До доцна во ноќта во Охрид се славеше првиот европски трофеј во историјата на клубот и на овој град. Ракометарите по втор пат го победија унгарскиот тим Татабања и заслужено со 11 европски триумфи стигнаа до пехарот. ЕХФ на своите профили на друштвените мрежи објави:

Ракометарите на Охрид се нови шампиони во ЕХФ Европскиот Куп откако и вечерва во реваншот во Охрид ја совладаа унгарска Татабања 31-25! Пред преполни трибини, пред повеќе од 4.000 гледачи Охриѓани одиграа во транс од прва до последна секунда. Јунак Јапонецот Јасухира со 9 гола.

По пауза од три години, РК Вардар го крена првенствениот пехар, број 17 во нивната историја. Во последното коло, во доста ефикасен натпревар се помачи против Бутел кој го доби со 36:34.

Охрид одигра јуначко финале на гостувањето против Татабања која ја совлада со 28:29 со голот на Дарко Ѓукиќ во последниот напад од средбата. Во еден момент имаа и +7. Ѓукиќ и Ивановиќ фантастачни со по по 7 гола, исто и Пилиповиќ со 12 одбрани. На спротивната страна Талески постигна 2 гола. Судиите имаа сомнителен критериум и доделија дури 10 исклучувања за македонскиот тим.

Историјата за македонскиот ракомет беше испишана на 19 мај 2002. Денот кога Македонија доби европски првак во името на Кометал Ѓорче Петров. Во реваншот падна Херц Ференцварош со 26-22, после поразот таму од два гола разлика. Крцаше легендарната Кале, но и плоштадот во Скопје. Точка на мечот стави Андријана Будимир на незаборавен начин, со цепелин на асистенција на Индира Кастратовиќ. Да се потсетиме на финишот од легендарното финале. Зоки заборави да земе воздух.

Македонската ракометна репрезентација ја растури Словачка во баражот за Светско. На гости со +7, дома +15. Кире ита напред со момците. „Мислам дека играчите растат во нашата лига. Презадоволен сум од пристапот“.

Словенија по тeсниот триумф минатата недела во Подгорица 28-29, синоќа пак тешко извојува нова победа над Црна Гора 31-29 (17-14) и обезбеди пласман на Светско првенство. Најтешка задача имаше Србија која играше против силната Унгарија и со селекторот Раул Гонзалес успеа да слави во двомечот.

Ракометната селекција на Македонија успешно го заврши баражот за Светско првенство. На десеттото мундијалско учество македонските ракометари се пласираа по нов триумф над Словачка, откако во Скопје славеа убедливо 38-23. Сега со нетрпение ги очекуваат групите.

Пред преполна сала во СЦ „Борис Трајковски“ најдобрите македонски ракометари ја совладаа Словачка убедливо 38:23 и после триумфот на гостински терен минатата недела, се пласираа на нов Мундијал 2027.

Македонската ракометна репрезентација славеше во Прешов со 31-24 и се наоѓа на чекор до пласман број 10 на Светските првенства.

Големиот Лино Червар прави кам бек во Македонија. Местото каде направи револуција со проектот Металург, потоа ја водеше репрезентацијата и произведе млад кадар. Овој пат доби задача во Еурофарм Пелистер каде се обврза на двегодишен договор. Битолчани со гордост го најавија.

Македонскиот ракомет блеска годиниве и на клупско и на репрезентативно ниво каде не се пропуштени Европски и Светски првенства во низа. За да така и остане, Македонија ќе мора да ја мине Словачка во баражот кој се игра прво на 14-ти мај во Прешов на гости, па потоа во Скопје во „Борис Трајковски“ од 19:00 часот.

Клупскиот ракомет оди напред во Македонија и создава четворка која допрва очекуваме да носи квалитет, неизвесност и возбуда. Еурофарм Пелистер лани беше првак, а сега Вардар. Алкалоид е актуелен освојувач на Европскиот Куп на ЕХФ, а годинава таму финале обезбеди Охрид кој за трофејот ќе се бори со Татабања. Кој вели дека имат анимозитет меѓу охриѓани и скопјанишчана? Класа потег направија во чест на тазе шампионот. Браво.

Дербито во Јане Сандански го немаше шмекот на трибините со двете навивачки групи поради отсуството на битолчани. Но, Комити сепак беа спремни со транспаренти. Ова е најинтересниот, со класичен битолски дијалект кој се однесува на завршувањето на серијата на Пелистер од три титули по ред.

РК Вардар 1961 е нов шампион на Македонија откако синоќа во големото дерби убедливо со 15 гола разлика го совлада најголемиот ривал Еурофарм Пелистер 34-19 и математички ја обезбеди титулата.

Титулата од Битола се сели во Скопје, откако Вардар го декласираше Еурофарм Пелистер со 34-19 со што и математички е шампион. Комити не го забораваат славјето на Филип Кузмановски, кога лани ова време се пентареше среде Јане Сандански, за да слави титулата со своите навивачи, па направија пародија од тоа.

Српскиот стручњак на клупата на ГРК Охрид Борис Ројевиќ прави фантастични резултати, во согласност со целите на клубот и составот кој го има на располагање. Вели дека му е право уживање во Охрид да работи и да живее, дека луѓето го застануваат на улица да им дадат поддршка и да помуабетат. „Охриѓани се многу добронамерни“.

Автентично и изворно, околу 2.000 гледачи во салата „Билјанини извори“ пред почетокот на реваншот РК Охрид - Целје во полуфиналето на Европскиот Куп на ЕХФ, ја згрмеа легендарната песна „Лихнида кајче веслаше“. „Рибарите“ се пласираа во големото финале после драматична пенал серија со словенечки Целје.

Ракометарите на Охрид го остварија најголемиот успех во клупската историја откако се пласираа во големото финале на Европскиот Куп. На реваншот одигран во преполната сала „Билјанини извори“, Охриѓани го совладаа словенечки Целје на пенали 4-3 откако во основниот дел резултатот беше 25-24.

Вардар го доби Алкалоид со 30-27 и сега е на само еден бод до титулата во Суперлигата. „Црвено-црните“ ги собраа своите легенди во салата „Јане Сандански“ по повод 65. роденден, а ракометарите настапија во специјални ретро дресови.

Вардарци се спремаат за роденден на дуелот против Алкалоид, закажан за в четврток од 18 часот, а претходно ќе има и забава пред салата Јане Сандански. Миленикот на Комити, популарниот „Вујо мајсторе“ испрати порака пред спектаклот: Вардар е најголемиот клуб кој го дала Македонија.

Вардарци во четврток против Алкалоид ќе настапат со ретро дресови, специјално дизајнирани за мечот од 6.коло во плејофот кој е закажан за 18 часот. Час и половина претходно ќе има фан зона. За 65-от роденден, клубот најавува и документарец.

Милан Лазаревски е главен за забава во РК Вардар и за песна со навивачите. Купот почна да го слави со нив во сала, а потоа продолжи во кафанска атмосфера со хитот кој им стана број 1.

Екипата на РК Вардар 1961 го одбрани пехарот во Купот на Македонија и стигна до 18-ти пехар во ова вредно натпреварување. Во големото финале црвено-црните го совладаа Охрид 24-23. МВП на финалето беше најдобриот стрелец Јака Малус со 8 погодоци. После мечот Вардарци славеа со Комитите кои допатуваа во Струмица а на нивниот дел од трибината се качи капитенот Лазаревски кој водеше навивање.