На уште едно дувло на најразлични разбудени иницијативи кое гордо ги парадираше своите политики во времето на Бајден деновиве од ведро небо му дојде инспирација дека треба да раскрсти со истите.

Од корпоративниот сајт на Амазон, вториот по големина работодавец на светот, без трага се збришани сите корпоративни политики на компанијата во кои се истакнуваше како таа се залага за ЛГБТ правата и расната рамноправност.

Во ера кога пензионирањето изгледа како хоризонт кој сè повеќе се оддалечува, извршниот директор на една од најмоќните компании во светот, БлекРок, има пасив-агресив порака до работниците. Лари Финк вика: Никој не треба да биде принудуван да работи повеќе отколку што сака, но, лудо е да се пензионирате на 65 години.

Во име на нечија заштита, знаеле да се прават големи бељи. Таква е и оваа намера на британскиот премиер Кир Стармер да ги заштити вработените лица да не бидат вмешувани во дискусии на сензитивни теми на нивните работни места, вклучително и од страна на клиентите. А ако се случи тоа, казнет да биде работодавецот. Навидум ок, ама ај да видиме некои ситуации.

Јапонски локални власти отпуштаат еден свој вработен како дисциплинска казна откако овој 633 пати излегол од работа за да оди во блиската теретана и базен.

Извештај составен за американскиот Конгрес открива дека само 6% од федералните вработени се појавуваат на работа во канцеларија на целосно работно време. Исто така, околу една третина од сите административци целосното работно време го отслужуваат од дома.

Во Германија заврши експериментот со работење 4 дена неделно. Експериментот траеше шест месеци и донесе одлични резултати, но и еден сериозен проблем за фирмите што учествуваа - сега не им се работи по 5 дена.

Идејата зад универзалниот основен приход звучи оправдано и примамливо: без разлика дали и што работат, сите луѓе имаат право на достоинствен живот и затоа треба од државата секој месец да добиваат некои пари, за да не бидат под удар на егзистенцијалните закани. Така ќе имаат и повеќе време и тоа време ќе го искористат да бидат покреативни и попродуктивни. А сега назад кон реалноста.

Швајцарскиот систем за заштита на работниците функционира како швајцарски часовник, речиси. Компанија открила дупка во законот па им наложила на вработените кога ќе им се оди во веце, задолжителнио да се отчукаат со работната картица, за тоа време да не им се рачуна дека биле на работа. Тоест да мочаат во свое време. 

Целосната корпоративна каста на Хоум депо, ланецот продавници за алат и сè што ќе ти притреба за реновирање, што го опфаќа секој еден што седи на биро, а не во продавница, ќе треба секое тромесечје да мине еден ден како продавач во некој од дуќаните на компанијата. Правилото ќе биде еднонасочно, продавачите нема да добијат еден ден позади биро.

Муабетите дека големите технолошки компании премногу пари трошат на вештачката интелигенција дополнително ги загреа последниот потег на Гугл. Компанијата запна да врати еден нивен вработен кој од таму после долги години си отиде незадоволен од третманот не неговиот труд. Одврзаа ќесе за 2,78 милијарди долари и го вратија.

Креаторки и креатори на Онлифанс минатата година заработиле над една милијарда долари повеќе отколку некои од најелитните кошаркари во светот.

По ново, цела Австралија има право на исклучување, што значи целосно игнорирање на пораки, мејлови и телефонски повици од директорот, газдата, претпоставениот, по завршувањето на работното време.

Првиот човек на австралиската компанија за минерални ресурси што како ретко кој успеа да ги врати од дома своите вработени и целосно да укине работа од дома, сега сака да ги укине и паузите за кафе.

За почеток е тест проект и со него се опфатени само дел од државните работници, ама затоа тие што се опфатени не само што ќе работат по 4 дена туку и во тие денови ќе работат по само 7 часа.

Четири години по почетокот на ковид пандемијата Дел не може да ги врати вработените во своите канцеларии, па објави цела иницијатива која треба да помогне околу тоа. Не помогна.

Белгиската влада ќе интервенира во случаи кога проститутките премногу често ќе одбиваат секс. Новиот закон регулира и подобрува многу аспекти од работата на сексуалните работнички но и овој погоре - ако веќе се работнички, треба да се работи.   

Еден популарен американски синџир на продавници со години прави скрининг на кривичните досиеја и криминалната историја на оние кои се јавиле да работат кај нив. Нејќат луѓето осудувани лица. Сега попија тужба од државна агенција за работни односи која цени дека таквата пракса е - расистичка.

Корпорациите во своите постојани преструктуирања и вртења на вработените се повеќе се наклонети кон еден метод во кој вработениот добива повисока позиција и повеќе работа и одговорности, но без покачување на плата, ова се вика суво унапредување.

Вработени на огромни и познати компании од Америка и Европа (Волмарт, Нестле...) се мониторираат од вештачка интелигенција која ја следи нивната секојдневна меѓусебна комуникација, за газдите во реално време да можат да го следат нивното расположение. Шпионскиот софтвер преработува околу 20 милијарди индивидуални интеракции на преку три милиони вработени.

Корпорацијата Бургер кинг решава несебично да го награди со ранец, карти за кино и Старбакс шолја својот веројатно најлојален вработен кој цели 27 години нема пропуштено ниту еден единствен работен ден. За среќа на работникот, интернетот дозна за ова.

Еднаквоста меѓу половите, јазот во платите, зајакнувањето на позицијата на жената и другите актуелни теми од овој тип се решаваат со разни средства и алатки. Сепак, ова досега го немало: постои компанија која тврди дека жените можат многу да си помогнат и на работното место и дома, само ако научат да играат покер.    

Кинеската масовна анти-корупциска кампања имала неочекувано позитивна нус-појава и предизвикала намалување на БМИ-то и бројот на дебели јавни службеници на сите нивоа низ кинеската хиерархија.

Ген З работниците бараат резимето веќе да не биде главен фактор за наоѓање работа, туку дека тие треба да бидат вработени заради нивната „личност“, а не заради продуктивноста.