Марта Кос жали што била изведена „српска националистичка песна за Косово“
-
Еврокомесарката за проширување Марта Кос изрази жалење за изборот на песната што ја изведоа музичарите на концертот со кој се отвори годишниот Форум на Европската унија за проширување во Брисел, нагласувајќи дека таа на никаков начин не ги одразува ставовите на Европската комисија.
-
На концертот „Мелодии на единство: Хармони од европските крстопати“, била претставена музика од земјите од регионот. За Косово беше избрана песната „Ој Косово, Косово“, позната и по воведните стихови „Од Косово зората се раѓа“.
-
Песната таму била изведена инструментално, без текст.
-
Главниот преговарач на Приштина во дијалогот со Србија, косовскиот амбасадор во Белгија, Агрон Бајрами, жестоко го осуди изведувањето на песната оценувајќи дека таа промовира територијални претензии. Бајрами побара итно објаснување од Европската комисија и комесарката Марта Кос.
-
„Песната не претставува „територијално барање“, туку е дел од повеќевековна народна и епска традиција. Косовскиот циклус песни настанал по Косовската битка во 1389 година а во 19 век го забележал Вук Караџиќ. Ако песната за сопствената историја се смета за „иредентизам“, тогаш би морало да се забрани половина од фолклорното наследство на Европа,“ пишува корисник на Икс.