Репрезентацијата на Србија ја победи Андора со 3-0 во натпревар од групата К во квалификациите за Светско првенство 2026. Сите три гола беа дело на луцидниот центарфор Александар Митровиќ кој го одигра својот златен 100-ти јубилеен натпревар за Србија. Си се почасти со хет-трик со голови во 12-та, 24-та и 53-та минута. На крајот е награден со плакета од првиот човек на Фудбалскиот сојуз на Србија Драган Ѓајиќ и со аплаузи од гледачите и соиграчите во Лесковац.

Сифиве Шабалала, брзото лево крило на репрезентацијата на Јужна Африка го постигна најубавиот погодок на отворање на едно Светско првенство. И тоа во неговата земја, во 2010-та година кога во 55' минута од мечот против Мексико постигна прекрасен гол кој таа година беше номиниран за наградата „Ференц Пушкаш“ која ја доделува ФИФА.

Во третиот натпревар од големата финална серија на НХЛ, хокеарите на Флорида и Едмонтон се пресметале физички, тепачка што е дозволена во хокејот до одредени граници од судиите. Флорида Пантерс води со 2-1 во серијата против Едмонтон Оилерс. Следниот натпревар се игра повторно на Флорида.

Младиот англиски фудбалер Џоб Белингем денес е претставен како ново засилување за Борусија Дортмунд. Џоб (19) е помлад брат на суперѕвездата Џуд Белингем од Реал Мадрид кој исто така својата класа ја потврди преку Дортмунд пред да дојде во Реал. Џоб и Џуд ја почнале кариерата во Бирмингем. Потоа Џоб продолжи во Сандерленд со кого сезонава имаше огромен успех и преку финалето на баражот во Чемпионшип се пласираа во Премиер лига. Борусија за него плаќа 33 милиони евра плус евентуални 5 милиони евра од бонуси. Игра во средниот ред и покрива повеќе позиции како централен играч за врска.

Една фотографија која ќе стане култен кадар била дело на фоторепортер кој добил многу награди за слика на годината. А главниот јунак ден-денес се жалел за тоа што го направил и чувствувал каење.

Ламин Јамал е дефинитивно играчот кој ја одбележа сезонава 2024/2025. Освои Европско првенство со Шпанија лани, па со Барселона освои шампионска титула во првенство и трофеј во Куп. Играше и во финале на Лига на Нации. Дава голови и асистира како Меси и Пеле во исто време. Има 17 години, уште е малолетен и постарите му укажуваат некои работи. Како на пример Гути кој вели: „Не можеш да се појавиш на прес-конференција со капа наопачки свртена. Тоа можеш да го правиш на плажа, не и на прес“.

Во финишот од дуелот Италија - Молдавија (2:0) во рамки од квалификациите за Светско првенство 2026, режисерот на преносот кој одел на РАИ уловил одличен момент - полна Месечина. Поинтересна глетка за гледачите од она што се случувало на теренот.

Триесет и едно годишниот центарфор на Олимпијакос, Мароканецот Ајуб Ел Каби синоќа постигна прекрасен гол во победата од 1-0 против Бенин во пријателска средба.

На Ролан Гарос се играле историски, епски дуели за пехарот. Во неделата таков еден одиграа Карлос Алкараз и Јаник Синер. Италијанецот имаше огромна предност од 2:0 во сетови а во еден момент и доби 3 меч топки за конечно да го реши финалето. Шпанецот се издигна од пепелот, направи страшен пресврт и на крај победи 2:3 во сетови!

Најдобриот тренер на денешницата Пеп Гвардиола добил почесна титула на славниот Универзитет во Манчестер. При говорот од говорницата зборувал и за Газа.

Белгија и Велс одиграа натпревар преполн со голови, паднаа дури 7 погодоци а на крајот славеа Белгијците 4-3 со гол на долгогодишниот капитен на Манчестер Сити Кевин Де Брујне во 88' минута од мечот. Претходно Белгија имаше огромно водство од 3-0 но Велс направи чудо и израмни на 3-3. Сега во групата во која е и Македонија, црвено-жолтите остануваат први со 8 бода, меч повеќе од Велс кој е втор со 7 бода. Белгија е трета со четири бода но има и два натпревари помалку.

