Ахмед Абу Амша е учител по музичко во Газа. Позалуден позив не можете да смислите за таму. Но, не е така. Ахмед верува во онаа партизанската „песма нас је одржала“ па како Роберто Бенини во филмот „Животот е убав,“ со музиката и илузијата што таа ја креира, на децата им ја прави реалноста поднослива. Кога доминантен звук е звукот на дроновите, Амша и малите се штимаат по тој тон. 

Нема поинтересни луѓе од диктатори (само дома да не ти се). На времето во Он.нет имавме рубрика „Катче за диктатори“ со ѕвезди како Нурсултан Назарбаев (Казахстан), Гурбангули Бердимухамедов (Туркменистан) и слични. Немавме многу вести за Иди Амин, нагалено наречен „Касапинот од Уганда“ бидејќи одамна беше мртов. Да се потсетиме на него, кога го одликуваше својот роден син со највисоката државна награда. Малиот имаше 6 години.

Музичкиот продуцент, Јутјубер и мулти-инструменталист Рик Беато, со пар промптови за ВИ, од нула создаде инди пејачка (Седи Винтерс) и чичка нова песна (Walking Away). Со помош на Суно, за само четири секунди бил генериран ликот на Винтерс и текстот на песната, додека мелодијата и вокалите биле завршени за околу две минути. И сега песната станува хит. 

Популарниот невролог Ендрју Хуберман вели дека еден од најголемите невро-хирурзи на сите времиња му рекол дека барем половина од оние информации што ги има денес во учебниците по медицина се комплетно погрешни. Кога го прашале колкаво е влијанието на ова врз човечкото здравје, рекол дека тоа не може ни да се пресмета. 

Во 1992 година, Данска носи посебен закон со кој им се додели азил на 321 Палестинци од Либан. Законот беше донесен првенствено како хуман гест кон овие луѓе кои главно потекнуваа од палестинските бегалски кампови во Либан, земја која беше девастирана во 15 годишна граѓанска војна.  321 Палестинец легално се населија во Данска. Што стана со тие луѓе и како се покажа овој лекс специјалис?

Еден поинаков егзорцизаам, кога растителните демони панично го напуштија измаченото тело на една млада и кревка девојка која после 10 години, првпат пробува стек. Душата ѝ дојде на место, насмевката ѝ се врати, тетоважите ѝ се разиграа. „Голем е, се плашам,“ вели таа пред да загризе. „Тоа што јаде месо и мисли дека е голем, оваа девојка ја прави идеална,“ коментира сеирџија.  

Голферот Томи Флитвуд годинава го подели четвртото место на престижниот BMW турнир во Мериленд, кој има импозантен награден фонд од 20 милиони долари. Таа позиција му донесе 910.000 долари. Ако дечкото е фер, неочекувана асистентка која беше клучна да дојде до тие пари, треба да ја почасти со кофа говна.

Лидерот на британските Реформисти долго време предупредува за напливот на илегални албански имигранти преку Ла Манш. Пред некое време му реагирашe премиерот Еди Рама, дека манипулира со погрешни бројки. Фараж тврди дека бројките му се точни но дека е поважно, колку и да се на број Албанците зад решетки, Рама да дојде и да си ги земе. Како што ги зема оние по договор со Италија. 

Реално, не знаеме. Имаше доста фотографии (од кои највпечатливи беа оние на кои Трамп ги имаше наредено пред себе „фаците“ како пионерчиња), но немаше видео од она што се случувало зад затворени врати. А мора да било сочно. Ништо страшно, затоа ги имаме Топ листа надреалиста кои пред скоро 40 години предвидоа, покажаа или предупредија како изгледа тоа.     

Секому му е јасно дека оние близнаци се вкусни, ама полни со шеќер, еден од најомразените елементи на денешната исхрана. Како истиот тој Твикс, на наједноставен начин да ги задржи шеќерите и вкусот, ама на луѓето да им изгледа дека купуваат нешто здраво, нешто што ја обвновува енергијата и мускулите и е збогатено со витамин Б? Со промислен редизајн на опаковката. А притоа ништо нема да излажете.  

Кечапот е околу 30 проценти доматно пире а остатокот е вода, шеќер, сол, тракатанци. Ако е 70 проценти вода, како онда е толку густ? Одговорот гласи: Е-415. И пазете, ова ги учат, им го покажуваат и им отвораат очи на ученици некаде во Индија, додека овие нашиве ги тераат да учат органи и институции на Европската Унија.    

1963 година ние засекогаш ќе ја паметиме по катастрофалниот земјотрес кој го сотре Скопје. Други земји имаат поведри настани за паметење. Советскиот сојуз, на пример, во јуни 1963 година, ја испрати Валентина Терешкова и Восток 6. И додека СССР ѝ мафташе на првата жена во вселената, во Алабама, САД за првпат на факултет влегоа двајца црнци. 

