Долгото отсуство на американскиот сенатор Мич Меконел по хоспитализацијата поради мистериозни здравствени проблеми ја врати старата шега за Капитолот: Тоа е елитен клуб на пензионери, кои сè уште се способни да го потресат светот. Некои велат дека богатото искуство е незаменливо. Освен ако не се претера, како што неодамна покажа Џо Бајден.

Образовните системи во богатите земји произведуваат незнајковци, покажува ново глобално истражување. Секој петти бруцош на факултети во Израел или Полска чита и решава математички проблем на ниво на десетгодишник. Зошто да учи, кога во џебот има бот што знае сè? Ова го поттикнуваат и универзитетите, кои во битка за студенти ги спуштаат критериумите за уписи. 

Мерките за преполовување на стапката на смртност на родилки во Британија имале ужасен контраефект. Наместо да се намали, бројот на смртни случаи на мајки и бебиња се зголемил за 20%. За да отфрлат кривична одговорност, болниците манипулираат со квалификацијата на ургентните случаи, уништуваат документација и одбиваат соработка со независните истраги. 

Кина одамна ја прогласи за успешна својата стратегија да го запре ширењето на пустини опкружувајќи ги со зелен ѕид од десетици милијарди дрвја, но сега забележала и изненадувачки бонус – дрвјата во овој ѕид растат побрзо отколку во природните шуми во земјата. Феноменот е најизразен кај дрвја од 30 до 40 години, но подоцна се губи ползата за околината.

Булдожерите веќе завршија со пробивањето на Источното крило на Белата куќа за да направат место за контроверзната балска сала на претседателот Доналд Трамп. Некои од најголемите корпорации во земјата тивко помагаат да се плати сметката а нов извештај сугерира дека тие за возврат добиваат огромни бизниси.

Нова национална анкета во САД открива воочлив парадокс во јавното расположение за 250-годишнината од Америка: јаз помеѓу силната патриотска гордост на Американците и нивниот недостаток на основно граѓанско знаење од општа култура за својата земја. Пола од нив и не знаат што се оние 250 години што Америка деновиве ги слави.

Којa е Америка? Кој ја создаде? Кому Американците му го должат славењето на 250-тиот роденден и дали европските белци со напудрени перики сами го измислија американскиот концепт и беа единствените заслужни за победата над британските сили? За најголемите губитници во колонизирањето на континентот, домородните племиња, и денес не се кажува сè.

Паралелно со бомбардирањата и бруталното чистење на теренот во јужен Либан, наспроти низата прифатени прекини на огнот, Израел води и интензивна психолошка војна за да ја зацврсти окупацијата на територијата на северниот сосед сè до реката Литани. За ова, како оружје користи една од најпопуларните технолошки платформи на интернет за запознавање.

Во 35-те години од обединувањето на двете Германии, вкупното население на земјата е поголемо за 3,8 милиони луѓе, што е зголемување од 5% и главно потекнува од имиграцијата. Но, во петте покраини што беа дел од источната Германска Демократска Република, населението се има намалено за 16%..

Британија спроведува амбициозна и ригидна политика на нето нула емисии согласно која клима уредите се само за во крајна нужда, откако ќе се исцрпат сите други методи за „пасивно ладење.“ Замислете на топлово да ви дојдат дома инспектори од општина и да ви кажат дека не е убаво што ви работи климата. Колку бенефициран стаж треба да добијат преживеаните инспектори?

Европа се загрева побрзо од остатокот на светот. Канада се загрева побрзо од остатокот на светот. Авастралија се загрева побрзо од остатокот на светот. САД се загревааат побрзо од остатокот на светот. Кому да му се верува? На сите нив или никому? Не може секој дел од светот истовремено да биде полош од секој друг.

Убедени дека разладувањето на домовите ја затоплува околината и го оптоварува семејниот буџет Французите беа спремни да трпат летни жештини без клима-уреди. Беше потребен силен топлотен бран од Африка за да почнат да се пресметаат и да сфатат дека можеби биле во заблуда. Нема да го спречат топењето на глечерите и нема да осиромашат ако почнат да се ладат.

