Навивачите на Вардар, во согласност со ракометниот и фудбалскиот клуб најавуваат голема и масовна прослава на шампионските трофеи. Во недела после дуелот, во Градски парк на популарната „Школка“ ќе се одржи славјето на титулите во 20:00 часот.
Најавена е свирка во живо, неколку бендови, штандови за храна, пијалаци и многу црвено-црна забава.
На навивачите на Вардар им се погоди токму рптови големиот ривал Шкендија во недела да ја одржат шампионската прослава. Меѓу овие два клуба и покрај ривалитетот, се очекува меѓусебно уважување а зошто не и шпалир од гостинските фудбалери, по примерот од најголемите европски лиги.
Комитите веќе најавија средба, јавен состанок на кој ќе се прецизираат сите детали околу прославата, шампионскиот коридор низ Скопје и финалната забава во Градски парк.
