Вредноста на акциите на Нетфликс е преполовена од лани, иако платформата не губи претплатници. Растот на приходите сè повеќе зависи од рекламирањето, односно од тоа колку луѓето гледаат содржини. Оние кои подолго време користат Нетфликс и повеќе време трошат да најдат нешто што не е банално и негледливо, би одговориле со контра прашање: А што да гледаме?

Низ САД се шират приватни ординации кои го потврдуваат мотото на Топаловиќи дека „само смртта е сигурен бизнис“. И профитабилен, исто така. „Клиника на смртта“ од Њујорк наплаќа по 12.000 долари за смрт на пациенти со неизлечиви болести кои сакаат да си ги скратат маките. САД се приближуваат до Канада, каде што лекари прелесно одобруваат потпомогната еутаназија.

Нова научна студија математички го побива наративот на климатскиот естаблишмент дека емисиите од фосилните горива се главната причина за зголемувањето на концентрацијата на јаглеродот во атмосферата. Анализа на податоци во период од 500 години покажува дека влијанието на фосилните горива е во маргините на грешката на несигурност на мерењата.

Руската служба за безбедност спречи подмолна украинска операција за неутрализирање на руските војници кои управуваат дронови на фронтот. Преку волонтерски мрежи по пошта им испратиле очила за навигирање во кои биле поставени бомби. Во слична операција пред две години, на Мосад му успеа да детонира пејџери на 1.500 борци на Хезболах. 

Градоначалникот Садик Кан запрел истраги за незаконски изречени казни за брзо возење по автопат во околината на Лондон. Камери за следење на сообраќајот регистрирале десетици илјади прекршоци и полицијата нелегално наплатила казни од над 6 милиони фунти. Лондон сега ќе треба на секој возач што тужи да му ги поништи казнените поени и да му ги врати парите.

Смртта на Патрик Стјуарт (86) донесе бран оддавање почит и кон брилијантниот актер и кон славната улога што го дефинираше: Жан-Лук Пикард од „Ѕвездени патеки“. Еден коментатор го опиша тој лик како „најубедливата визија за прогресивна политика што ја познавам: секуларна, рационална, сочувствителна, егалитарна, посветена на изобилство и самонадградба“. Визијата не испадна таква. 

Нов извештај на Комисија на Конгресот открива сведоштва на 11 жени за врските на Трамп со Џефри Епстин. Пет тврдат дека Трамп сексуално ги нападнал. Некои биле на возраст од 13 години. Многу од обвинувањата веќе беа јавно достапни, но сега се официјализирани во владин документ во кој се нудат „повеќе од доволно докази“ за отворање истрага и кривично гонење на Трамп.

Сеењето страв до граѓаните да направат залихи во случај на војна или хакирање на инфраструктурата се прошири на шест континенти. Од Америка до Јапонија, а најмногу низ Европа, владите ги повикуваат семејствата да се спремат за најмалку три дена во целосна изолација. Секој наведува различни причини за тревогата, но пакетот за зло време е идентичен.

Изразеното лобирање кај соработници на Трамп му отвори врата на Милорад Додик во потесниот круг на движењето МАГА околу претседателот на САД. Поканет е да учествува на политички собир во приватната резиденција на Трамп во Мар-а-Лаго, на кој конгресмени и истакнати конзервативни активисти ќе ги почнат подготовките за изборите во 2028 година.

Словенечкиот премиер Јанез Јанша го оцени политичкиот судир околу Уставниот суд на Полска како типичен пример колку забегала Европската Унија од времето кога Словенија стана нејзина членка. По иницијатива на премиерот Туск беше суспендиран претседателот на Уставниот суд, па претседателот Навроцки и полски граѓани излегоа да го бранат судството од извршната власт.

Европскиот удел во глобалните технолошки истражувања и развој (R&D) се има намалено од 23% во 2005 година на само 8% денес, додека САД се искачија на 62%, а Кина се зголеми од близу нула на 15%. Јужна Кореја сега ги надминува Германија, Франција, Велика Британија и Италија ЗАЕДНО во истражувања и развој.

Луѓе и брачни парови, главно пензионери, за неколку стотици илјади долари трајно купуваа бродски кабини за што им беше гарантирано дека до крајот на животот ќе крстарат по светот „ол инклузив“. Некои од нив продале сè што имаат. Но, цената на горивото го има направено овој модел неодржлив па сега им викаат да се симнат од крузерот.