Некогашната НБА ѕвеза Демаркус Казинс е исклучен и исфрлен од натпревар во првенството на Порторико по една голема расправија со навивачите која ескалираше во физички судир додека Американецот го напушташе паркетот.

Фудбалската репрезентација на Македонија забележа исклучително важен триумф, на тешкото и далечно гостување во Казахстан 0:1. Со оваа победа на тешкиот терен на вештачка трева Македонија сега има 8 бода и е прва во групата пред Велс кој има 7 и утре игра со Белгија во Брисел.

Италија претрпе дебакл во Норвешка (3:0) во својот прв меч од квалификациите за Светско првенство 2026. Цената ја плаќа селекторот Лучано Спалети кој веќе добил отказ од претседателот на фудбалскиот сојуз на Италија Габриеле Гравина кој бил бесен и рекол дека начинот на кој е изгубен тој меч е неприфатлив.

Годините се само број за легендарниот капитен на Рома и италијанската репрезентација. Франческо Тоти на 48 години на пријателски меч меѓу фудбалски легенди, ветерани, постигнал гол од преку половина терен!

Португалија може да се пофали дека е единствена селекција во Европа со два пехари во Лига на Нации. Откако го освоија првото издание на овој турнир на УЕФА, Португалците сега ја совладаа Шпанија во ново финале. По 2:2 во основниот дел, на пенали Кристијано и другарите победија 5:3 на пенали. Алваро Мората единствен промаши за Шпанците, а Роналдо на крајот се распалака од среќа.

На свеченото доделување медали и пехар од Александар Чеферин првиот човек на УЕФА, целата репрезентација на Шпанија ѝ аплаудираше на Португалија во своевиден шпалир. Само Ламин Јамал веројатно не можел да го прифати поразот, не аплаудирал и порано заминал накај соблекувална.

Фудбалската репрезентација на Португалија е освојувач на овогодинешната Лига на Нации откако во големото финале ја совладаа Шпанија на пенали. Во основното време резултатот беше 2:2.

Кошаркарите на Оклахома Сити Тандер со 123:107 ја совладаа Индијана Пејсерс во вториот натпревар од големото финале на НБА.

Шпанскиот тенисер Карлос Алкараз направи неверојатен подвиг откако во најдолгото финале во историјата на Ролан Гарос со 3:2 го победи Јаник Синер после огромен пресврт откако губеше 0-2 во сетови и спаси дури три меч топки!

Вечерва во Тирана се одигра долго очекуваниот натпревар од квалификациите за Светско првенство 2026 меѓу Албанија и Србија. Во нашето соседство беше опсадна состојба пред дуелот од највисок ризик кој на крајот заврши без голови 0-0. Во финишот од првиот дел, во судиското продолжение, Албанија доби пенал. Српскиот голман Ѓорѓе Петровиќ кој е најдобар голман на сезоната во француската Лига 1, го одбрани пеналот кој го изведе Реј Манај.

Вардар имаше сè во свои раце. Црвено-црните сезонава два пати го совладаа големиот ривал Еурофарм Пелистер, еднаш во првенство среде Битола и еднаш во финалето на Купот во Охрид. Во Скопје во последното коло од сезоната на Вардарци им играше и реми за шампионска титула. Сè беше спремно за прослава. На крај Филип Кузмановски и зелено-белите ја растурија забавата, славеа 30-32 и ја освоија шампионската титула. Околу 300 навивачи на Пелистер ја прославија најслатката победа откако го бодрат својот клуб.

Вечното ракометно дерби меѓу Вардар 1961 и Еурофарм Пелистер кое уште долго ќе се раскажува и кое го добија гостите 30-32 за шампионска титула на теренот на најголемиот ривал, започна со убав настап на детски хор. Момчиња и девојчиња, со учителката Маја од градинката „РОСИЦА“ од општина Ѓорче Петров ја испеаја песната „Ој Вардаре македонски“ а ним им се придружија и илјадници грла од трибините.

Во најдраматичната сезона во историјата на македонската ракометна Суперлига, Пелистер го совлада Вардар на гостински терен среде Скопје 30-32 (17-15) и ја освои шампионската титула во последното коло!