Се појавија нови вознемирувачки статистички податоци кои сугерираат дека американскиот златен орел е на пат на истребување поради ветерните турбини.
Нивната стапка на смртност во последните 4 години е зголемена за 49% од стапката од претходниот седумгодишен период.
САД имаат популација од 30.000 - 40.000 златни орли но се работи за птици кои бавно се размножуваат и секој дополнителен фактор на угинување го доведува во прашање нивниот опстанок.
Поради доминантноста на „нето нула“ наративот, нема премногу истражувања за штетите по животот и човековата околина што ги прават модерните, обновливи извори на енергија, бидејќи таквите показатели обично се дочекуваат како кочничари во напредокот.
Иако таа квази-научна идеологија е во дефанзива после доаѓањето на Доналд Трамп на власт, за златните орли во Америка, на повидок нема добри вести: во моментов постои инфраструктура за ветерна енергија за 160.000 MW а најавени се инвестиции за дополнителни 230.000 MW.
Денеска во светот се прават ветерници со сечила чиј дијапазон се приближува до висината на Ајфеловата кула (330 метри).
