Соочени со секојдневни поскапувања, речиси 30% од Американците ги користат наменските кредити за купување храна на рати. Тоа ги принуди продавачите уште повеќе да ги зголемат цените на производите, со што ја продлабочуваат должничката спирала и во неа туркаат многумина од оние кои сè уште можат да си дозволат да платат веднаш за леб, млеко и јајца.

Туризмот низ југот на Европа се велича како модерна „тешка индустрија“ и моќен двигател на економскиот раст. Но, ниту една земја во историјата не се збогатила од туризмот, ниту пак некогаш ќе се збогати, забележува аналитичарот Марко Јукиќ. Производството и иновациите се единствениот одржлив пат за трансформација од туристичка дестинација во економски фактор.

Прашање на денови е кога после 18 години, Најк ќе испадне од престижниот американски берзански индекс S&P 100. Пред помалку од пет години компанијата вредеше 264 милијарди долари, денес пет пати помалку. Вредноста на нејзините акции има паднато за околу 80%. Компанијата што некогаш создаваше култура, сега почна да дели купони за попуст.

Каматните стапки во Европа растат побрзо отколку во Јапонија и САД. Франција, која е особено погодена од кризата, се приближува кон нивоата на долг што ги имаше Грција за време на кризата пред една и пол деценија. Долгот постојано се продлабочува, политичката класа е парализирана, а фискалната консолидација изгледа како невозможна мисија.

Во трката за продажба компјутерски хардвер и чипови, голема е опасноста да се кредитираат шпекулативни проекти кои ќе донесат помали приходи или ќе се остварат подоцна отколку што предвидуваат сложените договори. Резултатот ќе биде огромен вишок на скапи и неискористени чипови. Ниту една компанија не е толку длабоко вплеткана во оваа мрежа како Nvidia. 

Скриениот фискален товар на Еврозоната е барем толку голем колку и нејзиниот евидентиран долг. Членките на ЕУ позајмуваат во валута што не ја контролираат, а ниту една од големите економии нема намера да ги контролира трошоците, постојано прибегнувајќи кон зголемување на даноците и регулаторни оптоварувања, кои ја прават економијата уште послаба.

Економијата на Финска со години беше ѕвезда на стариот континент на чии перформанси завидуваше цела Европа. Но, Нокиа беше симната од тронот, се десеткуваше побарувачката за хартија поради дигитализацијата и почнаа проблемите. Пандемијата и руската инвазија дополнително ја влошија состојабата па денес Финска во некои метрики стои полошо од Шпанија и Португалија.

Во трудот „Стапицата на отпуштањата заради вештачката ибнтелигенција“, двајца американски истражувачи математички моделираа како брзата автоматизација со помош на вештачката интелигенција води кон кон економски колапс. Секоја компанија со најрационални мотиви ќе влезе во ВИ трката зашто ако таа не влезе, другите ќе влезат и ќе ја уништат. Но кога сите ќе се фатат за тоа оро - проблем.

Американските даночни обврзници му дале на „Џенерал Дајнамикс“ 533 милиони долари за нова фабрика која требало да произведува гранати за Украина. Роботите се палеле, работниците седеле без да прават ништо. Објектот извадил точно нула употребливи гранати. Откако производните линии биле затворени, истата единица на „Џенерал Дајнамикс“ добила уште 2,5 милијарди долари во договори. 

Компанијата на Питер Карп и Алекс Тил, озлогласена поради производството на системи за надзор, го пријавува речиси целиот свој профит во САД, иако голем дел од приходите ги остварува во Европа, што овозможува значително намалување на даночните обврски. Палантир пријавува профит од 47,7 центи на секој 1 долар приход во САД, а во Европа вештачки ја спушта маржата на само 3%.

Фондот Situational Awareness на вундеркиндот Леополд Ашенбренер за помалку од три недели премина од годишна добивка од 439% во принудна ликвидација. Загубите од 45 милијарди долари се предупредување за секој инвеститор за ризиците од вложување во недокажаниот потенцијал на вештачката интелигенција без да се почитуваат основите на пазарот.

Иако Трамп лани воведе високи царини за Кина за да ја израмни трговската размена и да ја ревитализира американската индустрија, се зголемил увозот на кинески производи во САД. Бариерата од царини индиректно предизвика и пад на инфлацијата на други развиени пазари, вклучувајќи ја и Европа, кои се пренасочија кон купување поевтини кинески производи.

