Платформата која ја претпочитаат оние кои биле изгорени од цензура на други платформи убедливо го сруши личниот рекорд во гледаност, иако и за претседателската дебата стоеше одлично. На денот на изборите, Рамбл на нашиот Крис Павловски се промовираше во топ три платформи за стриминг. Има логика бидејќи слободата на говорот станува сè поважно прашање за Американците.

Затвори очи и замисли 12 милиони луѓе. Сега замисли дека сите овие 12 милиони по цел ден единствена работа и кариера во животот им е само да бидат инфлуенсери по социјални мрежи. Е овие 12 милиони се само во САД.

„Мразам да барам на Гугл,“ е еден од честите одговори кои ќе ги добиете од тинејџер кога ќе ве праша нешто а ќе го потсетите на старото правило: „Пред да прашаш некого, прашај го Гугл“. Тие не чувствуваат потреба да бараат нешто, да пребаруваат по интернет, нејќат да знаат „до толку.“ За нив интернетот е она што го добиваат (перфектно алгоритамски сложено баш за нив), на бескрајните фидови по кои треба само да се скрола.

Европската младина ќе биде заштитена од ужасите на гледање видеа од луѓе кои вежбаат или предлагаат да се вежба, кои Јутјуб одлучи по ново да ги жигоса како штетна содржина.

Како одговор за сè подрското западно мешање во војната во Украина, Русија одвреме-навреме предупредува дека ако нејзината територија некој може да се смета за легитимна воена цел, тогаш и таа може за легитимни цели да ги прогласи подводните интернет кабли и системите за навигација. НАТО и Запад знаат дека немаат сериозен бекап план.     

Уште од времето на пандемијата, Фејсбук станува сè поцензурирана платформа чии алгоритми или факт-чекерски партнери во последно време се сè повеќе здивени па се кинат постови и објави без никаква логика. Покрај обичната раја, страдаат и сериозни авторитети. На прочуениот биолог Ричард Докинс му бил скинат целиот профил затоа што многу се мешал во - биологија. 

Две недели детоксикација од социјални мрежи успеала да ја намали зависноста од смартфони и социјални медиуми, додека во исто време го подобрила физичкото, менталното и општествено здравје кај младите лица.

Шпанија воведува порно пасоши за деца чија главна задача ќе биде да се спречат малолетниците да гледаат содржини за возрасни со тоа што порно платформите ќе можат точно да ја верификуваат возраста на своите корисници.

Во име на заштита на децата од сексуална злоупотреба, во институциите на ЕУ сè посериозно се тркала предлог кој ќе стави крај на приватноста на дигиталната комуникација. Од оние што користат месинџери, ќе се бара да се согласат сите слики и видеа што ги праќаат да бидат предмет на скенирање, за евентуална пријава до надлежните. Оние кои нема да се согласат, ќе можат да праќаат само текстуални пораки. 

Кина воведе ново нови на цензурирање интернет содржини чија мета се постови кои покажуваат раскош, богатство и величење на пари, а целта на државата е „да се прочисти интернет културата.“

Во сенка на информациите за девелоперската конференција Гугл I/O 2024, некако слабо помина веста за еден до сега невиден хорор што им се случи на клауд-сервисите на Гугл: некако им се избриша важен акаунт и им требааа речиси две недели да го вратат. Колку важен акаунт? 135 милијарди долари! Што нè потсетува на мудрата: Не постои „клауд“, тоа е само друг нечиј компјутер.

Интернет пристапот и неговата употреба е постојано поврзана со позитивна добросостојба на корисникот, тврди истражување на податоци од 168 држави што го прави Оксфордскиот интернет институт.

„123456“, „admin“ и „password“ повеќе нема да бидат дозволени во Британија, а уредите кои ќе доаѓаат со лесни лозинки ќе се смета дека не ги исполнуваат минималните стандарди за безбедност.

Илон Маск, газда и ЦЕО на Икс кој себе се смета за апсолутист во поглед на слободата на говорот, окако ја купи платформата, дерман нема од битки со држави, агенции и јавни личности на тема што е прифатливо да се објавува онлајн. Ех, што мирно и спастрено беше кога платформата функционираше како филијала на ФБИ (види овде).

Законот бара од кинескиот сопственик на Тикток, Бајтденс, да го продаде својот удел во платформата во рок од девет месеци до година дена, во спротивно истата ќе биде целосно забранета во САД.

Студија утврдила дека ставови кои отстапуваат од вообичаените и можат да се сметаат за ексцентрични или екстремни, дури и кога не се за политика или религија, привлекуваат повеќе интернет внимание и интеракции. Проблем е што кога ќе се види на што се пали публиката, тоа те мами да продолжиш во таа насока. Така безброј портали се самозакопаа со оние глупите „шокантно“ и „ексклузивно.“

Пред две децении, за да се отвори Gmail беше потребно да се добие покана од некој што веќе има отворено сандаче. Добивањето таква покана повлекуваше чувство на гордост и избраност. 20 години подоцна, онлајн сандачето на Гугл стана една огромна и хаотична збирка од сешто, како шпајз во кој само се оставаат работи кои не ни требаат, а страв ти е да почнеш да го чистиш.   

Милиони корисници на Хром со години ја користеа опцијата за приватно „инкогнито“сурфање убедени дека на тој начин нивните талкања на интернет остануваат приватни и дискретни. Да беше навистина така, Гугл ќе немаше што да брише. Ама има, и тоа милијарди податоци за „приватни“ интернет посети и пребарувања на милиони „инкогнито“ корисници.

Гувернерот на Флорида потпиша закон со кој на децата до 14 години целосно им се забранува пристап до социјалните мрежи, а на 14 и 15-годишниците им треба согласност на родителите за да бидат на социјални мрежи.

За намалување на ширењето омраза и однесување со омраза канадската влада ќе ја зголеми казната за онлајн омраза од пет години до доживотен затвор за поддржување на геноцид.

Иднината е тука и излегува дека таа е многу расистичка. Деновиве пишувавме за ВИ алатката на Гугл, генераторот на слики Gemini GI кој има многу добри страни но едно нешто сигурно не е меѓу нив: историската точност. Но, не се менува само минатото. Технологијата пробува да нè нахрани со лажна слика и за денешнината.

Паралелно со спогодбеното решавање на 5 милијарди долари тешката тужба по истата основа, Гугл јавно откри дека собира податоци од вашето користење на Гугл Хром дури и кога сте во „инкогнито“ начин на работење.

Истражни органи во Англија го истражуваат првиот случај на „силување“ во метаверзум, откако девојче било „нападнато“ во видео игра за виртуелна реалност. Нема физички повреди бидејќи и немало физички напад, но малата била вознемирена откако нејзиниот дигитален лик бил нападнат во виртуелна „соба“. А за оние силни убиства во катаљарда игрици, кога ќе почнат истраги?

Мета бара забрана за користење вештачка интелигенција за политички кампањи, но прашање е дали и како тоа може да се спроведе. Дотогаш, два совета: не конзумирајте социјални мрежи за време на изборна кампања бидејќи таму ве чекаат алгоритмите со пораки создадени па ваш вкус. А ако веќе користите, не верувајте во ништо што ќе прочитате.