Во една од двете генералки пред почеток на Европското првенство каде е во група со Англија, Данска и Словенија, репрезентацијата на Србија загуби 2-1 на гости кај Австрија во Виена. Во 89’ минута од мечот при една одлична контра на Србија, Самарџиќ се удри во противнички играч и шансата пропадна па селекторот Драган Стојковиќ фрустрирано опцу.

Од седумте пријателски средби синоќа, најефикасна беше Португалија - Финска која заврши 4:2. Бруно даде два комада, едниот најубав погодок на вечерта.

Време е за пријателски тест средби во очи на европскиот празник во Германија кој стартува на 14 јуни. Налетавме на ретро старо 50 години од пријателска меѓу Југославија и Англија. Словенецот Бранко Облак за глава се држеше откако сфати каде му ја смести на голманот.

Италија и Турција одиграа 0:0 на пријателска пред стартот на ЕП. На Хакан Чалханоглу му го побараа дресот, ама не успеа да им го даде на тие што го бараат. Им влета камиказа.

Нема потреба од звук или некакви зборови. Во 20 секунди клипот кажува сè. Сите 15 се на едно место, а вториот, тоа е Милан има 7. Кој и кога ќе ги стигне?

Веќе фалат овие дуели меѓу великаните, но и во денешно време едниот на 37 години покажува ненормално силна физичка и ментална подготвеност за долги битки и пресврти со помладите во своја корист. Снимкава е од полуфинале во 2011-та кое го доби Федерер.

На Сантијаго Бернабеу пристигнува веројатно најјакиот напаѓач во светот во овој момент, со две мундијалски финалиња по ред од кои една светска титула, како и со 15 трофеи и 256 гола за ПСЖ, како и еден трофеј и 27 гола за Монако. Овој човек, кој се наоѓа веќе во зрели фудбалски години (25), не знае за обичен гол. Клипов е спектакл.

Со сигурност едно од најголемите спортски чуда во историјата на македонскиот спорт. Вардар на денешен ден пред 7 години стигна на големиот Фајнал Фор во Лига на шампиони, триумфираше во полуфинале и влезе во големото финале. Таму за ривал го имаа моќниот ПСЖ. На крајот црвено-црните победија со гол на Иван Чупиќ во последните секунди од мечот. Триумфот на големо се славеше во Скопје и други македонски градови. Прва европска титула за Вардар а потоа сензационално следуваше и друга.

Далас игра неверојатна кошарка и првпат уште од 2011-та кога стана шампион за првпат во својата историја, ќе игра повторно во големото финале. Сјајниот тандем Лука Дончиќ - Кајри Ирвинг одиграа беспрекорен плејоф и по ред ги ништеа сите ривали. 

Пријателски меч меѓу женските фудбалски селекции на Мароко и ДР Конго. Мала ситна закачка во 62’ минута и репрезентативката на Конго и фудбалерка на Галатасарај, Рут Моника Кипоји покажала УФЦ вештини поради кои мора да ја отстранат од фудбалот.

Само што се стишија и спласнаа бурните наслови за скандалот со кладење во Италија кој Сандро Тонали го пренесе во англиска Премиер лига па доби драстична казна, сега пак нов скандал во Англија.

Читател познат на редакцијата нѝ испрати обемен материјал од славјето на Венеција кое го фатил за време на неговиот престој. Прво славеа ноќта кога го остварија кам бекот во Серија А, но следниот ден со протокол. Најпрвин фудбалерите придружувани од навивачи пловеа со бродчиња по прекрасните канали, а потоа стасаа на славниот Пјаца Сан Марко, каде имаа голем пречек. Се враќаат во елитата по пауза од три години.

По веќе испробан рецепт, најдобриот кошаркар на светот кој доби МВП признание за најдобар играч во НБА регуларната сезона, по враќањето дома веднаш тргнал кон Тара на рафтинг со своите најблиски. Го виделе присутни па го поздравиле.

Ѓоковиќ во неколку наврати беше многу нервозен за време на тешката битка против Франциско Серундоло долга 4 часа и 4 минути и незадоволен од ложата каде седеа Јелена и стручниот штаб. „Би ве убил“, им се обрати Новак, веројатно бидејќи го деконцетрираа со дофрлувања.

Челичниот Новак Ѓоковиќ врза две неверојатни победи на Роланд Гарос со пресврти од 1:2 на 3:2. Во неделата наутро против Музети заглави до ниедно време, а веќе в понеделник од 16 часот го чекаше пресметката против Аргентинецот Франциско Серундоло. Што правел и како се релаксирал во тоа кусо време меѓу двата меча?

После целата сага која трае добри 4-5 години и од која се изморија и птиците на гранките, Килијан Мбапе конечно станува фудбалер на најтрофејниот европски шампион. Му се оствари желбата.

По поразот на Македонија од Хрватска со 3:0, селекторот Боби Милевски изрази незадоволство од дел од играчите и ја потенцираше нивната слаба минутажата во клубовите која се надева дека ќе ја решат.

Како по примерот на Жозе Мурињо кога во еден момент не можеше да му најде чаре на Маурицио Сари со Лацио па се фрустрираше, така и најтрофејниот европски тренер Жељко Обрадовиќ потпадна под притисокот што го носи белградското вечно дерби. Црвена Звезда има учинок од 7 победи на последните 7 меча против Партизан. Победуваа црвено-белите и во Евролига и во Куп на Србија и во Јадранска АБА лига и во домашно првенство.

На натпревар од 15. коло во фудбалската лига на Уругвај меѓу Данубио и Малдонадо, домаќините повеле со чуден гол во 78’ минута на Себастијан Фернандез. Гостите израмниле во 89-та минута преку автогол на Мауро Гојкочеа.

Довчерашниот капитен на македонската фудбалска репрезентација, Стефан Ристовски испрати скриена порака после поразот на Македонија од Хрватска од 3:0 и слабата игра.

Ништо. Како да дале гол, а не како да примиле, е таква е атмосферата во која се пее, се грми од почеток до крај. Ривер Плејт синоќа славеше 3-1 против Тигре во аргентинската лига, а во моментот кога примија гол од гостите, домашните навивачи не престануваа со силна поддршка.

По долгата битка со пресврт против Италијанецот Музети до 3 по полноќ, најдобриот тенисер во светот режираше нов лудачки пресврт од 1:2 на 3:2, овој пат Франциско Серундоло од Аргентина. Ѓоковиќ имаше проблеми со коленото во вториот сет, неколку медицински интервенции, но запна и во нова маратонска претстава од 4 часа и 40 минути победи со (6:1, 5:7, 3:6, 7:5. 6:3). Го имаме поенот на мечот.

Актуелниот шампион на Шпанија Реал Мадрид „ја изметла“ Барса во полуфиналето на разигрувањето за титулата во шпанската АЦБ лига. Реал Мадрид славеше синоќа на гости 91:95 и со 0:3 оди во големото финале. Факундо Кампацо блескаше со 21 поен а имаше и продор со кој стави точка на триумфот.

Битолчани ја одбранија титулата во мак ракометот и стигнаа до број 8 од осамостојувањето на Македонија. Специјализираниот сајт за овој спорт, 24ракомет склопиле убаво видео од прославата со песната која грмеше на сите натпревари сезонава во салата Боро Чурлевски.