„На крајот го дочекавме моментот. По цели шест години борба се радувавме на новата титула која зад себе остави многу жртви, но која вечно ќе го симболизира црвено-црниот непокор и силата на Вардаровите навивачи! Вардар во срцето, Македонија во душата!“, напишаа најверните навивачи на Вардар.

Навивачите на Манчестер Сити ќе мора да се помират со крајот на ерата по име Пеп Гвардиола 2016-2026 или во превод 20 трофеи. Со таа бројка се закити и Бернандо Силва. Португалецот го изнасмеа Шпанецот.

Бројот 10 е на ептен видно место, кое од авион може да се види. Трите ѕвезди се подолу, а сината небесна боја очекувано доминира. Аргентина може да полета и да го брани мундијалскиот трофеј.

Едните имаат седум европски титули, а последната им е во 2007-ма. Другите се двократни европски прваци, кои барем во поново време играа три финалиња. Во 2003-та загубија токму од Милан, а потоа во 2015-та и 2017-та се соочија против Барса и Реал. Нема утеха другари кога знаете дека Комо е појак.

Кливленд се соочи со чистка во финалето на Истокот од 4:0. Точка на доминацијата беше ставена во четвртиот натпревар, кој Никси го добија со неверојатни 130:93.

Сезоната 2025/2026 во Премиер лига донесе нови големи успеси. Арсенал конечно го разби малерот и стана шампион. Историја се случи и во таборот на Манчестер Јунајтед. Бруно Фернандеш стана првиот со 21 асистенција во една сезона. Тјери Анри и Кевин Де Брујн имаат по 20.

Откако Арсенал ја заврши предвреме и ја завери титулата после 22 години, очите во последното коло останаа вперени во Лондон. Тотенхем - Евертон 1:0, Вест Хем - Лидс 3:0. Тотенхем се спаси, Вест Хем е второлигаш заедно со Барнли и Вулверхемптон.

Седумкратниот првак на Европа си ја уништи сезоната. Од прв на табела, на крај заврши петти после дебакл дома со Каљари (1:2). Во Лига Европа друштво ќе му прави Јуве. Комо, градче со 84.000 популација ќе има претставник во ЛШ за прв пат во историјата. Во елитата одат и Наполи и Рома.

Охрид одигра јуначко финале на гостувањето против Татабања која ја совлада со 28:29 со голот на Дарко Ѓукиќ во последниот напад од средбата. Во еден момент имаа и +7. Ѓукиќ и Ивановиќ фантастачни со по по 7 гола, исто и Пилиповиќ со 12 одбрани. На спротивната страна Талески постигна 2 гола. Судиите имаа сомнителен критериум и доделија дури 10 исклучувања за македонскиот тим.

Вардар и официјално ја завери и прослави шампионската титула број 12, прва во последниве шест години. Во последното коло само ја потврди доминацијата оваа сезона и ја растури Шкендија со 3:0, на која и се одлепи со 9 бода. Комити славеа на големо и тоа две ноќи по ред. Им се придружија Милан Лазаревски и Гоце Геогриевски.

Принцот Вилијам е голем навивач на клубот од Бирмингем. Уште од млад ја засакал Астон Вила па ја следи со години на „Вила Парк“. Тој и стотици илјади други навивачи на овој клуб доживеаа да го освои првиот европски пехар после 25 години (во 2001-ва освоија Интертото Куп). Сега стигнаа до трофејот во Лига Европа. Додека се доделуваа медали некој му заѕвонел на британскиот принц. Им спуштил.

Драги Топџии, нема да видите ништо поубаво по интернетов деновиве на тема Арсенал.

Кога ќе видиме какви тезгериња ќе играат за Бразил на Светско првенство (со исклучок на некои добри играчи), носталгично се сеќаваме на едно време кога „кариоките“ имаа вакви мајстори како Ривалдо:

Вака е многу посимпатично отколку со нашине драмолетки деновиве на фудбалско навивачката напната сцена.

Маркетингот на учесниците на Светско им е пуштен на најјако. Сите промотивни видеа со составите на играчите на кои налетавме до сега, се одлично скоцкани и ептен гледливи. На ред е Англија.

Ако треба да се направи избор за најјака одбрана за 2026-та од пенал, огласот за пријавување е затворен. Победник е голманот на Кавасаки Фронтале на мечот против Мачида во јапонската прва лига.

Тотенхем - Евертон и Вест Хем - Лидс се двојките на кои ќе се внимава во недела со почеток од 17 часот. Вест Хем е во голема невоља, бидејќи има само еден начин да се спаси, а тоа е да победи, а нивните градски ривали да загубат. Има и втор, ама нека го заборават.

Јули 2016 - мај 2026. Завршува 10 годишната ера на Пеп на Етихад. Најуспешниот тренер во историјата на Манчестер Сити со 20 трофеи: 6 титули во Премиер лига, 5 Лига Купови, 3 ФА Купови, 3 Комјунити Шилдс, како и по една Лига на шампиони, Светско клупско првенство и Суперкуп на УЕФА. Каталонецот кој направи револуција во клубот, ќе остане и понатаму поврзан со клубот, овој пат во улога на глобален амбасадор, работејќи на специфични проекти и соработки.

Некои поубави, помирни времиња, кога Светско првенство не беше како сега со 48 репрезентации од кои на некои не знаеме да им го изговориме името. Мундијалот 1986 во Мексико е култен, еден од најдобри во историјата. Аргентина стана шампион со Марадона, Германија беше втора а најдобар стрелец беше Гари Линекер со шест гола.

Уште од 1986-та година не се случило вакво нешто. Во репрезентацијата на Англија не е повикан за Светско првенство 2026 баш ниту еден фудбалер на Ливерпул.

Со новото име „Телеком Центар“ прекрасната Арена во Атина викендов ќе биде домаќин на Фајнал Фор борбите за пехарот. Капацитетот за кошаркарски натпревари е 18.500 гледачи, а се очекува најбројни да бидат навивачите на Олимпијакос и Фенербахче. Нешто помалку симпатизери ќе имаат Реал Мадрид и Валенсија.

Уште недочудени од голот кој го примија како во маало, да ти имало уште една смејурија од истиот меч меѓу Расинг и Каракас во Судамерикана. Овој пат со најбавната реакција на играч во ситуација сам на празен гол.

Еден од најгенијалните фудбалери кои овој регион ги изродил, Дејан Савичевиќ кого Берлускони во Милан го завика баш така „Дејо Геније“, вели дека уште жали поради санкциите поради кои како репрезентација на Југославија не отидоа на Европско првенство 1992, Светско првенство 1994 и Европско првенство 1996. Во најдобрите фудбалски години на Савичевиќ, Југовиќ, Мијатовиќ, Пикси Стојковиќ, Бата Мирковиќ, Јокановиќ и многу други... 

Расинг од Аргентина и Каракас од Венецуела одиграа 2:2 во Судамерикана, натпреварување кое е пандан на Лига Европа. Не паметиме дали воопшто сме виделе некој да прими ваков гол. Нереално.