Во приватните медиуми толпата таму нема што да бара. Никаква правда „по кратка постапка“! Ако дозволите да завладее бран на јакобински бес – сетете се само на Француската револуција – на крајот ќе завршите така што ќе се свртите едни против други и меѓусебно ќе си кинете глави. 

Независно истражување на медиумот Danwatch открива нов скандал со европската програма за вооружување на Украина. Преку естонска служба за посредување, Данска платила 9,5 милиони евра за муниција, а не била испорачана ниту една граната за Киев. Поради сомнителни набавки на муниција од фирма за софтвер веќе падна министерот за одбрана на Естонија.

Соочен со голема криза во продажбата и конкуренцијата од кинеските возила, германскиот автомобилски гигант Фолксваген го запира развојот на електрична верзија на својот најпродаван модел „голф“. Проектот не е целосно откажан, но фокусот ќе биде префрлен на внатрешна реорганизација на компанијата која годинава бележи загуби од стотици милиони евра.

Во обид да ја пополни огромната дупка во буџетот, Франција заклучи дека може да го оданочува и сообраќајот на интернетот. Собранието усвои амандман со кој креаторите на содржини на интернет ќе плаќаат по 0,055 евра за секој гигабајт од филмови и игри. Планот е да се собираат по околу 10 милијарди евра годишно. Цената на крајот ќе ја платат француските семејства.

Ако демократите ја вратат контролата врз Претставничкиот дом, а можеби и врз Сенатот, се поставува прашањето дали конечно ќе успеат да го демонтираат популизмот на Трамп, што не им појде од рака во претходните години. Одговорот, најверојатно, е не: и покрај необично бурното владеење, Трамп всушност го институционализираше својот популистички бунт.

Британските власти ги оспоруваат извештаите дека странски државјани и нелегални мигранти се одговорни за непропорционално повеќе силувања и физички напади врз жени, но ги кријат официјалните податоци за насилства расчленети по националности. Наместо да се соочат со проблемот, ги префрлаат мигрантите од хотели во поранешни бази, загрозувајќи други заедници.

Трамп испраќа оружје кон Персискиот залив и отворено му се заканува на Иран со моќен воен удар веднаш штом ќе завршат изборите за Конгресот на 3 ноември. Израелски офицери стравуваат дека САД по канонадата ќе ја прогласат војната за завршена и ќе се повлечат, оставајќи го Израел сам да најде начин како да го собори режимот во Техеран и да ја уништи нуклеарната програма.

Соочена со полупразни резервоари, пресечен глобален синџир на снабдување и прогнози за рана и студена зима, Европа ќе ги трпи последиците од сопствената забрана за увоз на гас од Русија. Со оваа политика не се ослободи од енергетската зависност, туку всушност го замени добавувачот, на големо задоволство на САД, каде што цените на гасот се 11 пати пониски од Европа.

Американски и латиноамерикански функционери тврдат дека УСАИД ја злоупотребувала својата мисија и финансирала левичарски политичари и нивните каузи низ Латинска Америка. Обвинувањата почнаа откако неколку земји во регионот избраа конзервативни лидери по одлуката на Трамп да ја укине Агенцијата за меѓународен развој.

Германската политика во војната во Украина е „скапа и практична“. Берлин плаќа, останува морално чист и ги остава другите да бараат непопуларни компромиси. Држејќи се на страна, индустријата и политиката се прилично задоволни од војната поддржана (делумно) од германски пари и германско оружје, но во која нема да загине ниту еден Германец. 

Строгата забрана за одгледување афион што ја наметнаа талибанците не само што предизвика криза на нарко-пазарите на Западот, туку и фрли во сиромаштија многу авганистански семејства. Принудени да се префрлат на памук и други култури, земјоделците не можат да си ги прехранат децата. Многумина му се враќаат на афионот, свесно ризикувајќи јавно камшикување и затвор.

Стартап од Сан Франциско објави необичен оглас за вработување. Бара луѓе за шетање роботи по истите услови како да се домашни миленици, со вообичаената тарифа од 20 долари на час. Целта е роботите директно да се запознаат со средината и правилата на урбаната џунгла во која наскоро ќе мораат самите да патролираат. Шетачот само треба да ги врати дома здрави.