Документарниот филм кој на времето од гаќи нè има извадено: „Вселенски трепкачи или Записи од болница“, култен документарец на Божидар Калезиќ од 1989 г., кога камери првпат влегуваат во психијатриското одделение на белградскиот централен затвор, во кое „треперат“ луѓе во сопствен космос. Заради непресметливост и ментални проблеми (шизофренија, параноја...) имаат сторено и банални и монструозни дела. Нестварно колку е стварно. 

„Да ја фатиш за гз“ звучи крајно сељачки и простачки ама па, здравјето пред сè. Знаеме сè за бенефитите од редовниот сон, здравата исхрана и редовната активност, но постои уште еден метод за бустање на окситоцинот, намалување на кортизолот, крвниот притисок и воспаленијата. Да, оној што звучи крајно сељачки и простачки. Ама па, здравјето пред сè.

Последен човек од кого би очекувале да го видиме во комична стендап точка е поетскиот бард  на сериозните емоции, Леонард Коен. Ама еве го и тоа, во неговиот роден Монтреал. И тоа добар! Луда сцена, а тој мртов сериозен. Уште да го видиме Васко Ефтов како си молчи и онда све сме виделе.   

Тажна е судбината на оние кои ќе ги земе смртта, но и нејзината судба не е многу подобра. Осудена на вечна осаменост; никој нејќе да ја сретне а и кога ќе ја сретне, готово е со тоа дружење. Сè додека нејзините потенцијали не ги откриваат оние кои заработуваат од краткотрајноста. За на крај да го заклучaт она што го знаеја и Топаловиќи: Само смртта е сигурен бизнис.

Кога на фронтменот на Секс Пистолс ќе му се каже „Ако немаш што добро да кажеш за некого, не кажувај ништо“, нему му се слуша „Сè се тоа говна и кажи им дека се говна.“ Сака Џон Лидон/Џони Ротен да го пушти јазикот на секакви теми а една од омилените му се колегите музичари. 

Долг и интересен разговор меѓу еден православен свештеник и двајца млади протестанти. Уште поинтересен кастингот: православецот е отец Џонатан Иванофф од Православната црква на Aмерика. Не само што достојно си ја брани верата туку и потеклото. Кога провокатори ќе му нафрлат дека е со бугарски корени, им објаснува некои работи.    

Џо - Sleepy Jo- Бајден има 83 години и се бори со рак стигнат до четврта фаза. Тој и таков Бајден стоеше со часови додека се читаа имињата на жртвите од нападот на 11 септември за времe на 25 годишнината од трагичниот настан. Доналд Трамп, кому сенилноста на Бајден на времето му беше главна заебанција, заспа за време на настанот во Пентагон по истиот повод. 

Луѓето од едно село во Утар Прадеш две години се жалеле до нивниот телеком оператор дека услугата им е шкарт. Плаќале за 5G но и интернетот и разговорите стално им сецкале. По долго инсистирање, компанијата пратила човек да ја испита ситуацијата. Овие сега не им го враќаат додека не им се решат проблемите. Немаме појма за кој оператор се работи ама ене го во магента маица.

Во Лондон постојат преку 18.000 ресторани. Дечко успева за само седум месеци да стигне до првото место на најкористениот водич за такви работи, Трип Авајзор. Тоа време не го користел за смислување на менито, избор на намирниците, подобрување на храната, услугата, ентериерот. Затоа што ништо од тоа немало! Просто, ресторанот не постоел. И колку повеќе одбивал резервации, толку повеќе се кревал рејтингот.

Мајка од Вирџинија седум години ќе се наоѓа на државниот регистерот за злоупотреба и занемарување деца затоа што го пуштила својот 5 годишен син - сам да прошета надвор. Добила и 6 месечна условна казна затвор. Живеат во кварт кој е заштитен со ограда и има чувар. Малиов посакал да собира гускини пердуви покрај локалното езерце, мајка му го пуштила бидејќи оделе таму заедно и го знае патот. Е, не може тоа така.

Среде неделна миса, жена го обвинила пасторот дека сексуално ја злоупотребил кога имала 16 години. Свештеникот Џон Лоув го признал делото, рекол дека тоа било погрешно и се покајал. Што направија после тоа верниците од оваа конгрегација во Индијана? Се собраа околу него за да го гушнат во молитва и да му понудат прошка. Жената не беше гушната.

Сме виделе и слични вакви па да го видиме и него. Претседателот на Монголија дига 100 кила на бенч. Да потсетиме: Румен Радев се вртеше на шипка за тресење килими а Александар Вучиќ не можеше да си дозволи да му попушти на еден клинец па му залупа банана. Туку, ќе видиме ли видео како Силјановска прави 10 клот-фркет за неполна минута?

