Првично 100 милиони а за 4 години 230 милиони евра ќе даде Шведска за да ги поправи грешките од заблудата дека хартијата и аналогното се надминати и треба да се заменат со таблети и дигитален пристап. Академските инстутуции реагираа а тестирањата покажаа дека децата им стануваат сè послаби во читање, пишување и учење. А и тоа што ќе го научат, побрзо го забораваат.    

Африканските шуми и дрвенестите савани долго биле стандарден апсорбер на јаглерод, земајќи го атмосферскиот и складирајќи го како биомаса. Но, меѓу 2010 и 2017 година ситуацијата се менува  кога се случува критичен премин на тие шуми од апсорбер во извор на јаглерод. На Запад не му се допаѓа тоа што Африка сè повеќе користи фосилни горива, ко тие да станаа развиени со помош на ветерници. 

Велика Британија, земјата која се накрцка со илегалци а за нас („стратешкиот партнер“) уште го држи ригорозниот режим на визи (уште да бараат дете под хипотека да ставиш) му одобрила дозвола за престој на авганистански илегален мигрант кој на прашањата колку години има и од каде поточно доаѓа, со години им викал не знам и не се сеќавам. Тоа им го рекол во 158 наврати. 

Во очајнички обид да го спречат намалувањето на населението што ја оптоварува економијата, кинеските власти од идната година воведуваат данок за контрацептивни средства. Критичари укажуваат дека тоа нема да придонесе за повеќе деца во семејствата, туку може да поттикне забрзано ширење заразни болести и повеќе абортуси. 

Македонците годинава потрошиле речиси 3 милиони долари на платформата за „креирање содржини“ Онлифанс. Тоа се чини дека се многу пари фрлени на дигитален воајеризам, но се губат како ситно во глобалниот промет од милијарди долари. И повторно сме на дното во регионот. Словенците трошат пет пати повеќе од нас „по рака на жител“.

Повлечена е на долго и на широко цитирана студија за економската цена на климатската катастрофа која нè очекува. Беше објавена во угледниот научен магазин Nature во април 2024 година а во меѓувреме пуштена низ разгласот на корпоративни медиуми кои го промовираат зелениот наратив и ја држат публиката во постојан климатски шок. Имале погрешни податоци.

За да ја пополни буџетската дупка поради напуштањето на колите на бензин и дизел, Британија најави нова акциза што за 200-300 фунти годишно ќе ги оптовари сопствениците на коли на струја. На оние што ги полнат колите во гаража на евтина струја патувањето ќе им остане поевтино, но ако ги полнат батериите на јавни станици, ќе плаќаат повеќе отколку да возат бензинци.

Eксплоатирано до крајност, какаото повеќе не може да го задоволи глобалниот апетит за чоколадо. Природата го создала да вирее само во тесен појас околу екваторот, особено во Африка. Во битка за пазарот од стотина милијарди долари годишно, технолози, ботаничари и генетичари развиваат алтернативни чоколади што ќе го прелажат истенченото сетило за вкус. 

Пред неколку дена пишувавме за проблемот со вода во Иран. Истиот проблем сега е пред портите на Европа. Огромни волумени од водните резерви на Европа се исцрпуваат, открива нова анализа која користела сателитски податоци од две децении. Складирањето на слатка вода се намалува низ јужна и централна Европа, од Шпанија и Италија до Полска и делови од Велика Британија.

Јазичните модели со вештачка интелигенција може лесно и незабележано да ги корумпираат анкетите за јавни мислења. Со ефикасност од 99,8% ги поминуваат проверка и дали на прашањата одговара човек или машина. Може да се злоупотребат за билдање предизборен рејтинг, но и да генерираат лажни податоци на кои потоа се темелат економски или здравствени политики.

Во декември, Емануел Брунишолц од Швајцарија ќе замине на отслужување на затворската казна. Неговиот злостор? Споделил една научна вистина дека скелетите не можат да бидат трансродови. Му било кажано дека тоа е говор на омраза. 

„Сакам да станам Железната леди, како Маргарет Тачер“, има признато Санае Такаичи која пред неколку дека беше избрана за прва жена лидер на владејачката партија и сега е на пат да стане прва премиерка на Јапонија. Зад неа е богата политичка кариера но младоста ја има поминато со сосема поинакви занимации.  

