Со голот на Расмус Хојлунд во 75-та минута Наполи на многу тежок начин ја совлада Џенова со 2-1 и остана лидер на табелата. Откако е дојден во Наполи Данецот постигна 5 гола и уште еднаш докажа дека неговите слаби игри во Манчестер Јунајтед биле рефлексија на лошата атмосфера во англискиот клуб. Во Неапол игра како препорден. А Џенова која прва поведе во 33-та минута со голот на Џеф Ехатор покажа неверојатна воиграна акција. Израмни Ангуиса со гол во 57' минута.

Лил и ПСЖ одиграа 1:1 во 7. коло од францускиот шампионат. Гостите поведоа преку Нуно Мендеш во 66-та минута, кој постигна еврогол. Израмни 18 годишниот Итан Мбапе на 5 минути до крај. Килијан беше во еуфорија за голот брат му кој го спречи фаворитот да си оди дома со 3 бода.

Поради големата влажност во атмосферата, Новак Ѓоковиќ на дуелот против Хафман на турнирот во Шангај на два пати повраќал, еднаш на крајот од теренот а вториот пат покрај својата клупа. И други играчи се пожалиле на мачнини поради големата влажност.

Фудбалерите на актуелниот шпански шампион Барселона претрпеа тежок пораз на гостување во Андалузија. Севиља после ги декласираше со 4-1 (2-1). Победа на домаќинот им ја донесоа Алексис Санчез во 13-та минута, Исак Ромеро во 36-та, Хозе Анхел Кармона во 90-та и Акор Адамс во 90+5' минута од судиското продолжение. Гол за Барса даде Маркус Рашфорд на истекот на првиот дел.

Две недели откако го постигна деби голот за новиот клуб во Лига Купот против Хиберниан, Бојан Миовски за прв пат стрелаше за Ренџерс и во шкотската Премиер лига. Македонскиот напаѓач во 41 минута го отвори резултатот на гостувањето против Фалкирк, но гостите израмнија на 17 минути до крај.

По тешкиот историски пораз од Атлетико Мадрид (5:2) во градското дерби, Реал Мадрид се издигна и најпрво славеше на далечното гостување кај Каират Алмати во Казахстан во Лига на шампиони (0:5), а синоќа и на „Сантијаго Бернабеу“ 3:1 против сериозниот Виљареал.

Ливерпул во една недела загуби од Кристал Палас, Галатасарај и Челси. Твитерот гори.

Арне Слот е во проблеми. Ливерпул губи три меча во една недела од кои два во Премиер и еден во ЛШ. Дербито на колото го реши 18 годишниот Естевaо и тоа со неговиот дебитански гол во дресот на Челси за конечни 2:1. Атрактивен гол даде Моисес Каиседо во 14 минута, а за гостите погоди Гакпо.

Дебито на македонската кошаркарска репрезентација на почеток на 90-те бил бурлески. Патувале до Полска над 30 часа со два автобуси и два авиони, додека БиХ и Црна Гора стигнале со чартер. Имале одела, ама немале дресови на Македонија, туку на Работнички. Циркузи.

Кај освоил 5 трофеи, па уште и се појачал јако. Фукнал 134 милиони фунти за еден негов репрезентативен колега, кој ќе го покажат во кадар.

„Кошарката ми даде сè, но приказни како нејзината ме потсетуваат зошто играме.“

Салата Јане Сандански ќе биде збирното место на еден од најголемите спортски настани во поновата македонска историја, ревијален ракометен спектакл „Легендите на сцена“.

Партизан ја совлада Олимпија Милано 80:78 и ја забележа првата победа во новата сезона од Евролига. Овој натпревар беше тесен до самиот крај, гостите имаа и шут за израмнување или победа. Во еден момент се случи чудна епизода кога Аргентинецот Леандро Болмаро падна сам меѓу двајца играчи на Партизан а судијата му досуди лична грешка на Џабари Паркер кој го доби петтиот прекршок и мораше надвор од игра. Непостоечки фаул.

Холандскиот тенисер Ботик ван де Зандшулп направи голем скандал на почеток од Мастерс турнирот во Шангај, откако во првото коло фрли рекет кон публиката и за малку не удри неколку луѓе во публиката. Не добил никаква суспензија.

31-годишниот познат словенечки алпинист кој се качува по карпи, Домен Шкофик се решил на луд подвиг: да направи една тура од едното до другото крило на авион кој летал со 100км на час на повеќе од 2.500 метри висина.

Германската фудбалска легенда има 5 гола на 5 меча за Ванкувер. Го изненадија со торта со број 300, како подарок за 300 гола во кариерата. Јас 300 гола? И од тренинг да не ми ги рачунате головите?

Во Куп на Аргентина пожарникарите нашле начин како да им ги изгасат бакљите на навивачите на трибините кои не ги слушале апелите од спикерот да не палат пиротехника.

Хавиер Идалго Гомез или накратко Франсиско Сон е шпански фудбалер од бугарски Лудогорец. Синоќа пред натпреварот Сон кој порано играл за Леванте изјавил: „Спортскиот директор на Бетис во шега побара од мене да си дадам автогол, но му кажав да не се зафркава, иако јас и самиот сум навивач на Бетис, ама сега ги бранам боите на Лудогорец“, рекол Сон. Во 53' минута си дал автогол за конечни 0-2 за Бетис.

Преку 30 години гледаме фудбал, вакво нешто не сме виделе до сега. Рома во 2. коло од Лига Европа против Лил успеа да промаши три пенали, односно еден ист кој судијата два пати го понови поради прерано влегување на играчи во шеснаесетникот. И тоа пазете, два обиди имаше Артем Довбик и еден Матијас Суле. Јунак на мечот е се разбира е голманот Берке Озер, кој им ги фати сите три. Лил победи 0:1.

Црвена Звезда загуби на гости кај Порто со 2-1, со гол во 90-та минута. Историја на овој меч запиша Василије Костов, кој го израмни резултатот во 32 минута и со само 17 години стана најмлад клупски стрелец на меѓународна сцена. Костов е роден во Белград, но има македонско потекло. Дебито за прв тим во српското првенство го имаше во април. Член е на селекцијата на Србија У-19.

Ибра утре прави 44 години. Да го пушти човек во напад, уште ќе им се носи на младиве. „Сила на природата“, напиша на социјалните мрежи.

Културно воспитано момче, млад 18-годишен кошаркар кој блескаше за репрезентацијата на Финска на штотуку завршеното Европско првенство. Мика Муринен одамна сакал да игра во атмосфера каква што прават белградските навивачи а сакал и да учи од Жељко Обрадовиќ. Ама доаѓа од средина каде никој не смее да дрекне на дете.... Хм...

„На припремите за големите натпреварувања доаѓав „мртов“ ментално и физички. Бев повреден пред СП 2002, ЕП 2004, ЕП 2008. Јас не можев ни да се спремам за тие турнири, а инаку треба човек да се спреми. Не само јас, туку многу играчи. Јас сега и како навивач сум изморен од фудбал. Не го следев Светското клупско првенство. Бев обврзан да го гледам финалето, но на полувреме напуштив. Си ја сакам фамилијата и ми треба пауза. Го сакам фудбалот, но да бидеме искрени, ова е премногу“.

Пред некој ден имавме вест за една тетка која во белградска Арена на кошарка направи мегаломански сендвич од цел леб и ги воодушеви читателите. Сега гледаме сличен цар, нејзин „колега“ од Атлетико Мадрид кој на стадион прави сендвич за сите мераци!