На Икс се појави видео со објаснување дека настанот се случува на небото над Иран каде човек на летечки килим срушил американски авион од типот Ф-15. За среќа, на Икс постојат „забелешки од заедницата“ кои знаат да фрлат драгоцена дополнителна светлина врз некое тврдење. 

Еден наш пријател кому не му верувавме дека е далтонист, му покажавме од оние онлајн тестови (кои се користат и за возачка) со шарен круг во кој е впишана бројка. Кога го прашавме што гледа, одговори: Капричиоза! Од друга страна, 11 годишно девојче од Германија, за секунди најде кај е грешката во круг полн со шарени точки. На едно место фалела плавата!

Андриј Богдан, поранешен началник на кабинетот на Зеленски, сведочи дека во 2019 година (пред да почне војната) Владимир Путин лично му пристапил со мировен предлог: да им се даде на луѓето од Донбас посебен заштитен статус и да се стави крај на крвопролевањето на украинските државјани кои зборуваат руски. Каков бил одговорот на Зеленски? Ете, гледате на вести.

Тазе земени и уште со не толку пари колку што ќе имаат подоцна, сопругот на Доли Партон почнал да зачестува да оди во банка. Ѝ паднало чудно па и таа отишла. Го видела во опуштен разговор со прекрасна, црвенокоса и долгонога службеничка. Рекол пробува да земе кредит. „Не биваше да најдеш некој давач на кредити со влакнести нозе?“ му рекла Доли и му препорачала да се прибира дома дур е време.

Марко не е Марко а ногомет не е фудбал, но, пораката и тоа како е стварна. Според крајно веродостојни и несомнени истражувања, дури 67,5 проценти од мажите ги кријат своите швалерки во мобилните телефони под контактот „Марко ногомет“. Жените се чини дека се малку покреативни па претпочитаат имиња како „Маја Триатлон“ или „Ивана Денс“. Кекин направи песна баш за тоа.

Некој блесав Индиец решил да дојде до својот хиндуистички храм оддалечен пет километри, со тркалање преку душеци кои му ги постилаат 4-5 други луѓе, уште поглупи од него. А зад него озвучено камионче пред кое весели моми со танц го слават тркалањето на овој, кој, додека стигне до храмот, нема да знае кај му е газот а кај му е Вишну.  

Во Полска сè уште постојат сентименти кон автобусите кои се произведуваа во скопскиот ФАС 11 Октомври. Во тоа време, тие биле најблиското нешто до западна технологија до кое можеле да допрат. Имало и модел на Санос кој требало да се произведува во Полска, но биле склопено само 15 примероци (наоѓаат еден во второто видео). А нашиве има доставиле неверојатни 3.500 автобуси.

Објавена е во ноември 1975 година и веднаш стана хит. Боуви ја има пишувано замислувајќи како ја пее Елвис, кого, според биографски податоци, го обожавал. Околу нешто не се нашле нивние екипи па песната ја испеа самиот Боуви. Сето ова се случува пред половина век!

Одвојте неколку минути за корејаската денс трупа The Stories (оригинал: (더 스토리즈). Секое движење и детал до милиметар им се пресметани и прецизни. Кореограф е Калвин Ким а музиката е џез верзија на класикот Карван. Годинава прогласени се (вторпат) за најдобри на светот на VIBE Dance Competition. Од филмот Whiplash, не сме биле вака (позитивно) напнати.

Кристофер Гиоја е локален пожарникарски шеф од Њујорк, еден од не баш малкуте луѓе кои не веруваат во приказната за 11 септември која официјално гласи: Си биле два авиона и срушиле три згради. Значи, зошто третата зграда се руши обратно од другите две, зошто фирмата која правела реконструкција на лифтовите ја немало дента, зошто на местото се најдени трагови од експлозив, зошто пожарникарите слушале експлозии...

Лудило приказна. Човек наместил два бота на вештачка интелигенција да си прават муабет. Првиот бот викал дека тој е бот а соговорникот човек. Проблем е што и вториот бил убеден во истото, дека другиот е човек. По долго време, сепак сфаќаат кој е кој и кој е што. Но, сфаќаат и нешто друго. Дека мора да има некој човек во близина и дека никој од нив не може да престане да пишува.

Како и во случајот со смртта на претходната деценија - онаа на Милошевиќ - беше лансирана алармистичката теорија дека Младиќ всушност бил убиен. Што е најголема бесмислица досега во овој век. Ако колективниот Запад сакаше да го убие Младиќ, можеше да го направи тоа било кој ден во текот на секоја од воените години, со еден наведуван проектил. Но, сите тие години Запад го чуваше Младиќ како вода на дланка и го толерираше, сосе масакрот во Сребреница. Еве зошто.