На линија на она што го збореше Рамбо Амадеус, дека во аналогните времиња, човек на шанк седеше со свои луѓе и не можеше туку така некој да им се трапоса, во контраст со денешните времиња кога секој секому може да му дојде во Фејсбук двор и да му баљезга. Стварно ќе беше подобро ако не ги запознавме оние кои толку успешно ги избегнувавме во вистинаскиот живот.  

Kратка прошетка јужно од зградата на Европскиот парламент во Брисел води кон Авенијата Луиз, одговорот на белгиската престолнина на Шанзелизе - делница од три километри со луксузни ресторани и луксузни хотели во убави згради. Некои доаѓаат тука за дизајнерските бутици. Други доаѓаат за секс.

Злото може да се препознае и да му се пружи отпор. Глупоќата е имуна на критика, меѓу другото, и затоа што глупавите луѓе - не сфаќаат дека се глупави. Како таква, глупоста и нејзините носители се моќна алатка за манипулација на оние злонамерните. Кога тоа ќе се спои со авторитарни пориви во базата, целата државна структура станува стабилна пирамида од некомпетентни лица кои мислат дека се најјаки. 

Долго време, просветлениот дел од постарите генерации се секираа каква тоа планета им оставаме на младите, со оглед на сите еко кашкаици што ги имаат направено. Но, се менуваат работите.  Гледајќи ги перфомансите на младите генерации, добар дел од нив сега повеќе се прашуваат на кого тоа ќе ја оставиме плaнетава. 

Банката на Англија ја брани својата одлука да прикаже див животински свет на следната серија банкноти, потег со кој ќе се заменат историските личности кои се наоѓаат на сегашните банкноти. Заминуваат Черчил, Алан Туринг и Џејн Остин, доаѓаат делфини, лисици и бумбари. Овие првиве да ти биле биле елитисти. Денешниов Запад сè ќе направи за глупите и медиокритетите да не се чувствуваат навредено.

Николас Вагтер познат и цититан автор и доктор по биофизика. Според канадските закони за психијатриска интервенција бил насилно приведен откако стана премногу гласен за институционалната корупција, заштитата на патентите и сомнителните механизмни во финансиските системи. Канадската влада го замолчи со насилно примање во психијатриско одделение.

Светското население сè уште расте а една нова студија сугерира дека човештвото го преминало прагот на одржливост уште пред пет децении: тогаш е прејдена точката во која повеќе луѓе веќе не им помагаат на општествата побрзо да се развиваат, туку наместо тоа се започнува вистинска борба против природните ограничувања на планетата. 

Ученици на возраст од 13 до 15 години во една германска гимназија добиле задача да осмислат бордел. Не само како би изгледала таа јавна куќа и какви функционалности би требало да има, туку и да понудат решение за прашањето со каква понуда излегува на пазарот, за да можат луѓе од секакви сексуални преференци да бидат услужени и задоволени. 

Американскиот мултимилијардер Питер Тил го премести своето семејство во Аргентина каде купил луксузен апартман и земјиште. Одлуката ја донел првенствено за да го избегне предложениот данок за ултра-богати во Калифорнија, по кој таквите калибри како него, треба еднократно да ѝ подарат на државата пет проценти од своете богатство. А и во случај на нуклеарна разврска Аргентина не е лошо решение.

Кина е надвор од сите трендови на западните земји во кои бројот на пушачи постојано се намалува. Младите Кинези пушат нешто помалку но затоа останатите чурат повеќе па ги држат приходите огромни и клучни за економските и други политики на Пекинг. Кинезите пушат речиси колку сите други луѓе на светот заедно.

Америка се подготвува да ја одбележи 250 годишнината од раѓањето на нацијата, меѓу другото, и со комеморативна банкнота од 250 долари. Тука влетува незаситното его на актуелниот претседател кој нарачал да се смени законот по кој е забрането живи луѓе да се ставаат на банкноти. Ако ова се истера до крај, преку една милијарда луѓе ќе го знаат точното значење на банкнотата. Оние што зборуваат кинески.  

Престижниот универзитет Харвард сфатил дека се претерало со давање на највисоката оценка иако таа е резервирана само за извонредни резултати. Како и со парите, и десетките се подложни на инфлација: колку повеќе ги има во оптек (без покритие), толку помалку вредат. Донеле решение за ограничување на десетките во проценти. Глупо, но професори велат дека тоа е најмалку лошото решение.