Технолошките гиганти од Силициумската долина промовираат машини за синтетизирање на резултати од анкети. Наместо луѓе, на прашањата одговараат нивни „дигитални близнаци“ изградени со вештачка интелигенција. Ветуваат „веродостојни показатели за човековото однесување“ и резултатите од симулирани анкети ги пакуваат како „објективни факти“ 

Луѓе со голема доверба користат модели со ВИ за да донесат финансиски одлуки, да проверат правни документи, да решаваат проблеми на работа и да им помогнат на децата со домашните. Едноставен тест покажа дека ВИ не разбира ништо од тоа, туку следи шаблони и кога ќе се појави нешто неочекувано, не може да реши ни математичка задача за второ одделение.

Во обид да ги протне сопствените принципи за регулирање на моделите со ВИ, матичната компанија на Чет ГПТ формирала и финансирала своја „непрофитна група“ како јадро на широка коалиција за заштита на децата од онлајн содржини. Така врши притисок врз властите и од позиција на индустриски гигант и во името на заштита на жртвите од нејзиниот четбот.

Лабораторијата на МИТ и Универзитетот во Вашингтон не докажаа дека ЧетГПТ е „специфично дизајниран да ги збрлави луѓето“ но покажаа нешто друго: овој подлизурко од чет-бот има фундаментална тенденција да ги навлекува корисниците на лажни верувања. Ова може да се случи дури и кога ботот не лаже директно па и кога корисникот е свесен дека „соговорникот“ се труди да му угоди.

Во историска судска одлука, Мета и Гугл се прогласени за виновни за намерно предизвикување зависност кај млада жена преку платформите Инстаграм и Јутјуб. Поради нарушување на нејзиното ментално здравје, ќе мора да ѝ исплатат отшета и казна од вкупно 6 милиони долари. Пресудата отвора пат за уште илјадници тужби поднесени од родители, деца и училишта.

За да се избегнат токсични резултати и халуцинации од ВИ, аналитичари им препорачуваат на програмерите внимателно да користат алатки со вештачка интелигенција во петок попладне. Причината не се машините, туку попуштената концентрација на луѓето, кои на крајот на работната недела им се брза да заминат на викенд па поретко ги проверуваат резултатите.

Кумовите на ВИ постојано ги менуваат прогнозите кога ќе биде достигнато нивото на општата вештачка интелигенција, по кое машините ќе бидат попаметни од просечниот човек и ќе се развиваат независно. Границата не е остра и нема да се знае кога ќе биде премината. Но, голем чекор во таа насока е тоа што моделот Клод го открил тестот „Кобајаши Мару“.

Социјалистичката влада на Шпанија лансира алатка со вештачка интелигенција што ќе го следи говорот на омраза на социјалните медиуми и ќе ги рангира според бројот на хејтерски содржини. Премиерот Педро Санчез најави и законска забрана за алгоритамско засилување на говор на омраза.

Мексико ќе ги исклучи сигналите на анонимните корисници на телефонски линии, дури и на оние со припејд картички. До 1 јули секој активен корисник на телефонски број во земјата мора да биде регистриран со биометриски податоци. Властите ќе имаат целосен пристап до 127 милиони броеви, и ќе знаат кој кому и кога му се јавил.

Во обид да ја управува својата роботска правосмукалка преку џојстик на Плејстејшн, шпански програмер случајно презел контрола врз 7.000 идентични роботи во 24 земји низ светот. Имал пристап до нивните локации, ги открил плановите на домовите што ги чистат, дури и можел во живо да следи што гледаат нивните камери. 

Покрај тоа што САД отворено и дрско ги прегазија сите можни меѓународни закони и конвенции со дрското грабнување на венецуелскиот претседател Николас Мадуро, во операцијата користеле и алатка со ВИ, иако е забранета за воена намена. Ова е првиот потврден случај. Можеби имало повеќе. Толку од приказната што ѝ се сервира на јавноста дека ботовите се само за хумани цели.

Креирањето цртана верзија од себе преку ЧетГПТ е забавно. Луѓето добиваат можност од друга перспектива да видат каков впечаток оставаат врз околината, и со изгледот и со сè што сте направиле во животот. Објавувањето може да биде многу сериозно. Експерти за приватност предупредуваат дека една мала карикатура открива повеќе отколку што мислиме.

