Со неверојатна стапка на раст на реалниот животен стандард од над 300% во изминатите 30 години, двојно повеќе од која било друга европска земја во тој период, Полска веќе го надмина европскиот просек, се изедначи со многу побогати европски земји, а на пат е да ја надмине и Јапонија. Корените биле пуштени уште во социјализмот, кога малите бизниси полнеле 20% од буџетот.

Соочени со невозможна мисија да пополнат дупка од 20 милијарди фунти во буџетот, британските власти разгледуваат како да ги продадат криптовалутите што полицијата ги запленила од криминални зделки и измами. Експерти ги предупредуваат лабуристите да не ја повторат глупоста на Гордон Браун, кој од државните резерви продаде 400 тони злато кога беше по најниска пазарна цена.

Растечките трошоци за живот во Германија сè повеќе ја намалуваат реалната куповна моќ на граѓаните и им го прават животот сè поскап. Ако се имаат предвид цените, посиромашни се дури и од Русите, кои водат војна, трпат санкции и имаат висока инфлација. Германските семејства најмногу се оптоварени од зголемувањето на кириите, кои во големите градови поскапеле за 27%. 

Европските супермаркети и дисконтери се во паника од неочекувана конкуренција. На пазарот на прехранбени производи доаѓа кинеската Тему, која се прослави со продажбата на евтина облека, електронски уреди и украси за купувачи на кои цената им е поважна од квалитетот. Кинезите веќе градат логистика низ Европа и ќе ги полнат продавниците со храна од локални производители.

Продажбата на Јагуар нагло падна откако легендарната британска компанија ја исфрли мачката од логото и мускулестите машини ги претвори во барби-аутца, шокирајќи ги своите фанови. Компанијата потврдува дека продажбата паднала речиси до нула, но и објаснува дека тоа е планирана последица од ребрендирањето и од уште поризичниот потег да замине „ол ин“ во воук универзумот.

Додека компаниите влеваат милијарди долари во инфраструктурата за вештачка интелигенција, се води голема битка за талентите со природна интелигенција, кои треба да ги управуваат скапите системи. Мета има годишен пакет за плати од над 2 милиони долари за таленти за ВИ, но сепак продолжува да ги губи своите луѓе. Најчесто заминуваат во Антропик, но не само поради парите.

Одлуката на Трамп да им воведе царини и на непријателите и на сојузниците на САД ја разниша довербата во доларот. Тоа ги поттикна европските амбиции еврото да го замени доларот како глобална резервна валута. Претседателката на Европската централна банка Кристин Лагард го изложи својот план, но Европа се уште нема капацитет за да биде водач на финансискиот свет.

Со векови трае битката меѓу два економски концепта: протекционизмот на домашното производство и слободната трговија. Резултатите од досегашните епизоди на таа битка не се еднозначни. Демократијата е таква што сака евтини производи што ги овозможува слободната трговија но истовремено и таква што ќе ги заштити домашните производители кога тие се доволно бројни и битни.

Општата паника на берзите и стравувањата од инфлациски скок поради трговската војна Трамп повторно го истури својот гнев врз Федералните резерви, инсистирајќи да ги намали каматните стапки. Претседателот на Централната банка не дава знаци дека попушти под притисокот. ФЕД ќе чека материјални докази за повисока инфлација и невработеност за да интервенира.

Интересот за купување на американскиот бизнис на кинеската платформа ТикТок станува сè поголем и сè повеќе лица се во игра. Се спомнуваше Илон Маск а сега се дознава дека постои и конзорциум инвеститори кои ги предводи познатиот јутјубер Мистер Бист. Медиуми ја спомнуваат и цифрата со која сакаат да настапат како своја понуда.

До две-третини од канцелариите и останатиот деловен простор со кој располага американската федерална влада ќе се најдат на распродажба по доаѓањето на новата постава во Белата куќа.

Во годината откако Лабуристите се дојдени на власт во Британија, по еден милионер ја напушта земјата на секои 45 минути, покажуваат бројките што ги објавува британски Телеграф.

Сето она на германска територија што Фолксваген кенка дека не може да го одржи во работна состојба и нема пари за да продолжи со производство Кинезите со задоволство би го земале под свое.

По завршувањето на тн. „новогодишна кошничка“, се очекува цените повторно да излезат од лер и да се стават во брзина. Сите пак ќе удрат по трговците (не дека нема лакоми говеда меѓу нив), но друга е цаката. На основа на која продуктивност се даваат зголемувања на плати на јавна админстрација, пензии и слично? Инфлацијата е термометар. Со кршење на термометарот, температурата нема да престане да постои.      

Италијанска Прада е еден од потенцијалните кандидати за купување на Версаче групацијата која беше ставена на продажба од нивниот сопственик Капри Холдингс.

Компанијата Герхарди Кунстштофтехник основана во 1796 ја преживеа инвазијата на Наполеон, Големата депресија и двете светски војни, ама не и актуелната криза на Европа и посебно европската автомобилска индустрија.

2024 година беше одлична за милијардерите. Повеќе од половина од 2.800-те милијардери во светот го зголемиле своето богатство, некои за неколку милијарди, некои за десетици милијарди долари. Најобилно е кај првите десет кои својот џепарац оваа година го имаат зголемено за вкупно 730 милијарди. Орото го води Илон Маск, прв во историјата кој стана побогат од 400 милијарди долари.

Саудијците кои со децении успешно вадат милиони тони нафта, сега идентично успешно извадија литиум од примероците на солена вода која им останува како нуспроизвод од вадењето нафта.

Првиот човек на луксузниот бренд Картие, со лично богатство проценето на 7,5 милијарди долари, признава дека навечер не спие заради страв дека сиромашните ќе се кренат на бунт.

По цела година откажувања, демагогии и нови мерки околу увозот на рускиот гас, Европската Унија 2024-та ја завршува со рекордна увезена количина руски течен гас.

Вредноста на акциите на рускиот енергетски гигант го достигна најниското ниво во последните 15 години, откако Украина пркосно одлучи дека нема веќе да соработува со нив.

Двата јапонски производители одржале „прелиминарни“ разговори околу „потенцијално“ спојување во една компанија кое би им помогнало да се спротивстават на наездата од кинески електрични возила.

„Се кладам во сè што имам дека ОпенАИ ќе банкротира меѓу 2026-та и 2028-ма,“ заклучува една анализа на достапните финансиски податоци за компанијата која поради звучноста нема проблем со инвеститори, ама затоа има долгорочен проблем со приходите. Башка што не се знае како ќе завршат судските процеи кои против неа ги започна Илон Маск.

Почна со едно симпатично вирално меме, бргу стана популарна и фино ја користеше својата популарност,  изгледајќи ни како многу фина и приземна девојка. Ама, лакомоста не знае за граници па освен капи и маици, се лансираше и крипто токен под нејзиниот бренд кој молскавично постигна фасцинантна пазарна проценка за веднаш потоа да изгуби 95% од вредноста. Тие што купуваа, останаа без пари. Кој им е крив.