Форд чека одобрување на патент за систем кој ќе им овозможи на нивните автомобили да ги нервираат корисниците со бескрајни нотификации, звучни сигнали и ѕвончиња па и да ја заклучат колата за сопственикот доколку пропуштил рата за плаќање.
Апликацијата, чедно насловена како „системи и методи за враќање на возилото“, во суштина е показна вежба како автомобил со софтвер поврзан на интернет - особено оној со способности за автономно возење - може да ги казни сопствениците за пропуштени плаќања.
Постојат десетици сценарија за казнување. Лизинг компанијата прво почнува да дрви за неплатените рати, потоа почнува оневозможување на некои функции: прво го затвора музичкиот систем, па ГПС-от, интеграцијата со смартфон и други функции кои „може да предизвикаат одредено ниво на непријатност кај возачот и патниците во возилото“.
Потоа, автомобилот ќе ја ескалира непријатноста гаснејќи ја климатизацијата и попат ќе активира „аудио компонента“ тоест бипер или ѕвонче што ќе биде „непријатно“. Ќе биде невозможно сопственикот да го прекине тој звук без да ја контактира банката и да реши да ги исплати ратите.
Ако не, следува „последна опомена“ пред автомобилот да почне да му се заклучува на сопственикот. На почетокот, тоа може да биде само за време на викендите, „дозволувајќи го користењето на возилото во текот на работните денови“ со цел да се избегне „негативно влијание врз егзистенцијата на сопственикот на возилото“. Или пак може да одреди „гео-ограда“ вон која не може да се вози.
Пазете ова, сопственикот ќе треба да покаже слики до надворешните камери на автомобилот за да докаже дека има итен медицински случај за да му се отклучи автомобилот и да стигне до болница.
Доколку заостанатите рати не бидат платени, доаѓаат и го земаат возилото. Доколку сопственикот физички го блокира, автомобилот повикува полиција.
Златни коњи и магаренца.
***********
Види и:
