Тотално необична кореографија на дуелот Оснабрик - Баерн Минхен

Германскиот Куп почнува со учество на најсилните клубови уште во рана фаза во овој период од годината, па често се случува гигантите да играат со некој второлигаш, третолигаш, четвртолигаш. Баерн Минхен синоќа гостуваше кај новиот второлигаш Оснабрик кој направи големо изненадување кога прв поведе уште во 5' минута, но до крајот гостите победија 1-4 со два гола на Хари Кејн. Најинтересен момент од дуелот беше кореографијата на домашните навивачи кои направиле прав ролеркостер во буквална смисла.

Навивачите на Оснабрик го претвориле стадионот „Бремер Брике“ во тематски парк. Направиле права конструкција за ролеркостер и пуштиле вагон да вози низ шините на нивната трибина. Во вагончето имало маскирани ултраси кои се спуштаа и качуваа низ масата навивачи.

🤩🎢 Tifo game on point! VfL Osnabrük ultras with a fully functioning roller coaster display against Bayern München in the German Cup! 💜🇩🇪 #OSNFCB pic.twitter.com/xOHDbeEz68
— goalpostFC (@GoalpostFC) September 2, 2026

View this post on Instagram

A post shared by 20 Minuten Sport (@20min.sport)

Што се однесува до натпреварот, ова беше прво коло на германскиот Куп познат како ДФБ Покал. Домаќините кои сезонава се нови второлигаши откако влегоа годинава од трета лига, поведоа први на радост на навивачите. Стрелец на голот Робин Мејснер уште во 5' минута.

Но Баерн Минхен брзо се прибра и прво израмни преку Хари Кејн во 18-та минута а потоа и поведе преку Том Бишол во 24-та минута. Микаел Олисе постигна прекрасен гол за 1-3 во 73' минута а Кејн од пенал во 86-та ги постави конечните 1-4.

Баерн играше во речиси најсилен состав со Кејн, Луис Диаз, Мајкл Олисе, Џошуа Кимих, Џонатан Та, Ким, Јосип Станишиќ како и новајлијата кој за 50 милиони евра дојде од ПСВ Ајндховен, Исмаел Салибари.