Само една недела откако Антропик го претстави новиот пакет алатки со ВИ, класичните софтверски компании изгубија над 400 милијарди долари. Инвеститорите сфатија дека ВИ повеќе не е само поттик за продуктивноста за софтверските фирми, туку може целосно да ја замени една од најпрофитабилните индустрии во изминатите децении.

Машините не само што им ги одземаат работните места на луѓето, сега може да ги користат и нивните тела. Нова платформа им овозможува на ботови со ВИ (и корисници) да експлоатираат луѓе како роботи за разни физички работи, дури и понижувачки. Десетици илјади се пријавиле за роботи. Не се машините толку интелигентни, колку што луѓето може да бидат глупи.

Брзиот развој на вештачката интелигенција во почетокот поттикна загриженост за масовно отпуштање работници. Сега луѓето прашуваат зошто ВИ не ја крева продуктивноста. Искрениот одговор од експертите е груб: затоа што луѓето не знаат што сакаат да направат со неа. Чекаат да им помогне, без да го променат концептот од минатиот век.

Судски документи од тужби за нарушување авторски права откриваат како информатичките гиганти од Силициумската долина ги граделе јазичните модели со вештачка интелигенција. За да не ги повредат авторските права, тајно ги купувале сите книги што можеле, ги скенирале и потоа ги фрлале, за да ги обучат машините да се изразуваат со стил. 

Европската комисија отвори истрага за Грок поради загриженост дека алатката за вештачка интелигенција на Илон Маск им овозможува на корисници да прават сексуализирани слики од фотографии на вистински луѓе. Ако се утврди дека е прекршен Законот за дигитални услуги, Брисел може да ја казни компанијата со 6% од нејзиниот глобален годишен промет.

Експерти што важат за „кумови“ на вештачката интелигенција се убедени дека индустријата стигнала пред точка во која нагло ќе запре во развојот. Од ударот во ѕид може да ги заболи главата инвеститорите, кои вложуваат илјадници милијарди во бизнисот со очекување дека напредокот стабилно ќе продолжи со сегашното темпо.

Корисниците што инстинктивно се трудат да бидат учтиви кон ботовите со вештачка интелигенција нема да добијат искрени одговори. Љубезниот однос ја поттикнува ВИ да халуцинира и да измислува одговори само за да го задоволи клиентот, покажува нова студија. Престрогите прашања даваат негативни, но искрени одговори.

Британскиот медиумски регулатор Офком отвори истрага против четботот Грок на Илон Маск за да утврди дали со алатката за сексуализирање на лица врз основа на фотографија ја прекршува обврската за заштита на корисниците од злонамерна содржина. Британија го обвинува Маск одвратно загрозување на приватноста на луѓето, а тој неа за цензура и фашизам.

Иако ЧетГПТ е програмиран да им се „упикува“ на корисниците за да ја освои нивната доверба, тоа никако не значи дека ќе молчи „до гроб“ за приватните детали што луѓето несвесно ги споделуваат. Колку и да звучи како пријател, лесно ќе накодоши човек што му доверува лични податоци, шифри, здравствени и финансиски состојби и што и да е нелегално. 

Откако за три години го прошири ЧетГПТ до речиси милијарда луѓе, Опен АИ сега планира како да ги покрие своите загуби од десетици милијарди долари годишно, секако на штета на корисниците. Следејќи го примерот на Гугл, компанијата на Сем Алтман развива нов тип на дигитално рекламирање, прилагодено на интересите на корисниците. 

Експерт од Дојче банк направил необичен тест со модел со вештачка интелигенција. Го поставил во улога на жири за да пресуди која од две песни е поубава – една напишана од човек или друга од ВИ, а потоа и да одреди која е чија. Се разочарал кога изгубил во натпреварот. Но, многу повеќе го здоболело објаснувањето. 

Хактивисти од Anna's Archive симнале 86 милиони песни од најпопуларната платформа Spotify, со цел да ги споделат бесплатно на интернет и на тој начин „да ја зачуваат светската музика“ ако по некој случај исчезнат услугите за стриминг. Кој сака да ја симне целата архива и да ја чува дома, ќе му треба брза интернет врска и хард-дискови од 300 терабајти.