Убаво е кога видеото и аудиото од едно парче се однесуават на иста работа. Ама, не секогаш. Овде звукот е додаден само за да можете на раат да го гледате видеото (одново и одново, ако сакате), без да предизвикате сомнеж и дигање веѓи кај женскиот дел од домата. Па нека мисли „ќе ме умре со тоа фудбалот.“

Пред неколку години, „The Daily Beast“ за најплодна година во популарната музика ја избра 1991 година. Ќе ви покажеме седум ауди касети (за копиљаци: некогаш така се слушаше музика), сите издадени во период од само 44 дена во 1991 година. Кај нас таа година албуми издаваат Мизар, Архангел, Меморија (и Канго, молим лепо) а се формираат ТБ Трачери, Рок Агресори, Паркети, Ареа...

Акција на турски надлежни служби за расчистување на тротоарите на кои, како и кај нас, како кој стигне става табла, знак, знаме, гајби, столчиња, маси... Го прават тоа прилично ефикасно, без непотребни детали од типот „каде е газдата“, „да видиме дозвола“ (знаат дека немаат дозвола) и слично. Одат по тротоар и фрлаат во камионче сè на што ќе наидат. Тамам.

На Балканот, што лаички, што систематски, се регистрира тивко заминување на ластовичките и сè поголем број на празни гнезда. На хрватска фарма со кози, на пример, некогаш имале по 40 активни гнезда, денес ни половината од тоа. Некои од нив можеби нашле посреќни решенија. Јапонија на пример. Таму ластовици направиле гнездо во кое растат млади баш кајшто минуваат луѓе. Им го срушиле гнездото? Никако.

Горниот цитат кој дава прилика за размислување и преиспитување многу често му се припишува на славниот англиски економист од минатиот век, Џон Мајнард Кејнс. Не го прават тоа само лаици, туку и кејнсијанци, оние економисти кои веруваат во неговите теории. Погрешна е референцата но приказната е интересна и покажува дека има зошто некои изјави им се припишуваат на некои луѓе, дури и кога не се нивни автори. 

На наши музичари и групи кои ни праќаат песни обично не им објавуваме кога се работи за преработки, сакајќи да промовираме авторска музика. Може е тоа малку нефер бидејќи и во прерабоките може и тоа како да се вбризга авторски печат. Јутјуб каналот „Кавер на лице место“ има одлични примери за тоа. Им пуштаат песна, ги оставаат да смозгаат како ќе ја скоцкаат и после овие ја свират нивната верзија. Супер интересни идеи. 

Искрени муабети меѓу млад црнец и стар, штрбав, олдскул американски расист. Има некоја симпатија и ведрина меѓу нив иако стариот е жилет. Младиов го прашува што ќе помислат неговите комшии ако видат дека се вози со него? Веројатно ќе помислат дека те држам како заложник. А она „сепак постои надеж“, се мисли на надеж за разбирачка меѓу луѓето? Не, друго е. 

„Ти си мојот Кони Ајленд“ пееше Лу Рид во насловната од неговиот најромантичен албум, овекувајќи ја атмосферата и плажите на тој дел на њујоршки Бруклин. Тоа беше инспирација и за бит-поетот Лоренс Ферлингети, таму е сместено дејствието на романот „Requiem for a Dream“... Ако е жално што не постојат некогашните скопски плажи, уште пожално е што ова постои. Само што сега таму се лижат регистерски таблички. 

Бил Бур тврди дека жените се љубоморни на мажите затоа што можат да бидат задоволни со едноставни работи. Пиво и утакмица, на пример. За разлика од нив кои постојано се растргнати на безброј ментални фронтови. Видете ја следнава сцена. Кога дечкиве ќе се вратат дома, како да им објаснат на своите сакани што толку јако правеле со пријателите та се живи среќни и окезени? 

Бескрајни се можностите за машка забава, покачен адреналин, кладби и коефициенти. Оваа трка не само што ја изгледавме цела, не само што попат се напнавме од неколкуте пресврти туку и пар пати го враќавме финишот, за да бидеме сигурно кој зема второ а кој трето место.

Урсула фон дер Фајзер држи политички говоранции во Финска, фалејќи ја земјата колку е демократска. Некој од рајата почнува да се буни. Таа го забележува и му порачува дека треба да е среќен што живее во земја со слобода на говорот, без рестрикции. Ако бил во Москва, одма ќе го уапселе. Како го кажува Урсула тоа, доаѓаат цајкани и го собираат ликот. Ха! Истече ѝ уље!

Дамаск е еден од најстарите градови на светот, со импресивна историја која ја ткаеле Римјани, Хелени, Византија, Отоманско царство.... За тоа сведочат бројните цркви и џамии, но и прочуените калдрми на Дамаск, стари и повеќе од 2.000 години, некои спомнати и во Библијата.... Пред осум месец на власт доаѓаат нови фаци, миленици на Западот. И, толку од калдрмите. Ќе ги реновирале. Аха, како кај нас. Прашање на време е кога ќе ги видиме коцките во некој британски музеј.