Вести › Набрзинка

Прв круг, втора мајка

30 октомври 2025

Во општините Гостивар, Врапчиште, Центар Жупа и Маврово нема да се гласа на вториот круг од Локалните избори 2025, закажан за недела, 2 ноември, затоа што на првиот круг не беше постигнат законскиот цензус од една третина излезност.
Според ДИК, излезноста изнесувала: Гостивар – 33,31%, Врапчиште – 25,18%, Маврово и Ростуше – 30,31%, и Центар Жупа – 21,49%.
Новата постапка мора да започне во рок од 60 дена по објавувањето на конечните резултати, без ограничување за минимална излезност.
Во 32 општини и во Градот Скопје вториот круг ќе се одржи како што е закажано. Првиот круг заврши во 44 општини.

16 февруари 2026

СДСМ остро го осуди настапот на српскиот претседател Александар Вучиќ (види овде - н.з), оценувајќи дека неговите изјави претставуваат навредливо и недолично однесување кон заменик-генералната секретарка на НАТО, Радмила Шекеринска.
Партијата вели дека Вучиќ е познат по тоа што ги навредува сите оние кои не ги делат неговите ставови или му пречат.
Вучиќ малициозно нагласил дека ‘оваа жена и луѓето кои доведоа до сецесија’“, па СДМС оценува дека нагласувањето на нејзиниот пол во политички контекст е понижувачко и ирелевантно за аргументите што ги изнесува.
Ваквиот речник не бил само личен напад, туку дел од поширок проблем на деградирање на жените во политиката.