Во преполниот Јане Сандански Вардар го совлада Еурофарм Пелистер со резултат 31:23 (15:12). Леон Љевар со 7 гола и Мигел де Силва со 6 гола беа најдобри поединци во победничкиот тим.
Прв стрелец кај гостинот и воопшто на натпреварот беше Филип Кузмановски со 9 гола. Најголемата помош ја доби од Жарко Пешевски со 4 гола.
Иван Чупиќ го надмудри својот довчерашен селектор во нивната прва хрватска пресметка на македонско тло.
Со овој триумф во 9. коло, Вардар останува единствената екипа со 9 од 9 натпревари и е лидер во Суперлигата, додека за Еурофарм Пелистер ова беше прв сезонски пораз.
Гледајте и уживајте во неделниот ракометен празник.
