Ново истражување покажува дека 20 проценти од алгоритамските препораки на новите корисници на видео платформата Јујуб ја сочинуваат ниско-квалитетни содржини креирани од вештачка интелигенција. Каналите кои ги нудат ваквите содржини имаат вкупно 63 милијарди прегледи и заработуваат околу 117 милиони долари годишно.

Од денес, за австралиските деца и тинејџери ќе биде нелегално да користат социјални медиуми. Нема да имаат Инстаграм, Фејсбук, Снепчет или ТикТок ако се помали од 16 години. Ене ги, се затрчаа надвор да играат ластик и долга магарица, како некогаш нивните родители. Не оди тоа баш така.

Стејт департментот им наложи на своите вработени да ги отфрлаат барањата за виза од луѓе кои работеле на проверка на факти, модерирање на содржината или други активности што администрацијата на Трамп ги смета за цензура на Американците. Конзуларните работници ќе треба детално да проверуваат CV-a, барајќи ги оние кои беа горди што учествуваа во „заштита на интернетот“.

Додека Гугл ја брани својата империја од регулаторите во САД и ЕУ, информатичкиот гигант ја предвидел оваа битка и се спремал за неа пред повеќе од две децении. Се врзувал со еврокомесари и плаќал лобисти за да покаже дека доминацијата ја обезбедил со иновации, а не со матни бизнис зделки. Сега е соочен со најсериозната битка во Брисел.

Нема ни три години откако ЧетГПТ се појави на интернет и од тогаш само пишува, пишува, пишува... И многу други четботи по него. За две години јазичните модели со вештачка интелигенција се изедначиле со луѓето во продукцијата, а сега имаат објавено онлајн повеќе содржини отколку сите луѓе заедно. Овој тренд ненадејно запрел и неколку месеци сме изедначени.

Холандски суд ѝ наложи на Мета да направи структурни промени на своите платформи Фејсбук и Инстаграм, зашто корисниците немаат овластувања самостојно и слободно да ги исклучат алгоритмите за препораки. „Неприфатливо е неколку американски технолошки гиганти да диктираат како корисниците во Европа ја гледаат содржината“, тврди групата што ја тужеше Мета.

Некогаш интернетот беше див и хаотичен, но многу човечки. Таквиот жив веб веќе наголемо се повлекува пред таканаерчениот мртов интернет во кој огромен дел од содржините воопшто не е создаден од луѓе туку од ботови а системот го управуваат алгоритми кои одредуваат што треба да се види, слушне и прочита. Интернетот е во рацете на машините а ти се оптимизирани да прават профит.  

Вештачката интелигенција веќе се интегрира во интернет прелистувачи и допрва се откриваат можните непријатности. Со таков прелистувач можете најнаивно да отидете на Фесјбук за да читнете нешто а таму да има скриена инструкција која вие не ја гледате (бел текст на бела позадина), да ви се испразни сметката од банка.

Изложеноста на децата на порнографија во Британија денес е поголема отколку пред две години, кога беше воведен Законот за безбедност на интернет. Првиот случаен контакт со порно го имаат уште пред да тргнат на училиште. Особено загрижува тоа што имаат пристап до сексуални содржини со насилство. Не ги бараат самите, туку им ги сервираат социјалните мрежи, најчесто X.

Пребарувачите и агрегаторите на вести на чело со Гугл направија империи со пренесување и сортирање на авторски новинарски содржини. Сега преминуваат на стратегија што егзистенцијално ги загрозува медиумите – нудат резиме составено со вештачка интелигенција за да обесхрабрат посета на оригиналниот извор на веста. Како курир што ја крие пораката и ја прераскажува.

Пред неколку дена корисници на Фејсбук, Инстаграм, Гугл и Епл се пожалија дека имаат проблеми со своите сметки а подоцна истражувачи потврдија дека имаме работа со најголемото пробивање на податоци досега, со податоци за неверојатни 16 милијарди најавувања. Да, сосе лозинки. На интернет корисниците топло им се препорачува да ги сменат лозинките и да подигнат ниво на заштита на своите сметки.

