Шемата со меме-монети „$Trump“ на Доналд Трамп остави два милиони поддржувачи со загуби од 4,3 милијарди долари откако нејзината вредност се намали од 45 долари на под 3 долари, тврди инвестицискиот аналитичар Стив Ратнер.
Раните инвеститори-китови, според него, заработиле 1,2 милијарди долари, а Трамп наводно заработил 600 милиони долари од провизии за тргување.
Гостувајќи во емисијата „Morning Joe“ на MS NOW, Ратнер прикажа графикони кои покажуваат драматичен пад на вредноста на меме-монетата на Трамп од нејзиното создавање до точка каде што е речиси безвредна.
Општо земено, Трамп создаде нешто наречено $Trump монета. И ќе се сетите дека малку подоцна имаше и монета од Меланија. Тоа е монета што не значи ништо. Тоа е како да купувате камен како домашно милениче, освен што дури и не добивате камен; нема вредност. Нема трговска вредност, не се користи во трговијата - ништо. Првично ги продадоа за 7 долари, а потоа вредноста им се искачи до 45 долари. Не е изненадување што паднаа, објаснува Ратнер.
Тој додава дека во почетокот на шемата се вклучиле 45 големи инвеститори, кои ја поттикнале манијата на купување и зголемување на вредноста на $Trump. Како што вредноста на криптовалутите пораснале, овие информирани „китови“, во кои можеби бил и Трамп, заработиле 1,2 милијарди долари.
Без оглед дали воопшто учествувал со рани вложувања, Трамп сигурно заработил околу 600 милиони долари од трговски такси.
Оние што изгубија беа 2 милиони невини Американци кои го купија ова нешто затоа што мислеа дека Трамп е одличен или што и да е. Тие изгубија 4,3 милијарди долари купувајќи нешто што вреди помалку од 3 долари, вели Ратнер.
