Не бе, не нè бива. И на пријателска очи ќе си извадиме. Ама тоа е кога постојат идиоти од навивачи кои ја уништија пријателската меѓу ТФТ и Чаир 2030 и испратија лоша порака до младината за тоа како НЕ  треба да се води навивачка трибина. Тренерите и на двете екипи се обидувале да ја смират тензијата, ама џабе. Нападнат е капитенот на ТФТ, Едис Нури и тоа дрско со боксови од страна на неколку бараби.

Прво правиш здраво живо со Ван Нистелрој, па со Ерик Тен Хаг кој на лице место ти го потпишува дресот, а ако имаш среќа ќе фрлиш и два грама муабет со некој од играчите. Позицијата е ептен ексклузивна, ко на клупа за резерви да си. Па уште и победа од 7:0 гледаш, во Лига Куп против Барнли, кој се одигра во вторникот.

Германските клупски навивачи се број 1 во Европа по многу параметри. Најмногу по бројноста на гостувања каде одат и по десетина илјади. Во вторникот во Мадрид на меч со Реал дошле околу 10.000 навивачи на Штутгарт. Сите во црвено, стокмени, скоцкани под конец.

Селтик со 5-1 го растури Слован Братислава во 1. коло од новата сезона во Лига на шампиони. Пред мечот навивачите на шкотскиот тим со громогласна бука ја испратија химната на ЛШ, а гостинскиот фудбалер кој некогаш играше за Вардар, Тигран Барсегјан уживаше во моментот со соиграчите кои првпат настапуваат во Лига на шампиони.

Навивачите од Јужна трибина на стадионот „Сан Сиро“ кои го бодрат Милан, на дуелот против Венеција извадија парола во знак на поддршка за нивниот некогашен миленик кој неодамна го загубил својот 20-годишен син.

Стотици навивачи на Ајакс Амстердам се решиле за голем протестен собир пред зградата на полицијата. Причина: полицискиот синдикат веќе 2-3 недели е во генерален штрајк па натпреварите кои ги игра Ајакс на домашен терен не можат да бидат обезбедени. Навивачите не биле на стадион со денови па им прекипело и бесот го искалиле баш кај нивниот најомразен ривал, полицијата и тоа на „гостински“ терен.

Во Амстердам во вторникот вечер Холандија и Германија го одиграа големиот европски класик во Лига на Нации кој заврши 2:2. Преку 50.000 гледачи го следеа дербито а домашните навивачи направија права техно рејв журка, исто како на Европското во Германија.

На култниот „Луиџи Ферарис“ играат Џенова и Сампдорија, вековни градски ривали. И кога играат едните и кога играат другите зад двата гола има прекрасна атмосфера, една од најубавите во Европа. Безбројни барјаци, тапани, конфети, бакљи, петарди, огномети.

Игор Петков од Радовиш е сериозно јак колекционер на картички и сликички од фудбалери. Со ова хоби се занимава од СП 1990 и има безценета колекција за која одбива многу пари. Држи сè и сешто. Од Сократ Мојсов, Џина, Дојчиновски, Панчев, Станојковиќ до Пандев, Елмас, Барди, Ристовски. Бил и на саем за изложба на колекционерски предмети во Загреб, како единствен македонски претставник.

Катанија и Беневенто ги знаеме како прволигаши, а сега се дел од Серија Ц. Но тоа со ништо не ја намалува страста на нивните навивачи кои направија спектакуларно шоу во 2. коло. Секоја чест.

ФК Вардар доби спонзор од 1 милион евра годишно, но нешто не штима на стартот на новата сезоната. Скорот им е 3 порази и само една победа. Комити пред десетина дена упатија последна опомена до управата, а денеска сплотено во круг испратија порака до раководството, стручниот штаб и фудбалерите.

На 24-ти август почна новата сезона од германската Бундеслига. Стадионите како по обичај крцаа до последно место и немало игла кај да падне. Борусија Дортмунд чии навивачи „со две нозе влегоа“ во новата сезона, имаше најголема посета досега. Еве како било во прва, втора Бундеслига и трета лига.

За време на дуелот Монако - Ленс во француската Лига 1 кој заврши 1:1 со голови буквално во последните минути од мечот, гостинските навивачи добиле убаво освежување од домаќинот. Со јак шмрк вода.

На мечот Раднички Крагујевац - Црвена Звезда топовски удар бил фрлен од страна на навивачите од Крагујевац а најдебелиот крај го извлекол словенечкиот репрезентативец Вања Дркушиќ кој го имаше дебито за белградскиот клуб.

Словенечка Олимпија Љубљана ја прегази Ријека со 5-1 и со вкупен резултат од 6-1 се пласираше во Лига Конференции. Околу петстотини навивачи на хрватскиот клуб кои дошле во Љубљана се судриле со домашните навивачи, па со полицијата а на крај „Армада“ палела и пиротехника и фрлала на терен за време на мечот. Овие два тима, со оглед на географската близина на градовите, одамна уште од време на поранешна Југославија се големи ривали.

Во Франција цело лето се водат битки за фудбал да се игра преку викенд а не преку недела. Откако илјадници претплатници се откажале летово да платат за тв преноси од каналот БеИН спортс и решиле да бараат шверцерски преноси, сега и во втора Лига2 настанал проблем. Навивачите протестираат против фудбал преку недела и сакаат да остане фудбал само за викенд.

Ако некаде може да се доживее најјаката кошаркарска атмосфера во Европа и пошироко, тоа е дефинитивно на натпреварите на Партизан. Чекај да видиш како го најавија составот за новата сезона. Со помош на „Црно бела симфонија“ која ја изведе химната на Евролига, а потоа и неофицијалната химна на Гробари „Da volim crno-bele“. Многу моќно.

Во германскиот Куп првпат после години немаше сензационални победи на нисколигаши над познатите прволигаши на стартот од ова натпреварување. Баерн го совлада ССВ Улм 0-4 на гости а Борусија Дортмунд против четвртолигашот Феникс Либек играше во Хамбург на барање на ривалот.

Серија А со години е неосновано омаловажувана од квази фудбалски зналци, а истата од година во година прави супер резултати на европска сцена и е при самиот врв според резултати во еврокупови. Еве колку сезонски карти се продадени досега кај клубовите во Серија А.

Јаден тој. Него супер прошол. Замислете ја сценава со Лацио - Рома или Бока - Ривер.

Култниот стадион веќе со години е во лоша состојба, односно на многу места покривот прокиснува при силен дожд па често во сезоната се случува по натпреварите навивачите дома да се вратат утоп мокри. А на последниот дуел со Фулам некој сезонец дошол со бормашинче за да си го стегне столчето кое било расклатено.

Вечните ривали Вардар и Пелистер се судрија уште во 2. коло од новата сезона во првата македонска лига. Го добија домаќините со 1:0, во прекрасна атмсофера на Градски, под рефлектори и со присуство на двете навивачки групи кои направија пиротехничко шоу. Комити како домаќини беа во драстично поголем број од Чкембари, а имаа подготвено и кореографија.

Ќе речеш сезоната уште не е почната и ова се уште квалификации за Европа, плус топло надвор. Не бре брате, за навивачите на Ајакс нема топло. Погледнете ја увертирата пред мечот со Панатинаикос.