

Американската полиција си играла Мајнорити репорт па му донела реални проблеми на реален човек. Нивниот компјутер посочил дека тој ќе биде вмешан во некој вооружен злостор па почнуваат да го следат секаде, што на маалските битанги им отвора сомнеж дека тој соработува со полицијата. Штета што Рашковски немаше време да ували и ваков софтвер.

Клиниката Фрајдштад јавно се извини за „трагичната грешка“ затоа што на пациент му отсекла погрешна нога. Проблем е и што во пракса ова значи дека се уште има нога која треба да биде исечена.

Знаеш дека си претерал со пиење на божиќна ноќ ако си почнал да пиеш како Томас а си се разбудил како Селин Дион.

Вработените во канадската издавачка куќа на Питерсон се расплакувале поради најавата дека од нивната фирма ќе излезе нова книга на човекот кој ги вознемирува со своите ставови. А штом возрасни луѓе ќе се расплачат, со загриженост настапува „комитетот за диверзитет и инклузија“. Социјалистичкото самоуправување не беше до волку фејк.

Минимакс своевремено го пушти вицот за Ивица и Марица, прилично илустративен за духот на социјализмот: „Ивица кажувал политички вицови а после дошла марица“. За духот на ова време сведочи тоа што детските ликови излезени од фантазијата на браќата Грим не се опасни стриктно политички, туку и малку пошироко. А и тоа што нема ни виц за тоа.

Во 1906-та година, гинат Даме Груев и Петар Поп Арсов. Во 1906-та година, Холандија воведува задолжителна возачка дозвола за управување моторно возило. Во истата таа 1906-та година, во зоолошката во Бронкс е изложено црно момче, заедно во кафез со орангутани.

Човек од Самоа непотребно одлежал дополнителни 5 години затвор. Имал две затворски казни и требало да одлежи една од нив. Овој ги одлежал топтан. Никој не му кажал дека треба тоа поинаку. 

Не се зезајте, ова во Канада се смета за „лендмарк“ судски случај. Лице кое се претставува како жена закажува депилирање на своите интимни делови кај женски козметичарки, ќе дојде кај нив и ќе им ја падне вилицата кога пред очи ќе им ја истопори својата природна опрема која е скроз (1+2) машка. Овие ќе ја напудат од дуќан а таа после им бара отштета.

Оризот бил модифициран да содржи витамин А во зрната и така да се спасуваат милиони деца и луѓе кои умираат или ослепуваат од дефицит на овој витамин. Но комбинација на врескава анти-ГМО идеологија и недоречена регулатива ја уби идејата.

Како што вика познатата американска максима, во таа земја само две работи се задолжителни: да се плати данок и да се умре. Ако си богат, ова второто е со одложено дејство.

Трагајќи од старата кинеска мудрост „зошто да убиеш човек за пари, кога можеш да земеш пари и да му платиш на друг да го убие“, пет потенцијални убијци и еден нарачател завршуваат на суд во Кина.