Микрософт спроведува една од најголемите корпоративни шпионски операции во модерната историја, обвинува групата Fairlinked/BrowserGate.
Тврдат дека ЛинкдИн активира скриен JavaScript при секое вчитување на страницата што ги скенира прелистувачите на корисниците а резултатите ги споделува со трети страни без согласнот или знаење на корисникот.
Се мапира неверојатно широк спектар, од податоци за нивните конкуренти до екстензии што откриваат религиозни верувања и политички мислења.
Точниот број мониторирани содржини во компјутерот останува спорен - Fairlinked тврди дека има над 6.000 екстензии, независна анализа сугерира околу 2.953.
Наводното следење вклучува алатки за барање работа и конкуренти (како Apollo, Lusha и ZoomInfo), политички убедувања (преку екстензии како Anti-woke, Anti-Zionist Tag, No more Musk...), религиозни верувања (екстензии како PordaAI и Deen Shield кои филтрираат содржини според исламски принципи и блокираат или замаглуваат "арам" материјали), работен статус (509 екстензии за барање работа) и трговски тајни на милиони компании, преку мапирање кои организации користат кои конкурентски производи.
Една од фирмите кои ги добиваат резултатите е Хјуман, американско - израелска компанија за сајбер безбедност вредна 1,5 милијарди долари.
Накратко, обвиненијата го прикажуваат LinkedIn како корпоративна шпионска мрежа маскирана како платформа за професионално вмрежување.
Целосната листа од 6.222 екстензии ја имате ОВДЕ