Претседателот Емануел Макрон и неговата сопруга Брижит собираат фотографии, вештачења и научни докази за да докажат пред американски суд дека првата дама на Франција е жена. Документите ќе ги претстават во тужбата за клевета против десничарската инфлуенсерка Кендис Овенс, која тврди дека Брижит Макрон е родена како маж. Брижит да беше Бардо, немаше да се влечат по судови.

Разновидно е портфолиото на ЦИА и на секакви начини бесрамно, ама за ова првпат слушаме. На времето агенцијата имала отворено и менаџирала јавна куќа. Наивни мажи влегувале во лажниот бордел каде обучени проститутки прецизно ги дозирале со дроги без овие да знаат. Истовремено, преку лажните огледала, агенти на ЦИА набљудувале реакции, особено дали клиентот „се отвора.“     

Илхан Омар (родена во Могадишу, Сомалија) е членка на Демократската партија, првата жена од Африка и една од првите две муслиманки (заедно со Рашида Тлаиб) избрани во Конгресот на САД. Гласините дека набрзинка станала милионерка упорно ги отфрлаше како апсурдни и пресмешни. А потоа пријави дека тежи 30 милиони долари.

Како да се спречи руска инвазија на Европа? Вратете ги мочуриштата, препорачува холандскиот биолог Ханс Јостен. Европските земји вложија огромен напор во исушување на мочуриштата за да создадат плодна почва. Сега, враќањето на природните бариери се нуди како главен адут на Европа против - замислениот - напад на Владимир Путин.

Во Австралија се крчка нова идеја што предизвика бура од реакции: данок на неискористените соби во приватните домови. Да, ако имате празна соба во вашата куќа, можеби наскоро ќе треба да платите за неа. Што е следно, данок на празните чинии во кујна, празните столици во трпезарија, празните рафтови во фрижидер?

Во Северна Ирска речиси половина од автомобилите се регистрирани преку шема наменета за луѓе со попреченост. Освен бесплатна кола, шемата нуди куп галантни бенефиции, како што е сервисирање, промена на гуми, бесплатна инсталација на полнач во двор... Убаво, само што меѓу дијагнозите со кои може да се влезе во шемата се и запек, „тениски лакт“, па дури и злоупотреба на алкохол.  

Чумата - позната и како Црната смрт, екстремно ретко се фаќа денес па сепак, неодамна зарази жител на Саут Лејк Тахо. Терминот „чума“ обично асоцира на масовниот убиец што уби 25 милиони Европејци во средниот век. Во 14 век, чумата убила дури 50% од целокушното население на Европа. 

Рударењето криптовалути годишно троши вода повеќе отколку што вода трошат 300 милиони луѓе во Субсахарска Африка. Само една трансакција „пие“ 16.000 литри вода. Во еколошка смисла, копањето криптовалути е поскапо и поштетно отколку копањето злато и сребро бидејќи троши повеќе енергија за да се добие иста количина на пазарна вредност.

Актуелната германска министерка за економија предупредува дека на долг рок, ситуацијата со пензискиот фонд е неодржлива. Населението старее, сè помалку работоспособни луѓе мора да алиментираат еден пензионер, фондот голта сè повеќе милијарди евра. Решението ѝ звучи скроз германски: да работиме подолго! Само што, лесно е тоа да се каже додека се седи во фотеља во Берлин.

Чести паузи во меморијата, дезориентација, конфузија околу бројките и боите – ова се секојдневните проблеми на 28-годишниот Васиљ од централна Украина. Од 2015 година е на психијатриски третман за растројство на личноста. Но, тоа не ги спречило украинските вооружени сили да го повикаат на воена служба и да му дадат оружје.

Американскиот авио-гигант Делта има долгорочна стратегија да ги напушти фиксните цени и да се насочи кон индивидуализирано одредување цени со помош на вештачка интелигенција. Досегашното искуство им било „неверојатно поволно“. Застапник на потрошувачите ја споредува оваа тактика со „хакирање на нашите мозоци“.

За првпат досега, сончевата енергија во јуни обезбеди повеќе струја за државите од Европската унија од нуклеарната енергија или енергијата добиена од ветар. 13 членки постигнале рекордни износи струја од своите соларни системи. Според тинк-тенкот Ембер, уделот на јаглен во јуни бил најмал од кога и да било порано.