Компанијата на Марк Закерберг толерира измамнички реклами на своите социјални платформи за да не го загрози огласувањето како извор на 160 милијарди профит. Мета дозволува и по 32 лажни „неверојатно поволни“ понуди за туѓи производи на Фејсбук и на Инстаграм пред да ги блокира, а измамените корисници попусто бараат некој да им ги врати „ситните“ пари. 

Фејсбук е преполн со шкарт содржини креирани од вештачка интелиганција, Икс се наполни со „слободни мислители“ кои во сè гледаат теории на завери а пребарувачот на Гугл знае да препорача да јадеме камења. Постои и теорија која го објаснува овој феномен. Се вика „еншитификација.“ На нашки, интернетот се избугари.  

Турчинка, веќе активна на Онлифанс, која сакаше да тргне по патот на своите колешки што рушат рекорди по бројот на партнери во еден ден, е уапсена само што ја објави својата намера.

Тикток, кој доколку ништо не се смени во следните неколку денови ќе престане да функционира во САД, е на пат да заврши како уште една интернет платформа во сопственост на Илон Маск.

Новите правила на Мета за користење на платформата не им дозволуваат на корисниците како навреда да нарекуваат други луѓе дека се ментално болни, освен ако тие други луѓе не се ЛГБТ.

ПТСС, или пост-трауматски стрес синдром (растројство, нарушување) обично се врзува со луѓе кои биле во војна и слични вооружени конфлики каде што виделе злосторства кои оставаат трауми со години откако ќе се вратат дома. Истиот синдром го имаат и оние од првите редови на социјалните медиуми, оние што мора да видат секакви гадости на кои луѓето се спремни.  

Русија на еден ден блокирала цели делови од својата држава од пристапување на интернет како дел од проектот за развивање на сопствен „суверен интернет“.

Директорот за глобални прашања на Мета јавно признава дека не само што цензурираат туку попат прават и големи грешки во проценка на содржини кои решаваат да ги отстрануваат или да ги етикетираат. Тоа го знае секој кому му била скинато нешто од Фејсбук, а било банално или пак да се чудиш што било спорно. Малку претеравме, вели директорот. Не, многу претеравте.

Четири месеци откако основачот на Телеграм беше уапсен во Париз заради немодерирање екстремни содржини, платформата најави пресврт во своите ставови. По апсењето на Павел Дуров компанијата стана невообичaено кооперативна, прво за ИПП адресите и телефонските броеви, а сега и за материјалите со сексуална злоупотреба на деца.

Како што пренесовме, австралискиот закон за онлајн безбедност, односно минимална возраст за социјални медиуми, формално се воведува за да се користи проверка на возраста и да се спречат корисниците под 16 години да пристапуваат до социјалните мрежи. Навидум убава кауза но критичарите во тоа гледаат нешто друго.

Медиумите деновиве ја пумпаа приказната дека од Твитер се случува егзодус и дека незадоволни од атмосферата, масовно се заминува на новата омилена платформа на прогресивните - Bluesky. За баговите во таа приказна пишувавме во „Колку пати едни исти луѓе можат да го напуштат Твитер?“ Но, има тука уште нешто интересно. Оние што навистина заминааа на Блускај, со себе ги донесоа и своите навики - да кенкаат.

Платформата која ја претпочитаат оние кои биле изгорени од цензура на други платформи убедливо го сруши личниот рекорд во гледаност, иако и за претседателската дебата стоеше одлично. На денот на изборите, Рамбл на нашиот Крис Павловски се промовираше во топ три платформи за стриминг. Има логика бидејќи слободата на говорот станува сè поважно прашање за Американците.

Затвори очи и замисли 12 милиони луѓе. Сега замисли дека сите овие 12 милиони по цел ден единствена работа и кариера во животот им е само да бидат инфлуенсери по социјални мрежи. Е овие 12 милиони се само во САД.