Има добра и тажна вест. Добра вест е што мајмуните се први живи суштества што не се луѓе кои се вакцинирани од вирусот. Тажна вест сме ние тука, општо.

Сортата е добиена од комбинација на локални џукели и пропадната хемиска фабрика на некои си 400 километри од Москва.

Да ви раскажеме како една бубачка успева да преживее дури и кога е проголтана од жаба - накратко, така што се пробива низ целиот дигестивен тракт на душманот и на крај излегува од неговиот анус. Молиме да не се брза со евтини политички паралели: онаму од кај што излегува бубачката, во светот на политиката, тоа обично е место во кое се влегува.  

На Запад почнале да прават персоналити тестови на крави и тие им откриваат дека во еден период на својот живот, оној кој е поврзан со сексуалното зреење, тие се однесуваат и имаат симптоми кои можат да се именуваат како пубертет. Со други зборови, како што тоа веќе го знаат многу родители, не е лесно да се расте теле.

Иако не може да постои нешто што се вика така (види: „Ако е од бадем не може да е млеко“) тоа чудо сè повеќе и повеќе се троши како лудо. „Кога ги пуштаме пчелите меѓу бадеми, како да ги праќаме во војна,“ вели еден американски пчелар обелоденувајќи ја смртоносната опсесија зад опсесијата со бадемите.  

Стихот на Дино Дворник „Зошто правиш слон од мене?“ можеби заслужува ново читање и интерпретација. Кратка приказна на Би Би Си.

Истата чума што дотера поегзотични животни до раб на истребување паралелно ја десеткуваше глобалната популација на магариња - кинеска медицина.

Она што кај нас покојни Лазо своевремено го потепа, денес во Калифорнија е елитна единица за борба против шумските пожари кои секоја година ја пустошат оваа сојузна американска држава.

На северноамериканското небо денес има три милијарди птици помалку отколку во 1970 година. Парадоксално, најдобро минуваат оние птици кои се цел на ловци.

Една од дилемите која одамна мачи околу анти-ваксерите е: како не си го вакцинираш роденото дете, а си го вакцинираш кучето? А, кој ќе ти реши ваква дилема, ако не анти-ваксер.

Денот од кој стравуваше гадливото човештво - и оние кои се занимаваат со дезинфекција, дезинсекција и дератизација - конечно доаѓа: бубашвабите стануваат непобедливи и отпорни на секоја хемикалија која ја имаме на лагер.

Освен што е лисица, сега е женка и има поминато 3.500 километри од Норвешка до Канада, за време кое научниците го сметаат за најбрзо движење на кој било припадник на животински вид. 

Додека луѓе нагрнуваат на плажите на Калифорнија за да ја искористат ретката прилика кога океанската вода е со дојранска температура (27 целзиусови степени), луѓе кои со години се занимаваат со подводниот свет вакво нешто немаат забележано: од топлото школките се зготвиле самите во себе.

Ние ќе гладуваме додека вие спасувате слонови, на кратко е пораката од петте африкански држави кои ја составуваат Каванго-Замбези конзервациската област во јужниот дел од Африка.

Помошта што организаторите на вакви настани ја добиваат од Фејсбук не се однесува само на промоција на борбите, туку и на развивање на цела мрежа за безкрупулозна трговија со кученца.

Неуникатноста на фотките со тигри или лавови оди до таму што Тиндер во 2017 има проблем со преголемиот број корисници кои имаа ставено слика со некоја голема мачка, ситуација до која нема да се дојде кога кој било од тие корисници би требал да прави вакво селфи во природната средина на овие животни.

Нешто ситно под една третина од сите луѓе што имаат куче своето домашно милениче го држат на исклучиво веганска исхрана, покажува канадска студија.

Зошто? Бил брз. За каде тоа гулаб треба толку да брза за да го платиш 1,25 милиони евра е друга приказна.

Жена е повредена во напад од јагуар. Во зоолошка сред САД. Откако таа прескокнува една од оградите на неговиот кафез. За да направи селфи.

Имаше Тиндер за стрејтери, Гриндр за гејеви, сега има и Тадер. За крави.

И една нова студија потврдува дека состојбата со бубачките е катастрофална. Во блиска иднина голем број на видови ќе исчезнат, и тоа од оние најфините, пчелите и пеперутките. Ќе останат само некои како мувите и бубашвабите кои лесно се снаоѓаат во секоја ситуација. Отприлика како политичката сцена во МК.

По месеци дебати и расправии во Данска започна изградба на ограда по должина на границата со Германија и се очекува да биде завршена во рекордно време. За разлика од оградите на „Тврдина Европа“ од последно време, оваа не е за луѓе, туку за свињи.

Некои од нас паметат времиња кога после возење по автопат, предната маска, фаровите и шофершајбната од автомобилот не можеше да ги исчистиш од мртвата армија бубачки и инсекти кои се потепале по пат. Сте забележале дека во последно време ги нема? Е па, ги нема.

Истражувачи ваделе желки од три различни океански басени и во дигестивните системи на сите уловени примероци нашле синтетички материјали, вклучително микропластика. Просекот е: во 100 желки - 800 парчиња пластика.