Обложувањето на спортски настани едвај и да постоеше во САД пред 2018 година. Следеше една од најбрзите експанзии на потрошувачки активности во историјата – од 6,6 на речиси 300 милијарди долари. Американците лани на спортски облози уплатиле двојно повеќе пари од вкупниот приход на кината, концертите, фестивалите, издаваштвото на книги и посетите на музеи - заедно.

Главните играчи на пазарот на нафта не чекаат да видат како ќе заврши војната помеѓу САД и Иран и кој ќе ја преземе контролата врз Ормускиот теснец. Кој и да победи, ќе сака да наплаќа патарина, а секоја нова искра може повторно да ги блокира танкерите. Арапските земји и нафтените компании забрзано бараат начини трајно да го заобиколат овој воден пат.

Додека земјите од Г7 се обидуваат да ги ограничат приходите од нафта на Кремљ, грчки бродосопственици оствариле профит од речиси 4 милијарди долари од транспорт на руска нафта во изминатите три години. Западните превозници се изземени од режимот на санкции за Кремљ ако гарантираат дека нафтата се продава по ограничените цени. 

За само една година 441.078 Американци станале милионери. Секој ден имало по 1.200 нови, или една половина од вкупниот број на глобално ниво. Бројот на „секојдневни милионери“ се шири побрзо од кога било во последните 17 години, но тие не се чувствуваат богати, бидејќи се споредуваат со повисоките класи, сè додека не го достигнат нивото од 5,3 милиони долари.

Доналд Трамп долго градеше бизнис-империја со недвижнини, но откако лани се врати во Белата куќа и се префрли на криптовалути, новиот бизнис му донел приход од 1,4 милијарди долари. Добил уште стотина милиони долари од тужби и од продажба на брендирани часовници, Библии и голф-палки. Како претседател, не е предмет на федералните закони за судир на интереси.

Илон Маск одбројува до моментот кога ќе стане првиот билионер. Вечерва на берзата ќе се појави неговата SpaceX, која од иницијалната јавна понуда на делници (IPO) веќе собра 75 милијарди долари и доби историски најголема почетна вредност од 1,7 билиони долари. Не дека досега му беа малку милијарди - повеќе од БДП-то на неговата родна Јужна Африка.

Бројот на мали дуќани во Германија драстично се намалил во изминатите две децении. За тоа постојат низа причини, но главната е конкуренцијата од големите и побогати продавници. Сопствениците сè почесто банкротираат, но страда и целиот град, кој го губи својот идентитет, паралелно со поскапиот живот и огромниот скок на криминалот.

Сè повеќе британски компании ангажираат приватни детективи за да потврдат дали сите работници што се на боледување навистина се болни. Освен боледувањата, многумина вработени ја злоупотребуваат и флексибилноста да работат од дома, воведена од времето на пандемијата, и времето поминато по кафеани го пријавуваат како работни часови.

Доналд Трамп во декември добил донација од основачот на Dell. Во следните три месеци претседателот вложувал милиони долари во компанијата и отворено ја фалеше. Сега го жнее ќарот. Акциите на Dell скокнаа 255% во првиот квартал и уште 32% во еден ден откако компанијата склучи договор со Пентагон од 9,7 милијарди долари.

Откако купи акции во производители на чипови и рударење ретки минерали, администрацијата на Трамп има нова индустрија на радарот: квантните компјутери. Министерството за трговија инвестира повеќе од 2 милијарди долари во девет компании за квантни чипови и пресметувања. На листата е и фирма во која инвестирал Доналд Трамп Јуниор.

Кога кон средината на јуни Спејс Икс ќе се појави на берзата со проценета вредност од околу 1.500 милијарди долари, Илон Маск ќе стане првиот билионер на планетата. Но, тој го крева многу повисоко плафонот. На инвеститорите им најавува дека вкупната вредност на акциите на технолошкиот гигант ќе скокне до 28 билиони долари.

Кога Илон Маск го купи Твитер за 44 милијарди долари, го биеше глас дека не само што преплатил, туку и дека ги заглавил некои од најпознатите инвеститори во катастрофална зделка. Платформата не почна да им прави големи пари, но Маск им се оддолжи со брилијантни спојувања и преземања, со кои за четири години им ги дуплира вложените милијарди.