Голема победа на Пелистер, во Битола после 29 години падна бундеслигаш!

Ракометна Битола конечно дочека голема европска победа. Синоќа во градот на конзулите падна бундеслигашот Гумерсбах, германска екипа која има одличен состав. Пелистерци губеа во текот на голем дел од натпреварот, на полувреме Германците имаа и +5 (9-14) но зелено-белите направија пресврт во вториот дел и заслужено славеа 29-28.

Најдобри стрелци беа Кузмановски со седум гола, Нтанзи даде пет а Ристевски четири. Никола Митревски запиша дури 15 одбрани. Кај Германеците Вујовиќ погоди осум пати. „На момците им кажав дека вечерва може да испијат по едно пиво и веднаш назад во кревет“, изјавил искусниот Лино Червар после мечот.

Пелистерци после 4 кола во Европската Лига на ЕХФ имаат 1 победа, 1 нерешена и 2 порази и се на последно место со 3 бода колку што има и шпански Логроњо на трето место. Полски Вибрежје е прв со 6 бода во групата а Гумерсбах има 4 на второ место.

Последен силен германски бундеслигаш кој падна во Битола беше познатиот Флензбург и тоа во ноември 1997 година кога во тогашниот ЕХФ Куп Пелисер славеше 27-24. Година дена претходно во 1996-та Пелистерци го урнаа Лемго пред точно 30 години во култен натпревар кој ден-денес се раскажува.

Standings provided by Sofascore
18 ноември 2026 - 15:03